تكفون ساعدوني بمشكلتي .... <<< محلات قهوه بالرياض

اشتري قهوه هرريه واحمسيها حمس زين بالحماسه املي باديه كبيره وخليها تقريبا بين العشر دقائق والربع ساعه يعني لاتكون شبه نيه حتى مايكون مالها طعم ولاتنحرق علشان ماتصير مره بعدين اطحنيها وحطي في اللقمه اللي هي دلة القهوه المتوسطه مويه ولما تغلي اضيفي فنجال قهوه وخليها تغلي ربع ساعه وبعدين تكوني حاطه في الزمزميه ملعقة هيل كبيره مطحون وطازج وصبي القهوه في الزمزميه وتمتعي باحلى قهوه قصمان سكان الرياض! لان قهوة القصمان سكان القصيم ماتعجبني ثقيله ومره، واحرصي تكون عندك زمزميه للقهوه فقط ولاتخلينها لمشروبات ثانيه؛ والقهوه اللي الجاهزه ماتنفع الاقهوه وحده تجي بعلب من القصيم لكن نسيت اسمها

-----------------------------

شوفي اشتري القهوه هرري وبعدين روحي بهاويحمسونهالك وناكدي ان دلاك وزمزميته مهيب هاجره وان بغيتي حطي شوي مسمار في الدله وشوي مويه واطبخيهاعلشان يخف الهجرشوي وكبيهاواغسليهاوبعدين سوي قهوتك

انا صراحة اشتري قهوة الشيوخ جاهزة بس احط منة فنجان ونص في الابريق واحط معة شوية مسمار
وشوية كوفي ميت او حليب واحط موية علي قدة وصراحة حلوة مرة حتي كثيرين سالوني عنة وصارو ياخذون من نفس المحل

وهو محل في النسيم مقابل العثيم

بس تر الدنيا اذواق امكن تجربنية وماتعجبك

عندك محامص الرشيد روووعه قهوتهم اطلبي الحمسه القصيميه ممتازه والهيل خوذي شي زين يطعم بعد

وفي بسوق الاندلس الصغير اللي بالملز محمصه عندهم قهوه روعه حمسه قصيميه

جربيهم مرا روعه والله