السلام عليكم ورحمة الله..
اول شي شكرا للولي لانها ادتني معرفها عشان اقولكم سالفتي..
ثاني شي مدري اذا كان هذا القسم الصح بس تكفون يا مشرفات لاتشيلونه..
ثالث شي تكفون يا بنات انا ما قلت لكم قصتي الا عشان ابي رايكم واذا بتكون
ردودكم كلها تكذيب لي لاتردون علي لان والله العظيم هذي قصتي..
ببدا ع طول القصه..زمان يمكن قبل 11 سنه كانوا هلي بمنطقه وتعرفت امي ع جارتها
وصاروا زي الاخوات لانو امي ما عندها خوات وجارة امي نفس السالفه ماعندها خوات
فكل وحده ما صدقت ع الله لقيت الثانيه المهم..فتره كذا وبحكم ظروف شغل البابا
قرروا ينقلون للمنطقه اللي حنا فيها الحين ..الصيفيه اللي راحت كان زواج اختي امي
دقت ع هالحرمه وعزمتها قالت لها والله حنا مانعرف ولا مكان بمدينتكم قالت امي تعالي اجلسي
عندنا بالبيت وفعلا جت جلست عندنا قبل الزواج ب3 ايام ويومين بعد لزواج وبعدها سافرت
بعد ما تزوجت اختي وروقنا وكذا جينا نسولف قالت امي والله عجبني لبس هالحرمه واكسسواراتها
وكل شي قلت لها عادي كلميها واساليها قالت طيب وراحت كلمتها وسالتها قالت انا اعرف وحده
عراقيه اسمها ام علاء تجيب الملابس والشناط والجزم وكل شي من برا وتبيعها قالت امي تمام
طيب اطلبيلي معك وبحول لك فلوس قالت طيب وقالت لها المهم ذيك الحرمه (ام علاء)قالت بجيك
البيت اوصل لك اغراضك وامي قالت طيب وقتها امي كانت برا البيت وقالت لي استقبلها..
جت هالحرمه وفعلا استقبلتها وجلست تسولف معي وسالتني انتي مخطوبه قلت لا قالت كم عمرك؟
قلت لها قالت احلى عمر الشباب يحبوا هالعمر ابتسمت وما علقت طبعا سولفنا كثييير ما اذكر السواليف
لانو من زمان المهم واحس حركاتها مريبه بعدها بفتره تعبت بالمره وماحد عرف سبب تعبي فقرروا هلي
يودوني لشيخ طبعا قرا علي وما رضي يعلم هلي بالسببوبكذا ما عرفنا شي لهنا انا فكرت القصه انتهت..
اول يوم بالعيد دق جوال امي وكان الرقم دولي المهم امي ردت طلعت وحده وقالت لها كيفك وش اخبارك وكل
عام وانتي بخير بعدين قالت لها ام فيصل انا ماحب المقدمات بس انا اسمي .... وابيك في موضوع بس ما
ينفع في الجوال حنا بنجيكم لديرتكم بس بغيت منك خدمة بغيت ابو فيصل يحجز لنا بفندق عندكم لانو حنا
ما نعرف طبعا امي انربط لسانها من هالكلام ووحده تعرفها وكذا قالت طيب وفعلا قالت لابوي وكل شي
المهم امس جونا البيت وجلست مع امي قالت باقولك القصه كللها ..هم ناس كويتين تقول عايشين عادي
وطبعا هي مره ملتزمه تقول عندها ولد ولدها يغني طبعا اسفه ماقدر اقول اسمه هو مومشهور مره
يمكن ماعنده الا اغنية او ثنتين المهم تقول من فتره تعب ولدها هذا ومره خافوا عليه وودوه مستشفيات
كثييير وقالوا مافيه شي وودوه لشيخ وقرا عليه قال هذا مسحور في حب وحده هو من وقتها تعباان
وتقول جتني وحده اسمها ((ام علاااء)) وحكت لها قصة ولدها وقالت انا اقرا جيبيه لي وودته لها وقرت عليه
وقالت عطني من اثرك تقول يا بنات اقسم بالله من كثر ما انا ابغى ولدي يتشافى ما سالتها ليه تبغي
من اثره وجلست يومين وجت وجابت لنا معلومات كثييره وقالت هذي البنت اللي ولدك مسحور بحبها
وطبعا المعلومات معلوماتي انا المهم تقول من وقتها اختفت الحرمه..قامت امي قالت معروف ان السالفه
فيها سحر والا كيف عرفت انو هذي هي البنت؟؟....قالت ايه من جد المهم وجوا يسولفوا قالت امي طيب كيف شكلها هذي ام علاء يمكن تكون كذابه ومو بنتي اللي ولدك مسحور بحبها قالت انها كانت تجيب ملابس لي وشغلات كذا طلعت نفسها الحرمه اللي جتنا اول مره قامت امي سالتها يعني قالت شكلها كذا وكذا قالت ايه صح طبعا الثنتين استنتجوا انها هي مسويه السحر لنا انا وهو المهم قالت هي اختفت وولدي تعبان ليه
ما نزوج ولدي وبنتك لبعض؟ ..قالت امي ما ينفع اول فرق في العمر ثانيا هو كويتي وبنتي سعوديه ثالثا
ولدك يغني وحنا محافظين ما عندنا كذا!!... قالت عادي الفرق بينهم مو كبير ((انا 16 وهو 23)) ويعيشون في الخفجي واذا تزوجها اكيد ماراح يغني بعدين قالت فكروا وردوا لنا امي قالت لي وانا مدري شسوي..
بالله يا بنات ساعدووني..تتوقعون السالفه من جد والالا لانو انا ماصار
فيني شي زي ماهي تقول انو ولدها تعبان وهي قالت اذا مو
مصدقين ودوا بنتكم لشيخ وخلوه يقول لكم..
ردوا عليّ تكفووون ..واسفه للاطاله..
**اللولي** @alloly_2
عضوة جديدة
يلزم عليك تسجيل الدخول أولًا لكتابة تعليق.
~أم الوليد~
•
لساتك صغييييييرة..
جوزفينا
•
مادري بصراحه احس السالفه ماتدخل المخ اخاف الي جاتكم نصابه ادعي الله اذا كانت تنوي فيك شر ان الله يرد كيدها في نحرها وخلي ابوك يسال عن هالعائله ويشوف وش وراهم
الصفحة الأخيرة