طرشي حق زوج امج هدية عن طريق اخوانج .. او طرشيله قصيدة لتلفونه من خدمات الجوال تعبر فيها عن التسامح والاسف .. وامج لازم تتلاقين معاها في مكان غير بيتها .. مثلا اذا عرفتي انها بتروح لبيت وحده من خواتج شلي معاج ورد وهدية وعطيها اياها وقوليلها ماحصلت فرصة اشوفج يامي الا هنيه وقبلي مني الهدية..

والله ماعرف ياوخيتي كيف اساعدج الا اني ادعيلج ان ربي يصلح مابينج وبين امج وزوجها .. والله بيعطيج عقد نياتج الغاليه

أنا أشوف انك لازم تشوفينها حاولي بأي طريقه وبأي مكان لازم تتسامحين منها حتى لو جيتي على نفسك شوي وحاولي انك تعتذرين لزوجها حتى لو هو الغلطان عشان خاطر امك وتذكري ان الجنة تحت قدميها واذا انها موجودة اليوم ماتدرين وين تكون بكرة اذا صار لها شي بتعظين أصابع الندم
(الله يطول بعمرها على الطاعة ويحفظها لك من كل مكروه)
اختي فكري بعقل وخلي كبريائك على جنب تراها امك
الله يصلح بينكم ويجمعكم بالدنيا وبالجنة ان شاء الله.

خواتي الله يجزاكم كل الخير ويوفقكم والله ماتصورون وش كثر متضايقه المشكله ان امي الله يهديها قويه مرره ومن النوع اللي ماترضا بسهوله وكله عشان زوجها ذا اللي مايسوى وياليتها مبسوطه معاه كانت هانت كل حياتها نكد مشاكل وفوق هذا زوجها الصح وانا الغلطانه
تكفووووووون خواتي مابي منكم الا تدعون لي والله لا يفقدكم غالي

لازم تتقبلين امك مهما كانت شخصيتها لا تتذمرين ولا تستائين ولاتفقدين الامل واذا تبين رضا الله اطلبي رضاها أول وخلي سلاحك الدعاء
قلبي معك.

شوفيها عند احد من اقاربك , يعزمها بدون ماتدري انك جايه.
لالالالالالالا تزورينها في البيت ابدا مادام زوجها مايبيك.

بعد ماترضى واعديها في مكان عام او عند الاقارب.
والله يجمع بينكم بخير.