تكفون تعبت من زوجي وبنات الجيران

بالبدايه ياليت اللي ترد علي تحكم عقلها لاني ابي مشورة انسان عاقل وانتم ماعليكم زود
انا تزوجت وكان عمري 22سنه وتزوجت انسان ملتزم يخاف الله محافظ على الصلاه وفعل الخير وامه مره بحالها وانا احبها كثير وهي بعد
المشكله زوجي قبل لايتزوجني خطب كذا مره ولكن ماصار نصيب ومنهم بنت الجيران انا بالبدايه ماكان يهمني وكنت اعاملهم كأنهم خواتي وبصراحه شغل البيت ماشي حالي مو مره وهم شاطرين زوجي اول زواجنا قالي كلمه وزعلت قالي صادقيهم وتعلمي منهم انا انجرحت من هالكلمه وصممت الا اكون مرة بيت شاطره وبالفعل صرت مضرب المثل عند اصدقاه وحريمهم اللهم لك الحمد هم تقربوا مني وحبوني وحبيتهم كانواويسالوني عن تفاصيل كثيره وانا كنت اجاوب بطيب نيه الى ان صاروا يتدخلوا بكل شي والاخت اللي كان خاطبها تسألني عن كل شي يخص زوجي وايش يحب ياكل حتى راتب زوجي يسألوني عنه واصلا هم يعرفوا عنه كل شي لان اخوهم صديق زوجي بصراحه انا كنت ساذجه للاسف ماحطيتلهم حد لما يشوفون سياره عند الباب على طول يتصلون من عندكم واذا ماعزمتهم زعلوا وكانوا يتمشون بالبيت كانه بيتهم المهم ام زوجي اول تحبهم مره جارتهم قبلي ومع الايام جا زوجي وقالي امي تقول جيرانك مايحبون زوجتك ويغارون منها انا اخذت الامر عادي ومشيتها الحين البنت ماتزوجت وعمرها فوق 35 والاحظ دايما يلمحون لي لو زوجك يتزوج وش تسوين بالاول كنت اقول اترك بيتي واللي باعني ابيعه وكانوا ينبسطون من جوابي انا ماودي اظلمهم هم مايقصرون معي وخدومين لكن اللي يحيرني فظولهم الزايد عن حياتي وغيرتهم الزايده مني زوجي هالايام صار يلاحظ اني ماحبهم مثل اول ودايما يقولي الحمدلله ماخذت منهم وهذا كلام امه اول لانهم يحبون يوقعون بينا كثير وصارت بيني وبين زوجي مشاكل من وراهم وانا كنت اسمعلم وفي بالي انهم هم الذكيات والجلسه مافيها الافلان وين راح وين جا اللي هو زوجي ولما انادي زوجي ابو فلان يستهزؤن فيني وانا امشي الكلام ومره اختهم تقول حلم عن زوجي وانا جالسه ردت اختها قالت معناته تبينه وهو مايبيك واختها مانكرت نزلت راسها وانا جالسه ضحكت ومشيتها ابي احد يعطيني الحل لاني ماقدر اقطع علاقتي فيهم ابدا بس ودي اوقفهم عند حدهم والله اني اخاف البنت قعدت الله يرزقها واقول يمكن اخوها يقول لزوجي خذها وظروف زوجي الحمدلله طيبه خوات زوجي يقولولي دايما تراهم ميتين على زوجك لانه لما خطب طلبوا منه طلب وهو رفض ودايما يوصوني انتبهي من الحريم ولما تصير مشكله بينا يقولون لزوجي من جيرانك حاقدين عليها يبون يخربون بيتها وهم دايما ينقلون كلام بيني انا واهل زوجي ولما اقول لخواته يحلفون وهم ملتزمات واصدقهم ياليتكم تردون علي ابي مشورتكم واعذروني على اسلوبي والله مو مجمعه التفكير ذبحني