التعلق لغير الله عذاب ومنفر مره للطرف الثاني تعلمي كيف تحبين نفسك وتفكين عنه شوي، قوليلي يجيب عامله تمسك شغل البيت ووفري لنفسك مساحه ترتاحين فيها وقوليله وانتي بعز الشغل عشان يقتنع ويجيب، وكثره الشكا والزعل والاحباط تجيب طاقه سلبيه للطرف الثاني وتحسسه انه مهما سوا يبقى مقصر ف تلقائيا ينسحب ويشغل نفسه ، انا اقترح اول شي يوفر لك عامله عشان يخف الشغل شويه والتفتي على نفسك ، انصحك بكتاب احتياجاته واحتياجاتها واسمعي بودكاست سيكولوجية المراه والرجل للدكتور سلمان العواد وتابعي ام اليسر ، الله يوفقك يارب ويرزقك السعاده

بنتي كل ماتمرين فيه من مشاعر ولخبطه علشانك صغيره ومحتاجه الأحتواء .
الرجل طبيعته مختلفه عن طبيعتك هو يحكم العقل وأنتي تحكمين مشاعرك وكلاكما طبيعي .
الحل:
أولا ومع مرور الوقت بتنضجين ويكبر عقلك وبتكون طاقتك أفضل وبتخف حدة المشاعر عندك .
ثانيا الرجل يعرف ايش تمرين فيه ولكن يشوف ان هذي الأمور بسيطه وفقط تحتاج تنظيم للوقت .
ثالثا: مو لازم كل البيت يتنظف .
كمان فيه غرف مو لازم تستخدم .
ركزي على غرفة المعيشه والنوم وحمامك والمطبخ .
الحمامات الله يكرمك مو لازم يوميا أنتوا كبار بتحرصون على نظافتها .(ولكن زباله الحمام تخلصي منها يوميا )
رابعا: استعيني بأجهزه تساعدك مثل غسالة المواعين روعه ومجفف الملابس لانه بيغنيك عن النشر وكي الملابس .
خامسا :إذا إمكانياتكم ماتسمح لا تهلكين نفسك حددي يوم معين للكي او لا تراكمي الشغل .
غطي الفرن بقصدير وغيريه يوميا بدل التنظيف .
(أمور كثيره بتساعدك على تنظيم وقتك)
سادسا: استعيني بعاملات يجونك اسبوعياً بالساعات يشتغلون يسوون كل المهام من كنس وتنظيف البيت بالكامل والكي .
سابعا :الطفل بيكبر ربي يصلحه ويبداء يتعدل نومه وتقدري تروقين وتنامين زين .
النقطه الاهم :عودي طفلك على النظام علشان مايتعبك ويتعلم الأدب .
ثامنا:مهما كانت الظروف حددي لك ساعتين تروقين فيها او تهتمين بنفسك جيدا .
تاسعا:تدلعي لزوجك علشان طلباتك أوامر .
عاشرا:تطمني مشاعرك أتجاه زوجك بتخف يوما ما وبتحبين نفسك جدا وفي نفس الوقت يصبح زوجك الي يحتاج هذه المشاعر من حب وحنان .
🟢🟢🟢 لا تنسين قراءة القران يوميا