تكفون ساعدوني بنتي لها شهرين والكحه مو راضيه تروح عنها تكفون عندكم علاج لها؟؟؟؟؟؟؟؟؟؟

السلام عليكم

بنات طالبتكم لاتردوني

بنتي لها تقريبا شهرين معها كحه مرررره شينه وديتها للدكتور وعطها علاجات ومضادات وسبحان الله مانفع معها

وبعد العلاج قلت بصبر واستخدم اشياء طبيعيه استخدمت الرشاد وماجاب نتيجه

دهنتها بفكس وانكتمت منه

دهنتها بزيت وماجاب نتيجه

والحين لو تسمعون صوت صدرها الي من مسافه بعيده يسمعه

المهم قررت اروح لدكتوره ثانيه ورحت لها وقالت صدرها مرررره تعبان وقالت لي راح اعطيك بخاخين تسوينها لها يدوي يعني استخدم الانبوب علشان ابخ لها بدل من الكهرباء

وقالت تعالي بعد يومين نشوف

المهم استخدمت العلاج وحسيتها زادت عليها الكحه وزاد صوت صدرها

المهم رحت للدكتوره ولما كشفت عليها قالت زاد صوت صدرها قالت روحي حطي عليها بخار عندنا وتعالي رحت وسويت لها بخار ورجعت للدكتوره وقالت لازم تعطينها كورتيزون وكتبت لها حبوب كورتيزون وقالت عطيها مرتين في اليوم لمدة ثلاث ايام وانا مره خفت المهم وقالت اذا الحبوب ماجابت نتيجه بنسوي لها اشعه

تقول صدرها مليان بلغم والشعب الهوائيه متسكره

المهم رجعت للبيت وعطيتها بس يوم الحبوب لان الكل هاوشني يقول بنتك توها صغيره على الكورتيزون علما ان بنتي عمرها ماشاء الله 11 شهر ونص يعني مابعد كملت سنه

وقفت الحبوب عنها واعطيها حاليا بس البخاخ الوقائي وبكرا موعدها مع الدكتوره تسوي لها اشعه

وصرت اعطيها يانسون واسوي لها بخار بالحمام وانتم بكرامه

بس مافيه فايده

تكفووون شسوي ساعدوني والله انه ضايق صدري علشانها

ابي اشياء مضمونه ومالها ضرر

واذا تعرفون دكتور اطفال ممتاز بالرياض دلوني عليه

تكفووووووووووووووووووون ساعدوني الله يجزاكم الجنه