السلام عليكم ورحمة الله وبركاته
بغيت أستشيركم بموضوع وأبغى نصيحتكم كيف أحل هذا الموضوع؟؟
فيه إنسانة متعلمة وزي مانعرف العلم مرتبط بالعقيدة يعني كل مازاد الإنسان في تعليمه المفروض يزيد إدراكه وتتوسع مداركه ويزداد تمسكه بدينه بس للأسف الحاصل في هذا الوقت كل مازاد علم الواحد زاد بعده عن الله وتخليه عن مبادئه الدينية إلا من رحم الله
وهذي الإنسانة تشتغل ممرضة والمتعارف عليه إن الممرضات ملائكة الرحمة وغير كذا مفروض عملها يقربها من الله أكثر لأنها تشوف المرضى وتشوف كيف يعانوا وتشوف الموتى وتشوف أهل الحوادث والمآسي
وغير كذا إنها كبيرة بالسن عمرها 45 سنة ومرت بكذا تجربة زواج ونتج عنها ولدين وكلها أنتهت بالطلاق
وآخر شي أتزوجت شاب عمره 26سنة وجابت منه بنت
المفروض تكون واعية لأنها مرت بتجارب كثيرة غير مجال عملها وسنها كل هذا له دور في إنها توعى أكثر للدنيا لكن للأسف
هيا عكس ذلك
تقوم بأعمال غير شرعية كتعليق التمائم لدرجة إنها حطت بلونة وورقة مرسوم فيها يدين ومكتوب عليها أعوذ بالله من الحسد والله وأكبر
حتى زوجها علمته على ذي الأشياء وتعطيه حاجة زي التراب يحطها على سيارته يقول عشان
ماتجيهم عين وماينحسدوا (شوفوا بالله كيف التفكير)
ولما ينصحها أحد بحرمة الشي هذا
ترفض تتقبل النصيحة حتى تقطع علاقتها فيهم وتسوي بينها وبينهم مشاكل فالكل بعيد عنها ومايقدر أحد ينصحها
فإيش نصيحتكم كيف نقدر نتعامل معاها وكيف ننصحها؟؟
وجزاكم الله خير