تكفون ساعدوني علموني هل علاقتي بولد خالتي غلط 😫

السلام عليكم ورحمة الله وبركاتة
مساء السعاده
كيفكم ان شاء الله بخير ماحولكم شر يارب جميع
اابيكم تساعدوني تعلموني ايش اسوي
وكل وحده اجرها عند ربهاا واكيد مراح اخليها من دعواتي يشهد ربي
انا قررت اسجل بالمنتدى لسبب هو اني اقولكم مشكلتي بها الحياه ويارب ماتقصرون معي طبعا انا لي قصه وسمحوني ماودي اقولهااا لان مافيه وقت المهم بكل اختصار انا عايشه مع ابوي لا ام ولا خواتي وابي الله يسامحه عسر ويلين قلبه بس ابيكم بشي
امي بسلمتها ما عرفها ولا تعرفني
المهم جاء يوم من الايام فكرت اتواصل معاها
ماحصلت اي وسيله للاسف 😓
لاكن مرة من المرات دخلت اتصفح الفيس بوك
واقراء الاخبار وزي كذا فجاءه طلع لي اصدقاء قد تعرفهم في الفيس قلت خني اشوف وش الاصدقاء ذولي المهم امشي فحصلت ولد خااالتي وعرفته وخفت مره وطلعت من الفيس لمدة اسبوع
في الاسبوع هذا افكر ومشغله تفكيري
قلت ليه ما اطلب منه رقم امي بس قلت كيف واذا سال انا مين وش اسوي المهم قلت خني ارسل له وان شاء الله مايردني
وعدت الايام ورسلت له رد علي وخلصنا وكل شي وعلمته مين انا اني بكون بنت خالته وقالي ابشري والله لو اجيبه لك من تحت الارض قلت خذ راحتك وجاء في نفس اليوم بالليل ورسله لي واخذت الرقم وحطيت رجلي
رجع ارسل لي والله مررره محترم بشكل ما تتصورونه ابدا طلب مني اكون معه وسوالف عاااديه وكان يقولي انا زي اخوك وان بغيتي اي شي اطلبي عااادي وزي كذا
اااااه وتواصلت معه ويااااليتني ما عرفته
جاء من بعد يمكن يووومين ارسل لي ويسال اخيارك ايش مسوي وكذا قااال بقولك شي
قلت قول ايش بخاطرك قاااال خطووبتك علي ايدي ً انا انصدمت وسكت قلت ايش قااال امي كل همها اني اتزوجك قلت الله كريم
قال بس كنت ارفض اقول ي امي البنت اضروفها صعبه وابوها مراح يوافق
(لان كل عيال قبيلتي وعيال عمامي تقدموا لي لاكن ابي يرفض يقول ماني مزوجها
قلت يا ..... كيف صعب قال الله بيسهلها معليك
قلت انت مين قااال انا الي امي خاطبتك من سنتين وباااقي تبي تخطبك قلت انت فلان قااال ايووه انا
انا خلاص انصدمت مازد دريت ايش اقوووول تعجمت
المهم قلت يا اخي تسلم علي الرقم وشكرته وكل شي بس تعرف تواصلي معك ما يصلح وانت تعتبر اجنبي ما تجوز لي زعل مره
وطلبني ما خليه قااال خليك معي عادي
ونا كم يوم اضبط وضعي مع هلي وبتقدم لك
قلت الله يكتب الي فيه خير وجلست معه وياليتني ماجلست 😫
قرر انه يتقدم لي
وكلم اخوي قال البنت قد راحت والا شي قال اخوي والله مدري روحوا ل ابي مالي دخل فيها
المهم عمي جااااه الخبر ان ولد خالتي يب يتقدم لي
ابي قااال الي يب البنت يتقدم وحياااه الله ماني راح ارد حد
عمي ولع الدنيا وخبصها فوووق تحت
ولد خالتي وهله وقفوا لانهم مايحبون المشاااكل وخوالي قالوا لولد خالتي عمها ابدا منك
قال ولد خالتي طيب انا اباااها وسالفه طويله
عيوا عليه ونا تعلقت بولد خالتي ورحت فيها
يا خواتي اخلاق وطبع وطيبه ويعرف ربه ومحترم بشكل ما تتصورونه
ولعت بينهم عمي وولده باقي مو جاهزين وولده باقي مابعد خلص الثنوي 😖
قاال عمي علي الحرااام ماتاخذ غير ولدي
حلف علي اخوي طب بالسالفه وقال والله ماتاخذ ولدك ولا تعرفه دام ولدك مو جاااهز للزواج لا تمسك البنت تجلس سنين تنتظر ولدك اذا ولدك جاااهز وبيته ووظيفته تجي ذيك الساعه تخطب مو تجي حتي مابعد خلص الثنوي وتبي تملكون وكل شي
اخوي كان بجده وحن بالرياض
اتفقوا ابي وعمي وخلوص قال ابي جاتكم البنت هي لكم وخلصوا كل شي قالوا يوم الجمعه الجايه نسوي الملكة والتحليل ونحط عشا عادي والا ماهو بلازم قال عمي مو لازم كبهم عشان مامعه فلوس
ولد خاالتي ولع الدنيا عند خوالي ومع اخوانه
كلهم استغربوا قالوا وش الي علقك بالبنت فجااءه قاال احبها قالوا من وين جاك حبها كذا قال تعلقت فيها من كثر ما امي تكلمني عنها وامه المسكينه تحبني هي اصلن تبي تزوج ولدها وتخلص
المهم جاء يووم الخميس اخوي يدق علي يهددني والله والله والله وابي يقول والله ان اذبحك لو ترفضين وخصمه وياليتني عرفت الراحه في حياااتي
المهم من بكره الملكة انا كل شي عندي عاااادي ماسويت شي بس ماااات ولحد من قرايبنا ولد واحد من عمامي بحادث ومات
وخربت الملكة وعاااد للحين عمي مساافر هو وهله واخوي باقي يهددني ولد خالتي يقولي خلي ولد عمك يروح ونا بجي
قلت له وش قالوا لك كل شي علي كيفي
المهم مر شهرين علي ذي الساالفه
ولد خالتي باقي اتواصل معه بدون حد يعرف
وتعلقت فيه حببببببيته يا خواتي تمنيت يكون من نصيبي احيانا اجلس ابكي ودي اعيش حياتي معه وتتغير اموري للاحسن
الحين كل ما يجي حد يخطب يقول ابي راااحت ل عمها
وهاذي السالفه ومحذوف نصهاااا
المهم انا ولد خاالتي
قالي انا اعترف لك بحبي لك انا سكت قال لا تنزعجين من كلامي لاكن والله احبك ايش اسوي قلت سوات الله يا ... قلت له لازم نقطع التواصل صعب نجلس كذا والله يا بنااات انه بكي وربي انا قلت ل روحي ايش اسوي الحين وما ودي به وحالتي حاله كل تفكيري فيه حببببببببيته وربي وعرفت قيمت الحب بجد
قال لا ابيك لا تروحين تكفين قلت صعب واكلمه ونا ابكي قاال والله لو تخرجين ان ما تسمعين الا وما في العنايه المركزه
من جده الرجااال قلت كبيه يا بنت بس يلعب علي بالكلام خليه
طلعت من المحادثه
يوم شفت الا ومرسل يدددده كاااتب عليها حرفي بالانجلس بالمووووس وربي بكيت بغيت اخبل قلت انت صاااحي ليه تسوي بعمرك كذا ووووووووووو قال اب اثبت حبي لك قال اذا تبين اكمل باقي اسمك عااادي والله كل شي يهون لعيوووونك قلت لا لا تكفي خلاص قال لا تتركيني و و و قلت ابشر وقصت هالحرف جلس بيده علااامه عااده مرسل لي صورته كيف صار
ونا خلاااص كل م شوفه ابكي وكل ما اتذكره
احسه في قلبي وزاااد حبي له احسه صاادق في كلامه وفيه طيبه ومحنه ماعمري شفتها في مخلوووق جلسنا نسولف عن حياتنا خلصتي دراستك كم عمرك كيف وضعك مع اهلك وإلي اخره سوااالف عادي نمزح ونضحك وكل شي عااادي بينا اذا كان مضايق او زعلان يجي يشكي لي
واحل مشكلته و و و و و و صار يترك اصدقاااه ويجلس معي كان يرجع للبيت متاخر صاار الحين يرجع بدري كلهم استغربوا وضعه وينصحني ويعلمني واشيا مررره حلوه صرت اتمنااااه وطلب ربي يكون من نصيبي
المهم الحين وضعي كيف ؟؟؟؟؟
انا قطعت التواااصل معه لمدة اسبوع وكل يوومي ابكي واصلي وادعي ربي ومضايقه من كل شي والله ابكي من قلبي ومدري ايش اسوي تعبت من الدنيا والله وامي انقطع التواصل معها وحاااله ما يعلم بها الا الله ومعي مشاكل بالبيت ووووااااه يارب عوونك وقول لنفسي دايم ومن ترك شياء لله عوضه الله خيرا منه من ترك شياء لله عوضه الله خيرا منه
وتركت ولد خالتي وحالتي صعبه مررره قلت بقطع التواصل معه لاكن مراح اقطع التواصل مع ربي راح اطلب ربي يكون من نصيبي و و و المهم خمس ايااام وراء بعض ما عرفت طعم الموووم احلم ولد خااالتي انه يباني ابوسه بخده ويناضر فيني وهو مبسوط مررره
ونفس الحلم
اقول الليل واصلي حتي الفجر وادعي ربي وعلي ذي الحاله
جاااء سادس يوووم ماكنت مرتاااحه قلقانه عليه قلبي ينبضي بسررررعه وادوخ وحاله ومشغول بالي عليه وحاله والله
جلست للفجر كل ما اب اجي ابرسل اقول لا انتي خبل خليه ان شاء الله يكون من نصيبي وابكي المهم صليت الفجر ودعيت فتحت الفيس ورسلت له 😓😓😓 حبيت اتطمن عليه
بناااات حصلته متغيره حياااتي
قااال لا نوم لا راحه لا اكل وش سويتي فيني انتي
ويخاصمني قلت ربنا كريم معليك الله يجمع بينا ان شاء الله
بس صاااار يشرب دخاااان 😫😫
قلت ليه تمشي بطريق الدمااار قال والله مجبور ايش اسوي ماقدرة انساااااك قال ماعمري اخذت الدخان ولا استعملته في حياتي كلها
بنااااات يسافر كل شهر من بلد لابلد قبل شهر جاااي من اندلوسيا وقبلها في اوربا يقولي دااام ياليتك معي والله انك تستاهلين مو ذولي الي اشلهم علي احسابي والا استفيد منهم شي وساالفه بس اصبحت حالتنا الحين هو رااح في طريق الدمار بسبتي
ونا امشي وكني وحده فااقده عقلها وحاااله وربي اعلم بهاااا يااااليت تساعدوني تكفووون لا ام ولا اخت تعلمني ولا شي مااامعي بعد الله الا انتوا ايش اسوي قولوا لي تكفووووون جعل كل ماتساعدني ربي يسعدها ويرزقها الجنه
هل انا اقطع التواصل معه او كيف هل اجلس اطلب ربي يكون من نصيبي هل اجلس معه ع تواصل او كيييف علموني الله يسعدكم
جعني فدا لكل من ساااعدني يارب اسعد قلبها انا انتظر ردودكم الوضع صعب انه يجي يخطبني وعمي يباني وراسي احسه مخبوص ماني عارفه كيف اعلمكم او كيف اوضح لكم يله انتظركم ايش نسوي وش اقول لولد خاالتي 😩

من ترك شيئا لله عوضه الله خيرا منه
غيري الفيس تبعك واحذفيه كمان واستمري بقطع التواصل معه والإستخارة بعد اذا فيه اي واحد ولد عمك او ولد خالك خيرلك تتزوجيه وإذا شر عليك يصرفه عنك وربي بيسخر كل شي زي ماصرف الملكه وأخرها لحكمه
والله أنصحك كأخت وبعد فترة من الزواج شفتي هالهيام والحب والصبابه والعشق كله عشان انتو بعاد ولأن العلاقه غلط الشيطان يزينها ويحليها في نظرك ونظره
حتى المملكين يعيشون هالحب بس بمجرد الزواج شهرين إلى سنة غالبا ينطفي كل هذا
مايبقى الا المودة والرحمة
لايلعب عليك الشيطان لأن لو صار مو نصيبك بتقعدين طول عمرك متحسرة ومتندمة وماراح تعيشي مرتاحه لو يكون زوجك ملاك راح تنظري له بنقص


كم عاشقين تزوجوا وتطلقوا وماعاشوا مبسوطين
شوفي خطب أختي واحد وكانت صغيرة ورفضناه وتزوج وصرنا نسمع عنه يكتب لزوجته دعوة لعشاء بمطعم بدمه من كثر الحب وهو يعرفها من صغرها تلعب معاه
بس فترة الحين تحسد سلفاتها ماعندها بيت مستقل ومو راضي يطلعها وعنيد بس كلمته تمشي وما يقبل من عياله حركة ضرب على طول
يعني لايغرك هالحب الحين والجأي لله بصدق والله يعينك ولو غلطتي وارسلتي اجلسي واستغفري ان الله يحب التوابين ويحب المتطهرين قولي وأفوض أمري إلى الله إن الله بصير بالعباد
الله يفرج عليك ويختار لك الخيرة الطيبه

الله يكتبلك إللي فيه خير لك...واستخيري دائمآ وادعي ربك يكتبلك إللي ينفعك بحياتك..

مشكلتك مشكلة
الغلط في الموضوع التواصل اللي كان بينكم ماكان له داعي ابدآ وحرااااااام << طبعا الشيطان شاطر وحاسة بوضعك مو نقص تربية فيك ولا جهل << عشان كذا تحملي اللي بيجيك من ورا هالذنب << استحمليني بس اعتبرك اخت واكلمك مثل نفسي وانصحك لوجه الله


اتركي التواصل< من ترك شيئا لله عوضه الله خيرا منه > وقبل لاتنقطعين عنه قولي له اذا تحبني بصدق اترك التدخين لأن ماوراه الا البلاوي وبعدين الدخان ماينسي اللي ينسي اللي ورا الدخان ........
وقبل كل شي نصيبك مكتوب عند ربي سواء تواصلتي ولا لا واطلبي من ربي يختارلك الخيرة الطيبة
وفهميه ان بيد ربي كل شي وانك تمنيتيه بس مابيدك شي
وانهي التواصل
وربي يختار الخيرة


يارب يفرج همك وييسر امرك ويرضيك بالخير وين ماكان

المفترض من يوم قالك إن يبيك خلاص تركتي الموضوع بين الريجيل لأنك علقتيه فيك وممكن ما تكونين نصيبه


وهو يأخذ وحده تمشية حال


يكفي قفي عند هذا وهو يبي ينسى مع الأيام


البنات دايم تجي تسأل عن تعلقها هي ، والمرأة ممكن تنسى إذا تزوجت بس ترا الرجال مستحيل ينسى اللي يحبها أبد


لنا جار مطلق زوجته وعمره حوالي 30 والآن عمره في السبعين يتبع أخبارها وهو شايب ويسأل عنها قريباته !


حرام عليكم في قلوب الرجال !!!!!!!!!!!!!!!!!!!!!!!!!!!!!!!!!!!