تكفون ساعدوني زوجي ذبحني

ماني عارفه شنو اكتب اول شنو اقول لان محتاره مشكلتي مع اقرب واحب الناس لقلبي مع زوجي
انا متزوجه من 7 سنوات وزوجي والحمد لله انسان خلوق ملتزم ذاكر الله ويحبني لابعد الحدود ويحترمني لكن قبل كم سنه ((ماادري اذا كان هذا السبب )) تغير حاله معي انشغل عني كثير سئلته وكان يقول الشغل ومشاكله طبعا هو كان شغال بشركه وكم مره من كلامه فهمت ان الي معه بالشغل ناس تعبانه رواعي بنات ونت وافلام وخرابيط طبعا مايوم شكيت بزوجي لان كنت اقول زوجي غير زوجي يحبني ويحترمني الى ان جا اليوم الي انصدمت فيه اولها لقيت زوجي فاتح مواقع كريكاتيريه بس صور جنسيه بشكل ساخر انصدمت لكن طنشت بعدها بفتره لقيت بالمحفوظات صور لنساء بملابس داخليه واجهته قال هذا موقع للبيع وانا كنت افكر اشتري لك منه بس غيرت رايي لان ماعجبني بصراحه مشيت الموضوع ولواني كنت مومقتنعه بعدها لقيت دسك ومقطع قصير من فلم وهم طنشت بعدها ايميلات وصور وواجهته ومشيناها بعدها لقيت ايميلات بنات على المسنجر عنده وهم يراسلونه على الايميل واجهته وحلف ان مابينه وبينهم شي واكثر من مره صارت هذي المشكله بسبب ذا القصه واخر مره قالي انا حذفتهم واليوم بالخطا ترك ايميله مفتوح وياليتني مت ولا شفت الي شفته لان انصدمت بزوجي وضاعت ثقتي فيه بعد ماكنت اثق فيه ثقه عمياء على الرغم من الي شفته وكنت اصدق كل كلمه يقولها تخيلو لقيته ماحذف البنات وهم لازال يستقبل ايميلات منهم لحظتها جن جنوني فكرت اقبل كل الاضافات من الشباب الي كانت توصلني على المسنجر سابقا واترك ايميلي مفتوح واذا كلمني اقوله انت السبب لكن ذكرت الله وقلت لاتعرضين نفسك للذنب لتصححين خطا
والمصيبه ان جواله لبلوتوث دايما شغال وفي كم مره لقيت مقاطع صور اوصوت فيها بلاوي وكلمته وذكرته بالله وخوفته من عذابه وعددت عليه نعم الله عليه بوظيفه واطفال غيره محرومين منهم وزوجه صالحه تخاف الله فيه وقلت له تخيل لوانا مثلك احط بايميلي شباب اواستقبل مقاطع بلوتوث كريهه من بنات اوشباب شنو ردت فعلك ولاتنسى ان مافي فرق بين مراه ورجل بالعقاب الذنب واحد والرب واحد والفرق الوحيد بس هو عادات المجتمع ووعدني انها الاخيره وصار يتسامح مني وصدقته لكن اليوم ذبحني وفقدت ثقتي فيه ومااعتقد راح اقدر ارجع مثل قبل معاه لاتقولون لي سامحي لاتقولون اهتمي فيه لان والله مهتمه فيه لابعد الحدود ومااقول اني كامله لان انا بشر وتجي علي ايام اقصر معاه لكن هذا مايبرر الخطا الي يسويه ومااعتقد راح اقدر اتقرب منه لاحل المشكله لان خلاص قلبي انجرح وابي حل فعلي للسالفه لان جربت الطيب ومانفع معاه قولولي شنو اسوي الله يخليكم محتاجه لكم ردو علي بسرعه ولاتهملوني لان قلبي يتقطع والقهر ذابحني وتعبت من البكي وكرهت دنيتي كلها ولولا وجود عيالي هم الي مصبريني ولا الله العالم شنو كان صار