تكفون ساعدوني تسجيل بنتي

السلام عليكم ورحمة الله وبركاته..
ما أدري هذا هو القسم المناسب ولا لا.. لكن ابي منكم المساعده..
بنتي من مواليد شهر 3 عام 31هجري.. وهي من الفئه الثالثه اللي تقبل في الابتدائي..
سجلتها في نظام نور ..لكنه رفض يقول مادرست روضه.. وهي دارسه في روضه تابعه لتحفيظ القران ومعتمده من الاشراف.. ومكتوب في النظام راجعي الابتدائيه..
رحت للمدرسه قلت لهم السالفه قالوا لا روضتها غير معتمده..
طلعت للاشراف وجبت ورقه تعميم من عام 32 انه جميع روضات التابعه للتحفيظ معتمده..
رجعت لهم قالوا طيب جيبي تزكيه من معلمتها واستمارة لمهارات الطفل..
جبتها قالوا تعالي بنحاول نسجلها في النظام .. طلعت المدرسه مزدحمه .. ولها أخت تدرس بنفس المدرسه فلها احقيه بالتسجيل..
قالوا روحي للاشراف يسجلونها.. يوم رجعت للمسؤله عن التسجيل كانت تكلم استاذه من الاشراف هي المسؤله عن القبول قالت لاتاخذين بالتعميم وارفضوا وامشوا ع الروضات اللي اعطيناكم اياها :(
وقفلوها في وجهي .. ورجعت لمديرة الروضه قالت كل الاطفال اللي طلعوا من عندي بنفس عمر بنتك قبلوا بالمدارس ..
اسفه طولت عليكم.. لكن ابي حل ..
اللي تعرف كيف ياليت تدلني الله يجزاكم خير..
بحاول اسجلها بمدرسه ثانيه يمكن ربي ييسرها ولا يعقدونها مثل هالمدرسه.. اللي عندها حل ياليت تفيدني..
وجزاكم الله خير