تكفون دخلوا وردوا علي

السلام عليكم ورحمة الله وبركاته

بصراحة اكتب لكم وانا خايفة يمكن لاني اول مرة اكتب شي من داخلي

اعذروني اذا زعلتكم باي كلمة بكتبها ..

يمكن بسبب شعوري بالالم وانا اكتب .. ما اركز وتطلع مني كلمة تزعلكم

بس بصراحة انا مكتئبة ومتألمة من حياتي ..

كنت دايما استغرب منكم اذا اشوف ناس منكم يهتمون بالموضة واخر شي نزل

بالسوق وتصرفون فلوس ما شاء الله على هالسوالف وصدقوني وقسم بالله ما

حسدت احد فيكم بس كنت استغرب

والحين يوم ان صار الوقت اللي المفروض اكون فيه فرحانة لان يوم زواجي قرب

صرت خايفة وزعلانة ومتضايقة وبصراحة عذرتكم .. كل وحدة تبي تصير حلوة وانيقة

صحيح (( لله في خلقه شؤون )) وكل شي يصير بتقدير من الله سبحانه وتعالى

لكن ومن دون اعتراض مني ما قدرت الا اني احس بالالم يوم ان عطاني ابوي 200

دينار علشان الزواج !! وقال لي انهم كانوا 500 لكن كسر خاطره خطيبي ورد عليه

300 لانه فقير

طيب وانا؟؟ 200 دينار تكفي حق شنو؟؟

وبما ان اخته رفيجتي وزواجنا قريب واشوفها تتجهز من احسن ما يكون والله تحز

بنفسي ما اعرف شنو اسوي ..

اهي احجزت الفستان والصالة والاكل وتجهزت بكل شي وانا ما سويت ولا شي ..

تخيلوا؟؟

اعرف بتسألون نفسكم شنو مغزى كلامي ..

كل اللي ابيه منكم انكم تشورون علي وتدعون لي

تكفون قولوا لي شنو اسوي؟؟

مع العلم ان زواجي بعد شهرين تقريبا