تكفون ساعدوني ابي اصير اجتماعية

وين ردودكم ساعدوني

أهم شروط العلاقة الأجتماعية عندي @
1 - عامل الناس كما ان تحب ان تعامل
2 - لسانك حصانك ان صنته صانك وان هنته هانك...

كل ما تحتكين مع الناس أكثر اتصيرين اجتماعية

وتعرفي ع بنات إجتماعيات علشان يعودونك ع طبعهم وسولفي معهم وسلمي

الناس تحب اللي يسمعهم لي الآخر و ما يقاطعهم
يحبون اللي يبتسم و يسلم عليهم و يسأل عنهم باهتمام

مثلا أقوللك في البيت أول ماتصحين قولي لأهللك صباح الخير وأهرجي وإبتسمي
وفي المدرسة أول ماتدخلين سلمي ع البنات وإبتسمي لهم وإساليهم عن أخبارهم وسوي أعمال تطوعية بالمدرسة وكوني لك شلة صالحة

بسألك أنتي ماعندك صديقات ويعني أهللك مايسلفون معك بالبيت كيف ماصرتي إجتماعية

وخليك صارمة بكلامك ماتقولين البنات مايحبون يسولفون معي لأن ماعندي مواضيع وإذا رحتي أي مكان إجلسي بمكان بارز وإذا فتحوا موضوع شاركيهم

سويها مرة مرتين لين تعودييين

وخليك واثقة من نفسك ولا تخافيين

في كتاب عندي أسمه كيف تكسب الأصدقاء مرة رووعةإ قريه جدا ممتع

خليك حبوبة ومبتسمة وهادية ولاتعصبين وسوالفك حلوة علشان كل من يعرفك يحبونك ويذكرونك بالخير

ولا يصير سوالفك كلها حقد وسب وسوالف لا تودي ولا تجييب لأن بتسوين للتفسك مشاكل

هلا
الله يجزاك خير على الرد
وين ردودكم ي الباقيين

شوفي حبيبتي خوذي هالوصية مني وانا اختك

اول خطوة عشان تكوني اجتماعية خليك واثقة من نفسك ثقة على سنع

وابحثي فالنت عن الاسباب والطرق اللي حتساعدك وتكوني واثقة من نفسك

وبعد ماتقوي هالثقة راح تلاقين نفسك تلقائيا اجتماعية وفرفوشة وتاخذين وتعطين من السواليف مع الناس

يَ هلا حبيبتي ..

تصدقي يَ حلوة انّي لما كنت بـ سنّك كنت تقريبًا نفس وضعِك ..

استحي و أخجل و ثقتي بنفسي قليلة ..

و ما قدرت أخفف من هـ الحالة غير لما زدت من اختلاطي بـ غيري ..

صرت أحاول ادخل مع الناس و انسجم معاهم خطوة بـ خطوة بالتدريج ..

في البداية كنت حساسة كثير و أزعل و يمكن ابكي من الكلمة ..

و الآن تغيرت كثييير و لله الحمد ..

لأنّي آمنت انو كل إناء بما فيه ينضح ..

يعني اللي تطوّل لسانها فهذا دليل على سوء أخلاقها ..

و انتي بدورك لازم تثقفي نفسك و تطوّري خبراتك و مهاراتك خارج إطار المدرسة ..

زي مهارات الفوتوشوب و الحاسب الآلي و التصوير و عمل العروض و حتى الطبخ و الخياطة ..

و اقري كتب عن تطوير الذات و كسب الصداقات و أنواع الناس وكذا ..

كلللللها راح تفيدك بـ إذن الله و تعزز من ثقتك ..

اهتمي بمظهرك و دلعي نفسك بالمناكير و الاستشوار و التسريحات و الروايح الطيبة ..

شاركي في الانشطة المدرسية من إذاعة او مجلة المدرسة او مسابقات ..

راح تكوني مميّزة و جذّابة بـ إذن الله ..

طبعًا أهم نقطة زي ما ذكرت هو زيادة احتكاكك بالناس ..

في البداية راح تاخذي على راسك و تزعلي و تحسي العالم مو فاهمتك ..

و بعدين راح تكتسبي مهارات التعامل و تصير روحك رياضية اكثر و اجتماعية ..

انا حاليّـا وصلت لمرحلة حلوة و الحمدلله و أطمح لتطوير نفسي و شخصيتي بشكل اكبر ..

و الله يوفقك يارب ..