تكفون خلاص

جيبي شركة مكافحة حشرات ضروري 
واقري الاذكار الله لايسلط علينا جند من جنده 
طيب دولاب مطبخك خشب ؟؟؟ وابواب الحمامات ؟؟؟
اذا خشب غيرو بالمنيوم الصراصير تحب الخشب وتعيش فيه 
وصبي في الحمامات جارة مرة كل شهر لاتوقفين عن استخدامها 
اذكر وحده كذا تقول اذا فتحت دولاب الملابس الصراصير تمشي علی ثيابها بشكل كثيف 
جابت شركه وطلعو من البيت 3 ايام اخذو شقه مفروشه والحمدلله انحلت المشكله 

لاوالله مو خشب

الله يعينك .. والله اني بحرب معها .. مثلك من ثلاث سنين

ومن كم شهر دخلت الثلاجة بس الحمدلله احسهم خفوا هالفترة وشغالة على القضااء عليهم

استخدمت الجارة .. وفيه علبه حمراء بعشرة ريال تخلط مع السكر والحليب والماء

واستخدمت بودرة حصلتها بالنهدي مكتوب عليها ابيدوا وانها تبيدها لمدة سنة

والريد ماتخلص من البيت الا اجيب ثاني ..

وكل فترة اتفاجا بها بمكان تقل بمكان وتروح لمكان ثاني ومثلك افكر لو انقل بتنقل معي فلازم اقضي عليها

الثلاجة طلعت كل شيء فيها وغسلتها زيييين وغسلت مكانها ورشيت ريد وجلست كم يوم كل ما امر المطبخ ارش جوانب الثلاجة ريد وكمان تحتها .. لي فترة اشوفهم مو موجودين وان شاء الله انهم اختفوا

كمان سمعت ان التبخير بالمستكى او اللبان يفيد واستعملته بس يبي له مداومة

فيه كمان الاكياس الصفراء الصينية توزعيها بكميات جيدة بالاكان وكذا تفيد

قرأت مرة انه عشان تقضي عليها لازم محاصرتها بكامل المنزل لمدة 21 يوم ..

لو تقدري تشتغلي عليها هالفترة من الشهر يوميا تبخي بريد " وفيه واحد ثاني اقوى حسيته " كل يوم بكل اماكن تواجدها وتجمعي الميتة منها وع الزبالة لانها لو لقت ماء ممكن تبيض فيه وتتكاثر حتى وهي ميتة

استخدمي كل الانواع الاكياس الصفراء والبودرة والريد ... قد ما تقدري

نظفي البيت تحت الفرشات والسرر والكنب وكل مكان بالبيت

بنفس الوقت حاولي تعزلي البيت خاصة المطبخ غسلي الدواليب .. المواعين حتى النظيفة .. اكياس الاكل غالبا متخبي فيها حاولي توقفي شراء وتفضي الفترة الجاية

ابدا ابدا لاتتركي اكل مكشوف وخاصة السكر والحلى

بداية شهر 8 جيبي شركة .. طبعا شغل مضاعف لكن يجيب نتيجة باذن الله

لا تهتمين ترا والله بعض البيوت او الشقق او الاحياء تكون الصراصير غايشه في الارضيات السفلى لها وصعب القضاء عليها بسهوله او شبه مستحيل
لكن الكلوركس فب البالوعات باستمرار ورشي بودره عند مداخل البيت وفي المطبخ من تحت
وريد وباستمرار كافحيها لانها تتكاثر بشكل رهيب خاصه الحجم الصغير منها

ما أزيد علا كلام خواتي وشغلي سوره البقره بالبيت وإذا بتنقلين سوي تنظيف شامل لأجهزة وكل شي وشوفي الكنبات خشب من داخل يمكن عايشه فيها والله يفكك منها