تكفون ساعدوني احس اني راح ادمر حياتي وحياه زوجي

:06:السلام عليكم


اول شي انا ابتدت هل سالفه معاي من اول اسبوع برمضان


كنت اعاني مع دكتورتي عشان احمل ومراجعات وتحاليل


اخر تحليل سوته لي طلع انه فيني فايرس بالكبد بي ونشط حيل وقالت لي وقفي كل شي علاج للحمل


تخيلو الصدمه انطر 4 سنوات وتبهدلت بالحبوب والابر وغيره وبالاخير تقولي وقفي كل شي


نزل علي الخبر مثل الصدمه والصدمه الاكبر قالت لي زوجج يمكن انتي عديتيه


وسوو لزوجي تحليل وطلع الحمدلله مافيه شي ولا عديته من المرض


بس ابتدت مشكلتي


لانه الدكتوره قالت لزوجي استخدم الواقي لانه لازم عشان ماتنعدي لين مرتك تتعالج


طبعا حسيت باهانه من هل كلمه


والله اول اني كنت الاحق زوجي والبس واعدل بنفسي بس عشان يقرب لي وطبعا لاتشوفون ايام التبويض شنو اسوي بس عشان يتقبل انه يقرب لي بنفس مرتاحه


اما والله العظيم الحين لو تشوفون حالي اقسم بالله مالي خلق حتى امشط شعري واعدل نفسي وصرت حساسه زياده عن اللزوم وكله ابجي من اقل كلمه والله


حتى يقولي زوجي بنفسه يقولي اول كنت تجيني وتتحرشين فيني وتدلعين الحين كلش مالج خلقي ومطنشتني


وصج اناموقادره اتقبله صرت انفر منه


والله قبل كم يوم كان 3 يوم العيد قرب لي زوجي انه صرت اتهاوش معاه ابيه يوخر عني عباله اني اتدلع عليه وتفاجا اني سكت بس سكت وحطيت ايدي على وجهي وقمت ابكي


والله اني موقادره مع انه احبه بس موقادره اتقبل هل شي احس تعبت احس اني راح ادمر حياتي


وزوجي مسكين يحاول يصبرني بس انا صايره عصبيه وخصوصا انه الدكتوره صدمتني قالت العلاج ياخذ من 6 شهور الى سنه


والهانه مافكرت بصحتي كثر مافكرت اني ابي احمل والله تعبت


حتى لدرجه طلبت الطلاق من زوجي وقلت له انا مابي انطر لين تجي وتعايرني اول شي اني ماجبت لك للحين عيال والشي الثاني اني مريضه


رد وقالي انا موقليل اصل عشان اعايرج بالمرض المرض هذا من الله ومحد يعترض عليه وانتي وقفتي معاي وانا مرت علي ايام مريض فيها وسويت عمليه يقولي الحين لمن انتي احتجتيني اتخلى عنج


ويقولي العيال لاحقين عليهم خلينا نستانس بحياتنا ويجون بوقتهم



الحين انا ودي اعرف شلون ارد اتقبل زوجي وارد البس له واتعدل له احس اني صرت مغصوبه على العلاقه معاه


اللي عندها اي حل او نصيحه تقولي تكفون والله تعبت


ادعولي الله يشافيني من هل مرض ويرزقني الذريه الصالحه