تكفون ساعدوني بنتي واول فرحتي عندها مشكلة تكفون الله يطمنكم على غاليكم

السلام عليكم

اخواتي الحبيبات

انا عندي مشكلة مطيرة النوم من عيني
وقلت اعرضها عليكم يمكن احد منكم مر عليه زيها او عنده خلفيه عنها


مشكلتي هي ان بنتي اللي عمرها 8سنوات واول فرحتي وحبيبتي

تتبول اعزكم الله كل ليلة واول ماتنام

هذي بس كانت المشكلة لكن الحين تطور الموضوع

وصار البول اعزكم الله يطلع وهي تلعب الاحظ ملابسها بدت تبلل ولا عرفت اخذ معلومة اكيدة منها ان كانت تحس فيه والا لا

مرات تقول يطلع بدون مااحس
ومرات تقول مادريت يعني مومتاكدة من كونه يطلع لاارادي

ايضا بولها له ريحة عفنه جدا

مااقدر اجلس جمبها اذا كان طالع منها شي على ملابسها الداخلية
او اذا تبولت وهي نايمة مااقدر ادخل عليها الغرفة لان الريحة تكون قوية وعفنه

راجعتبها دكتور واخذلها تحاليل وقال التهاب وعطانا مضاد
استخدمته وخفت بعده بس بعد مدة رجعت زي ماكانت رحت ثاني مرة وعطاني نفس المضاد المركب استخدمته وخفت وبعد مدة رجعت اكقر من اول
قال عندها نقص سوائل ومدري ايش وقال لازم نعطيها ابرة ملونة للبول عشان نعرف الاتهاب خارجي او داخلي

وانا بصراحة خايفة من هذي الابرة الملونة اذا عندكم اي خلفية عنها ياليت تعلموني



ادري طولت عليكم وكلامي يمكن مومترابط

بس والله هالموضوع منغص حياتي ومقلق منامي بنتي الحلوة ريومة بدت تتضايق من هالموضوع واخاف ياثر على نفسيتها ومستواها الدراسي وقبل كل شي خايفة على صحتها تكفون اللي عندها اي خلفية عن حالتها تعلمني وادعولها ان الله يشفيها ويصلحها ويخليها لي
:44::44::44::44::44:

:44::44::44:

:44:

اقر الله اعينكن بصلاح ابنائكن امين يارب العلمين