M!ss Hawaa @mss_hawaa

عضوة فعالة

تكفون بنات كيف توقفون مع ازواجكم بوقت مرضهم ؟؟

السلام عليكم
بنات انا بحاجة نصايحكم ودعواتكم لحبيبي وزوجي الي مابعد يفرح قلبي بقربه
واتهني بباقي حياتي معاه <<<< مملكة مابعد اتزوج
تكفون بنات وربي ماعمري ضاقت فيني الوسيعه كثر هالايام الي طافت وربي ماذاقت
عيوني النوم لي 4 ليالي ولا شفت الراحه
حبيبي ربي ابتلاه بذبحة صدرية ( انسداد بشرايين القلب ) ومحتاج لعملية قسطرة
ومادري كيف اوقف معاه واساعده وارفع من معنوياته ونفسيته
ادعي له بكل وقت وربي واحاول اخفف عنه بس ماحس انه كافي
انتو لمرضو ازواجكم كيف اتعاملون معاهم وتساعدونهم وربي ماعندي ادني خبره
وخلفيه عن هالامور ابد لكلمته ماعرفت شقول له واضيق صدره واقعد ابكي وانطرم
مانطق بكلمة وازيد الطين بلة عليه
ابي نصايحكم كيف اخفف عنه واحاول انسيه تعبه واحسسه بقربي منه وحبي له بهالوقت
( مع العلم اني بعيده عنه هو بمنطقة وانا بمنطقة )
يعني مالي الا صوته الي بس اسمعه وهذا الي ذااااااااااااااااااااااااااااااااااااااااااااااااابحني
اني ماقدر اعوضه واكون بجنبه بهالوقت وانا عارفه ان ماحوله لا ام ولا اب ( متوفين )
تكفون انصحوني علموني وشلون اساعده واكون بجنبه بهالوقت وانا احسه بأشد الحاجة لوجودي
ويذبحني لما يقول لي صوتك بلسم لسمعته
يشرح شرايين قلبي المسدوده
احسسسسسسسس اني بعيده عنه وابي اكون بجنبه هالوقت
شلون اتصرف وكيف اتعامل معاه لا تهملون موضوعي تكفووووووووون

يلزم عليك تسجيل الدخول أولًا لكتابة تعليق.

تسجيل دخول

kteeer_nice • 18 سنة

يا قلبي الله يشفي زوجج ويقومه بالسلامه ان شالله ..

ادعيله حبيبتي .. ادعيله في كل صلاه وصلي قيام الليل وادعيله ..

واتصلي عليه كذا مره باليوم اتطمني عليه .. ولو مو باتصال عالاقل بمسج ..

هذا اللي عندي .. وان شالله البنات يفيدونج ..

:26:

ناردين_نردين • 18 سنة

الله يشفيه ويقومه لك بالسلامه

حبيبتي كل عاطفه بها الدنيا أظهريها له
هو في أمس الحاجه لها
لا يكون كشفقه ولا تبكي كذا تنزلي من معنوياته ويخاف
والشي هذا مو حلو أبدا له
وإدعي حبيبتي إدعي بكل مافيك
قومي الليل وأرفعي كفوفك وقولي يارب ياكريم
والكريم مايرد عباده
قلبي معاك

M!ss Hawaa • 18 سنة

kteeer_nice :

يا قلبي الله يشفي زوجج ويقومه بالسلامه ان شالله .. ادعيله حبيبتي .. ادعيله في كل صلاه وصلي قيام الليل وادعيله .. واتصلي عليه كذا مره باليوم اتطمني عليه .. ولو مو باتصال عالاقل بمسج .. هذا اللي عندي .. وان شالله البنات يفيدونج .. :26:

يا قلبي الله يشفي زوجج ويقومه بالسلامه ان شالله .. ادعيله حبيبتي .. ادعيله في كل صلاه وصلي...

الله يجزاك الف خير اختي
وكل الي قلتيه وربي قاعده اسويه اكلمة باليوم اكثر من 10 مرات وادعي له بكل وقت
وارسل له مسجات

بنات تكفون ابي دعاء شفاء المريض

باربي3 • 18 سنة

ممكن ترسل له ادعية الرقية الشرعية
اللهم رب الناس
مذهب الباس
اشفي انت الشافي
لا شفاء الا شفائك شفاء لا يغادر سقما

حبيبتكم • 18 سنة

السلام عليكم ...

أسأل الله العظيم رب العرش العظيم أن يشفيك ...

اللهم رب الناس أذهب البأس و اشف أنت الشافي لا شفاء إلا شفاؤك شفاء لا يغادر سقما ...

هذي من أدعية شفاء المريض ...
انتي دايما ذكريه ان هذا ابتلاااااااء ... و ما أحب الله قوما إلا ابتلاهم ... خليه يتصبر بهالكلام ... و ترى ذكر الله فيه شفاء للقلوب ... ألا بذكر الله تطمئن القلوب ...

و الله يشفيه و يرفع عنه يارب ...