السلام عليكم انا اسمي ساره عمري تقريبا ١٤ وداخله ١٥ اختي الكبيره هي تحبين مره وتبغاني اصير زي صديقاتها وانا فعلنا صرت اضحك معها وصرت اسولف معها وصرت قريب اكثر من هي قريب بس عندي مشكله معها مدري اذا هي تتكلم معي بجديه او تضحك او اللي يكون دائما لما اسولف تقول اسكتي طبعا انا ماهتم لها اخذها على انها مزحه وكل صارت كذا وكل ماقولها شي تقول اسكتي انتي مره تسولفين عاد انا طبعي كذا احب اسولف بس مو هذيك اللي ماتسكت لا يعني اي شي في قلبي اقوله ماسكت ابدا ولا افكر لما اجي اتكلم ابدا مو من النوع اللي كذا ابدا وكنت اشكي لها كل شي يضايقني وهي تعلمني اسئلها تجوب وعلى هذي الحال الا يوم جاك هذاك اليوم هو موقفين مو موقف اخوي كان يحتاج الكمبيوتر فا رحت اعطيته اياه وكانت اختي جنبه وقال جيبي لي الشاحن وانا رحت جبت اشاحن وانا جالسه امشي سمعتي اختي تقول لاخوي هذي ماتسكت و بعد تتفلسف فوق راسك وتدبل الكبد لما دخلت وجهي منصدم من الكلام وماقلت شي لها ولا بينت معني في العاده اتكلم معها ولا علي فيها الهم جالس اخوي جالس يهاوشني افتحي الكمبيوتر فتحت له وطلعت هذا الموقف الاول الثاني كنت متحمسه اسولف معها وهي كانت تعبانه وتبغى تنام وكانت تتابع مسلسلها فا كنت متحمسه اسولف معها الا شوي اقرب منها نايمه قلت ياحرام وزي كذا واطفي جوالها يوم رحت للمطبخ وهي تعرف اني رحت للمطبخ وكنت ابغى اسوي عصير شوي الا ابغى انادي اختي الصغيره يوم جيت ابغا اناديها الا القى جوال اختي الكبيره يشتغل جلست اناظر وشوي الا هي وتشوفني وتطفي الجوال وتسوي نفسها اعمل نفسك ميت انا اناظر ماقلت شي لها بعد سكت وتمر الايام وجلست افكر ليش ماتبغى تسولف معي وش سويت لها فا بحثت وزي كذا وطلع انها يمكن تبغى تسولف بس يمكن انا ماعطيها مجال والمهم وانا اسكت اليوم الثاني وهي ماقلت شي وسكت وتجلس تسولف معي عن شغلها وزي كذا وجالس اعطيها افكاري والخخخ وتحمست ونسيت سالفتها وهي تطلع وادخل عليها قلت اي معليش قاطعتك وش كنت تقول فا هي جلست كم دقيقه تتكلم عن شغلها وسكتت وبس وبعد تمر الايام وطوفت السالفه حقتها وصرت كل ماجي اسولف معها تقول نسيت تسوين زي كذا يعني زي اللي تشغلني وبس
والله مدري وش اسوي معها يعني اسكت او انا. مزعجه او هي ماتحبني مدري تكفون ساعدوني

sa🤍. @sa_25
عضوة جديدة
يلزم عليك تسجيل الدخول أولًا لكتابة تعليق.

مشمع
•
انتي مزعجه ما تختصري الكلام اي واحد يشتي ياخذ راحته واكيد تحبك



انتي مثلي تقريبا انا فتحت قلبي ما اسكت بس لاني احب هالشخص مو مع اي شخص يعني كنت مع زوجي كذا احب اسولف له وهو يسمعني مو هموم بس قصصي وكذا بس حسيته بدا يمل واحس تفشلت فصرت اختصر الكلام وما اتكلم الا اذا هو طلب مني نسولف بس اختصر وما اعيش جوي لان مش الكل يحب طريقتي بس بالثانويه كنت كذا وصحباتي معيشيني الجو وكلنا كنا بس هذه الطريقه ماتنفع مع الكل. حتى لو كانت اختك شخصية لشخصيه غير فا انصحك لاتكثري سوالف معها عشان ماتحسك ثقيله وتتهرب منك بطرق مختلفه اكيد اختك تحبك وتحب تسولف معك بس انتي لا تدخلي جوك وتنسي يعني اتكلمي بالموضوع المهم لا تدخلي بالتفاصيل وتطولي لانها راح تمل منك وتحاول تتهرب منك ولا تفتحي سالفه طويله بأي وقت بإختصار كما قال الرسول صلى الله عليه وسلم"" خير الكلام ما قل و دل "" راح يكون صعب عليك بالبدايه بس راح تتعودي مثلي لاتكوني كتاب مفتوح خلي سوالفك هذه لصذيقه مثلك تحب السوالف وتسمع لك وماتملو من بعض
الصفحة الأخيرة