تكفون تكفون ساعدوني في ولدي

السلام عليكم
ولدي عمره 3 اشهور واسبوع متعبني في نومه يابنات بشكل اذا جاه النوم اكون راضعته ومغيره له واكوفله واعطيه الهايه واقعد امشي فيه واهز فيه والله نجلس ساعه على عالحال لين ينام نومه عسررر
يكون هلكان نوم بس ماينام بسرعه يبكي ويعصب وحالته حاله مدري كيف اخليه ينام بسهوله ادري الهز والمشي فيه مو زين راح يتعود بس والله عجزت فيه اجبرني على كذا
ولا يقعد صياااح انا قبله كان عندي بنت وكانت ترضع من صدري وتنام وش زينها هذا لا يرضع لين يخلص وماينام عالصدر هلكني الله يصلحه فيه احد يعاني مثلي بتنويم طفله ولا بس انا😭😭😭😭 وبالعطله الجايه بروح لاهل زوجي اسبوع وشايله هم ولدي كيف بنومه عندهم ااه ياربي تساعدني😞😞 وصحيح ان النسكافيه
والقهوه تجيه من حليبي وتسبب له ارق ؟ لاني قريت هالمعلومه ومدري ماصدقت اغلب معارفي يرضعون طبيعي ويشربون منها عادي والله مدري احترت وجعل من تساعدني ربي يفرجها بوجهها وصح ترا اعطيه دوا المغص يعني مو سبب صياحه مغص