كوبونات الراقية تسجيل الدخول

الصابرةالمغتربة

تكفون جاوبوني انا غلطانه ولا ابوي

الأسرة والمجتمع •

انا مضايقه بالمره يابنات ومحتاره ابي رضى ابوي وهو يبي اهانتي لزوجتة والله اني ما قصرت معهم واخدمهم بعيني وحتى زوجة ابوي اعاملها أحسن معامله حتى دايم تقول بنت بطني ماهي باره فيني مثلك انا مااعاملها بالمثل ودائم تسبب مشاكل لي مع ابوي وتحرضه علي وعلا اخواني ودايم ابوي يغلطنا وهو عارف انا مظلومين بس ليه كذا مدري ودايم يقول لي اذا تبين رضاي عليك اعتذري من عمتك وحبي راسها وهي تتمادى معاي وتسب وتلعن اذا ابوي مو بالبيت وآخر مشكله سوتها معاي انا ماتحملت وعصبت عليها احس اني ماني قادره الي فيني من هم يكفيني مع حبوب منع الحمل اعصابي متوتره وقال ابوي اعتذري ولا اطلعي من بيتي وقال عادي تسبك وتهينك تحملي عادي عاد انا حلفت ماعتذر وطلعت من بيت ابوي وسافرت مع زوجي والحين مضااايقه ابي رضى ابوي ومابي أهين نفسي لزوجته كفاااايه تعبت الي عندها حل تساعدني والله تعبانه:44:
15
1K

يلزم عليك تسجيل الدخول أولًا لكتابة تعليق.

تسجيل دخول

دلع العبدالله
دلع العبدالله •
لا منتي غلطانه خليهااا تولي وقفيهااا عند حدهااا وابوج كلميه وفهميه واصليه مهما كان ابوج


بس هي لاتمادي عليج وقفيها عند حدهااا وين امج ؟ ولج اخوان عايشين عندهااا وشلون معاملتها لهم
روعه النسياآن
روعه النسياآن •
الله يعينك ويساعدك بس ابوك لا تخلين مين ماكان يفرقك عنه
تراها مو خسرانه انتي الخسرانه راااضيه وهي قوليلها
براضيك علشان ابوي والا ما بيني وبينك الا ربي بدعي عليك لانك ظالمتني
وطبعا بس تخويف لاتدعين عليها
حنايا*
حنايا* •
أهم شي رضى الوالد وربي راح يوفقج
ام رمووووووش
ام رمووووووش •
الله يفرج همك وانسي حبيبتي وكلمي ابوك بالتلفون وسلمي عليه واتكلمي عادي كأنه ما صار شي وكلمي زوجته وكله عشان رضى ربي وبس واذا رجعتي روحي سلمي عليهم طنشي اي تصرف يضايقك من زوجته وخلي في بالك انك تبري بابوك طول ماهو موجود بالدنيا
الله يوفقك ويسعدك وينولك كل اللي تتمنين
الصابرةالمغتربة
الصابرةالمغتربة •
مشكورين يااخواتي بس انا رحت الحين بعيد الاضحى ورضيت عمتي ورتبت لها البيت وحنيتها للعيد كل هذا عشان يرضى ابوي علي ماني مرتاحه وكل الي سويته ومارضى ورفض يسلم علي حتى زوجي دخله المجلس وتركه وراح الغرفة الثانيه وماعبره زعل زوجي وطلع وانا قعدت اكلمه قال ماني بحاجة احد الباب مفتوح الي بيجي مادريت عنه ولي بيروح بطقاق وكسر خاطري حنيت جدتي امه وبخرتها وعطيتها كسوت العيد ورحت وسافرت وانا مضايقة بالحيل وزوجي قال انا مدخل بيت ابوك مره ثانيه انزلك وامشي