تكفون ساعدوني

اهلين اختي
نصيحه لاتكثري ادويه وخرابيط شوفي هذا نظامي ونظام خواتي وماشاء الله مره مرتاحين معه
اهم شي حطي رشاد مع تمر كل يوم كولي منه صباحاً اهم نقطه
وصلحي لك خبز بر مع رشاد وحلبه وحبة بركه ع الصاج الصبح فطور
مع التمر وبيضه مسلوقه
ولازم ضروري تخلين عندك قهوة النفاس
عبارة عن :
كل شي ملعقه صغيره
قشر قهوه زنجبيل قرفه كمون حبه بركه شوي وحطيهم ع النار واغليهم شوي
وحطيهم بترمس

نجي للغدا صلحي لك مرقه ورز وحطي حلبه واذا ظهرك تعبان كولي ماش
بس احرصي ع الحلبه العشرين يوم الاولات وان حصل لحم او دجاج وخوذي مرقة اللحم او الدجاج
وصلحي لك سلطه مفيده مره للدم ترا وللبيبي بس لاتحطين ليمون
العشاء سوي لك اي شي سواء قرصان مطازيز مكرونه وحطي حلبه
بس ابعدي عن الغازيااات والحوامض انتبهي اهم نقطه
وكثري شرب مويه وحليب دافي مع فلفل خفيف اذا الطفل مايتاثر مره

وقهوة النفاس اجلسي كل اليوم تقهوي ترا ماتضر والتمر مع الرشاااد احرصي عليه اربعين يوم
وترا نصيحه لوتستمرين عليه ماراح يجيك امساك ابداً

الامر الاخر نجي للنظافه الشخصيه
من ثاني اسبوع جيبي ارطا وشوي مره واغليهم ع النار وحطيهم بعلبه بدورة المياه وكل ماتدخلين توضي فيهم وتنشفي وحطي كريم ميبو مهم مره ترا

وحطي بعلبه ثاني زيت زيتون وخوا جوا وحطيهم برضو بالحمام
وكل مره تدخلين استخدمي واحد منهم مره توضي بالمره ومره حطي بالفوطه من زيت الزيتون عن الشمم
وممتاز مره وتلحفي كويس واحرصي ع لبس الشراب وشرب الدوافي

والله يسهل عليك ولادتك وولادتي
واي خدمة امريني

الله يسعدك ويهون عليك ولادتك يارب نصائح جميله واستفدت منها كثير وجزاك الله الف خير

طيب وأعشاب وبخور النفاس تنفع ولا لا ابطل منها