السلام عليكم
بنات اكتب لكم وانا دموعي على خدي من الم الهم اللي فيني
زوجي ادعوله اولا بالشفاء العاجل ..
ثانيا
زوجي جته صدمه عصبيه لأنه انفضح اكتشفته مع علاقه مع وحده
جته حالة انهيار عصبي
فقد الذاكره لمدة يوم
جدا تعبان
ساكت لايتكلم واذااحد ساله او شافه يبكي
بكاء المنكسر
ماصار يطيقني اقرب جنبه او المسه او اكلمه
وش الحل انا معه عند اهله
هل اجلس جنبه او اروح لاهلي هم بمنطقه ثانيه
واللي حابه تقرا مشكلتي عشان تفهم اكثر
تقراها
ودعواتكم لي
7
7
اخذ ذاك اليوم جهازي وركب شريحته ويوم رجعه لي والاقي رقم دولي مسجل برمز دقيت ردت بنت وقرصني قلبي
المهم بختصر الموضوع يوم واجهته انكر وهي انكرت
اخر شي اعترف لي وجته حاله غريبه شدة يده اليمين وتخذرت وقال هذي علاقتي فيها قبل اتزوجك
واحبها مااقدر اتركها عجزت وقال مافي الا هالحل اني اتزوجها وهذا شي صعب عليك واخاف اظلمك معاي وش ذمبك انتي تتبهذلين معي..عاد انا خفت علييه من المرض اللي جاه وقلت خلاص موافقه خذها وطبعا دموعي على خدي قال انا فكرت اسكن هناك بالبحرين طبعا عندها وابحث لي عن وظيفه اخذها طبعا بحجة ان هناك الوظايف افضل من هنا.وقال باخذك معي انا صراحه انصدمممممممممت وقال بياخذ الجنسيه برضو وهي طبعا موظفه دكتوره
المهم هدت الامور وتفاهمنا بهدوء ورجع ذكريات زواجنا واهداني هديه بسيطه بس كل هذا تعبيير داخلي اني تفاهمت معاه ولا عصبت علييه.وطبعا هو مسح رقمها من عندي ومن جواله وقال خلاص بتخلص منها بطريقتي .بعدها بيومين تذكرت ان له ايميل ثاني وهو قايل انه يكلمها عالايميل اكثر من المكالمات..
قلت عطني باسورد ايميلك قال ماله داعي
قلت طيب وبعدها تذكرت اني كاتبته بجهازي القديم
رحت جربت وفتح ولقيت رسايل مرسلها لها طبعا مافي خرابيط وكلام فاضح بس اللي قاهرني انه يتواعد معاها عالمسن ويغليها ويحبها
حتى اسم مولودتي اللي الان عمرها 3 شهور كان يقولها بسميها عليك وانا طبعا لااراديا رفضت لانه ماعجبني وهو كان متعلق فيه وقال ان شاءالله البنت الثانيه بسميها بهالاسم
المهم انا يوم قريت كلامه معاها
وسواليفه انقهرررررررررت وانصدمت دق قلبي بسرعه وركضت عنده وقلت له ياحيواااااان تخدعني كل هالثلاث سنين وانا مادري عن هالشي وتاركني ماتسولف معي وتسولف مع هذي
وقلت ترضى يصير هالشي لاختك او بنتك
وقلت كلام كثييير المهم قال ليه مااعطيتيني فرصه ليه تفتشين ايميلي قلت له مابعد هذي شي لك فرصه اخيره انك تغير ايميلاتك كلها وتغير رقمك ولايصير لك علاقه فيها وبعدها طول الوقت حاط يده على خده ويقول ياربي انفضحت افضحت
بعدها قعد ويده على راسه ويقول راسي راسي الم فظيع بموت خلاص بنجن بصير مجنون ويبكي ويقول لييه كذا لييه انا ابليس انا شيطان انا ليتني ماتزوجت وووووو
وبعدين جته حاله غريبه قال لاتنادين احد لانه شافني ادق بالجوال بدق على اهله لأن اهلي بعيد بمنطقه ثانيه ولااعرف احد
وقام يتغطى بالبطانيه ويقول خبيني خبيني وسكري اللمبه مابي احد يشوفني وانا هناانجنييييييت المهم جو اهله وهو يبكي ويقول ابي امي
ويوم شاف امه قال اسمي انا زوجته قال زوجتي مسكينه
المهم رحنا لبيت اهله والحين لنا 4 ايام هناك اليومين الاولى ساكت وكل من سأله بس يبكي
ويرتجف وهو نايم ينتفض واذا كلمته مايرد وان رد قال روحي عني ..واذا مسكته بعد يده ووخر عني
اذا شافني يتنهد يعني ياخذ هواء ويطلعه بقوه مادي هو كارهني والا ماخذ موقف مني ومتفشل من اللي صار
انا الان محتاره وش اسوي اخوه دق على اخواني قال تعال خذ اختك واهلي هناك انهبلووو وش فيه وش صاير
قال اخونا فيه عين وبنجيب له شيخ يقرا لين تهدا اموره .. انا رفضت اروووح واتركه واخوه هذا يدق علييه يقول تعال نام عندي بالغرفه قال زوجي الحين مااقدر لانه كان نايم وقال بعدين ماادر يوش قاله بالضبط بس اخوه يبي يبعده عني مع العلم ان اللي يدري بالمشكله اللي بينا فقط اخوه انا كنت ناويه اقول لامه االسالفه قبل لايتعب طبعا انه بيتزوج ويروح
لكن الحين مابغيت اللي صار له يفهمونه انه انا سبب المشكله مايدرون ان الغلط منه ..
عشان كذا يوم سمعت اخوه يقول لاخوي تعال خذ اختك قلت لأخوه السالفه كامله على الاقل يكون واحد بالعايله يدري عشان مايوجهون اللوم علي..
تعبت من الكتابه بناااات ارجوووكم دلوني وش اسووووووووووي
مررره تعبانه نفسيا وجهوني وش اسوي اروح لاهلي والا اقعد معاه
لاتنسونا من دعواتكم ربي يرجع علاقتنا مثل ماكانت وافضل انا مستعده اسامح ونبدا صفحه جديده بس وش اسوي الان بوضعي
هذا الموضوع مغلق.
الله يعينك
الحالة اللي فيه واضحة من شان ترحميه
صارحي أهله:قبل يتهمونك بسحره:لأن أعرف ناس اذا تعب يتهموا زوجته وأهلها
الحالة اللي فيه واضحة من شان ترحميه
صارحي أهله:قبل يتهمونك بسحره:لأن أعرف ناس اذا تعب يتهموا زوجته وأهلها
خلييييييك جنبه لا تتركينه هو الحين يردك من الصدمه بس خليك معه
ان شاءالله ترجع علاقتك احسسسسن من اول وياااااهـ
ان شاءالله ترجع علاقتك احسسسسن من اول وياااااهـ
الصفحة الأخيرة
والله يشفي زوجك