تكفون ردولي باقرب وقت نخيتكم

ROOO7y :

بصراحه مدري عنهم بس اتوقع ع كلام الناس النمسا ماتصلح للاطفال ابدا ممله انصحك بدبي للاطفال حيل حلوة ادعيلي بتحقيق امنياتي يااااااارب

بصراحه مدري عنهم بس اتوقع ع كلام الناس النمسا ماتصلح للاطفال ابدا ممله انصحك بدبي للاطفال حيل...

M. S :

السلام عليكم ... النمسا أحس ما تصلح للصغار بالعموم فيينا فيها حديقة اشتاد بارك وملاهي براتر وبرج الدانوب حلو ورحله بحريه في نهر الدانوب مع ساحة ستيفنز وقصور قديمه وحديقة حيوان وفيها مولات كثيره وشوارع فيها محلات كثيره بس طبعا كل الصرف باليورو والأكل غالي حتى الماي غالي نوعا ما وكل شخص على حسب ميزانيته ولا تنسين فيزا الشنغن إلي تسوينها من بلدج عبر السفاره النمساويه أو مكتب تخليص فيز وسعرها تقريبا بحدود 400 ريال سعودي ممكن أكثر أو اقل وتاخذ مدة أسبوع إلى 15 يوم بس ما اعرف نحن في الإمارات النمسا بالذات تاخذ 3 شهور وبعد النظام اليديد بخصوص الشنغن صار الوضع صعب لازم تنزلين في البلد إلي منه الفيزا وممكن تنزلين في البلد إلي بتيلسين فيه اكثر إذا كان ضمن بلاد الشنغن درجة الحراره بالعشرينات ويقولون إنه الجاكيت يكفي حاليا وباقي المناطق مثل زيلامسي كلها طبيعه أنصج إدخلي العرب المسافرون بوابة النمسا تجارب كثيره وأيضا إبحثي في قوقل إكتبي فيينا وبيطلعلج الموقع الرسمي وفيه كل المعلومات ... دبي دار الحي :) بلادي ما اروم ما أمدحها دبي السكن غالي حاليا يعني لو تنتظرين لنص الشهر الياي يكون أحسن وأنصحج تسكنين قريب مول دبي الفنادق أغلى بس قريب منج كل شي المولات واااااااااااااااايده في دبي طبي وتخيري والمولات عموما فيها ركن ألعاب للصغار وفي دبي مول ساحة تزلج وفي إمارات مول عالم الثلج إدخلي على الموقع الرسمي للسياحه في دبي وشوفي الفعاليات بالوقت إلي تنوين تكونين فيه في دبي جربي مع الصغار المترو في الإنتقال من مول ل مول دراغون مول حلو للصغاريه فيه وايد محلات لبيع الألعاب جهزي فلوسج خخخ عندج شارع الممشى الجي بي آر وإذا حابين تغيرون عن دبي يوم ممكن تروحين بوظبي عالم فراري بس تأكدي من موقعهم في اليوم إلي بتسيرين فيه هل يوم عمل أم لا برج خليفه ممكن تطلعون لأعلى البرج تجربه حلوه والبعض يحب يجرب التكسي البحري :) بس الجو لازال حار قليلا أو كثيرا على حسب أنتِ من اي منطقه .. ... دبي أرخص بتطلعلج من النمسا هذا توقعي وكل شخص على حسب ميزانيته ورحله سعيده أينما كانت وجهتك

السلام عليكم ... النمسا أحس ما تصلح للصغار بالعموم فيينا فيها حديقة اشتاد بارك وملاهي براتر وبرج...