تكفون سؤال عن سويسرا

نا لسا جايه من شهر وشوي المهم نصيحتي لك هجي عن جنيف تراها سمعه على الفاضي روحي لأنترلاكن تحححححححححفه تجنن بمعنى الكلمة وهي منطلق لرحلات كثيره منها قمة يونقفروا (اعلى قمة في اوروبا) تخيلي في عز الصيف وتلاقين ثلوج وفيه كمان قمة الشيلثرون وفي الطريق لها تلاقين شلالات وخضره كأنك في مسلسل هايدي صراحه جنة الله في ارضه وبالنسبه للمطاعم تلاقين الوجبات السريعه ماكدنالدز وفي جنيف مطاعم عرب على قفا من يشيل اما الشوبينغ ماأنصحك فيه غالي على غير سنع والرياض فيها اشياء تجنن
وعلشان تاخذين معلومات اكثر ادخلي منتدى العرب المسافرون مره استفدت منه
واي استفسار انا حاضره

السلام عليكم ورحمه الله وبركاته
انا رحت سوسرا واستمتعت فيها ...سويسرا حلوه وايد بس لا تطولين في جنيف يعني خليها بالاخير حق التسوق
شوفي لما رحت هناك جلست في مونترو عجيبه تهبل وسوقها صغير وملموم والمدينه حلوه وتطل على البحيره المشهوره تقدرين توصلين منها على الجبال والقرى الجبليه الحلوه ومصانع الجبن والشوكولاه وطبعا مونترو كلها سعودين يعني كأنك في الرياض
وبعد انصحك تروحين مدينه مونتانا ياي شي خيال ويسمونها السوسريين الجنه حلوه وتقدرين تريحين فيها وفيها عوايل كويتيه كثيره يعني ما يستغربونك
بالنسبه للمواصلات مافيه شي اسمه تأشرين لتكسي لازم تطلبينه بالتليفون ويجيلك !!
وانا انصحك تستعملين الباصات الكهربائيه حلو ومريحه ورخيصه
السوق رائع وطبعا تسوقكم راح يكون في جنيف بضاعاتهم متنوعه وحلوه والماركات كلها طبعا والملابس كلها او اغلبها اوربيه جيده مو مثل لندن بضايعهم صيني وسيلاني وبلاوي
تروحين وترجعين بالسلامه واجازه سعيده

mnooor الله يعطيك الف عافيه على هالمعلومات الحلوه ...وماقصرتي

ظلال القران تسلمين حبيبتي وكفيتي ووفيتي ....وماقصرتي

بس اسماء الفنادق الزينه ايش؟؟؟ وشكرا

في جنيف اوتيل بريستول.. فيه بعد نوقا هيلتون انا ما احبه بس ارخص من الاول ومليان عوايل محترمه..

سوق جنيف يجنن.. فيه غالي وفيه عادي..

باقي المدن ما اعرف عن اوتيلاتها لاني اروح لها يوم واحد من الصباح الي الغروب..
مثل لوزان ومونترو..
وعلى انها يوم واحد الا اني كنت امممممممممل بقوه..
كيف عاد لو كم يوم..

تقدرين من جنيف ترحين لمدينة شيموني الفرنسيه قريبه مره وفيها ثلوج وتلفريك.. مو داك الزود بس اسم ان الواحد راح لمدينه فرنسيه وهو في سويسرا..

وفيه شيلون كاسل احلى مكان رحت له "بعد جنيف" وهي قلعه قديمه بس غريبه مررررره..


وسويسرا عموما ممله.. الا يمكن اللي يحب الطبيعه والكشتات..

جنيف نفسها مافيها شئ غير الاسواق بالداون تاون الاوتيلات زي ماذكرو الاخوات النوغا حلو وعندك كمان برزيدنت ولسون هذا حلو واحب اسكن فيه يطل على البحيرة..

عندك المطاعم مافي شئ مشهور سوى الي تلاقينهم في الاوتيلات والا الباقي كلها مطاعم الفاست فود بالنسبه لاحلى شئ في السياحه بجنيف هو الرحلات البحرية وعندك كمان الرحلات للمدن الحلوة زي لوزيرن حلوووة حيل وعندك كمان زريمات برضو جنان وعندك رحله يعملوها لمرتفعات دياب لغية وهي عبارة عن قمم ثلووووووج حيل خيال وتلفريك وتروحيها طبعا بملابس شتويه لانها رحله من 7 الصباح ل7 المساء.. بالثلوج واااااااااو .. وعموما سويسرا دولة هادية شعبها يتكلم الفرنسي ممل ولو تبين احد يوصف لك وبتحكينه بالانقليزي بيسفهك ويمشي يعني ثقال دم وبعد الاحداث زادت ثقالة دمهم بس مايمنع انك تستمتعين بالتمشي فيها ولا تفوتك المزارع والسهول ومدن صناعه الشكولاته والجبن برضو حلووووووة ....ولا تنسين وانتي راجعه تجبين من عندهم.. عسل.. حلو ورخيص واصلي 100% وطعمة خيال..