تكفون ساعدوني في استشاره قانونيه

صراحه انا مني عارفه ايش اكتب لانه جرح عمري وحياتي الي ضاعت بسبب ناس ما تخاف الله وحكايتي طويله وارجوا انكم تتحملوا وتقروه وتساعدوني بعد ما خلصت دراسه اتقدم لي واحد من بره عايله وسالنا عنه واهله قالو لنا انه كان خاطب من قبل بس اكتشفوا ان اهل بنت ضحكوا عليهم لان بنت طلعت اكبر منه بعدها فسخوا خطبه وخطبوني واتذكروا ان اهله قالوا انه خطب مره بس وبعدين اتزوجنا وكانت حياه حلوه لاقل من سنه بعدها بدا وجه تاني له ويا خساره طلع اكبر خاين شافته عيني وخاينته تعدت كل توقعات وطلع انه كان خطب اكتر من مره وكل ماطفش من وحده اخد غيرها وسبحان الله ربنا ما رزقنا اولاد بسببه واتحملت وقلت زواج دائما فيه تضحيات ولازم اضحي بامومه عشان خاطره ولو ربي كتب لنا عيال يكون منه وحاولت اخد منشطات وابر واسوي اي شي لعله يساعدنا وحتى سويت تلقيح مجهري بس ربي ما كتب وهو كل ما افتح معاه موضوع اطفال تهرب ورفض يروح مستشفى الا بقوه وكان في هذي فتره يخون بجوال وطلعات معاهم وكنت اموت من قهر انه ماهم شي الا نزواته وحاولت معاه بكل طرق عشان ينصلح بس ما في فايده حتى كلمت اهله طلع هو هذا هو ديدنه وبعدها اتطور في خيانته وصار يكلمهم بساعات وما يجي بيت الا لاكل وقت غدا ويطلع بعدها على طول ووقت فجر بعد ما يخلص كل اتصالاته واتحملت كل هذا عشان اهلي ما يبغون اكون مطلقه وبعدها زادها مره وصار يجيبهم بيت وقت ما انا اطلع بره وارجع الاقي بيت متغير ويحلف ان ما في احد دخل بيت وكان حلف عنده شي عادي حتى بمصحف وصرت اعيش بعذاب ما يعلمه الا الله من جهه خيانته ومن جهه ضغط اهلي وحتى اهله كان عارفين بس ما يقدروا عليه وكان اهله اكتر ناس يغطوا عليه وبعدها صارت مشاكل عشان موضوع انه كيف يتجرا يجيب بنات في بيتنا وكلمت اهله ورحت عند اهلي وبدل ما اهله يفهموه راحوا وخطبوا له وانا انصدمت يعني هذا هو حل وصاروا يقولوا للناس انه تزوج عشان يبغى عيال وبنت ما تجيب يعني في اخر طلعت انا لي ما اجيب حسبي الله عليهم وانا لما رحت عند اهلي ما اخدت من بيتي شي يعني ملابسي وذهبي واغراضي كلها هناك وزوجوه في بيتي واخدوا كل اغراضي وصار يقول ما ابغاه يعني شرفي كان لعبه عنده وقت ما يبغاني اخذني ولما طفش خلاص واهلي كلمه اهله اكتر من مره على اساس يحلوا مشكله بس دائما يتهربوا وما يبغوا يواجهوا وكل كلامهم نشوف موضوع ولا ولد ما يبغى يعني لو ما يبغى ليه مخليني على ذمته واخر شي دخلوا ناس وسائط عشان يحلوا موضوع لانه صار اكتر من سنتين وكان كلامهم لو هي تبغى حريه تدفع لنا فلوس زواج وحفله ومهر وتعطينا شبكتها وكل ذهبها وكمان فلوس لي ولدنا اعطاها لها وهي كلها عشر الف في بنك في رصيدي يعني الحين بعد 8 سنين زواج وتعليق اكتر من سنتين ادفع كل هذا عشان اخد حريته في عرف مين هذا شي يعني مو معقول ادفع تكاليف زواج وذهب ومهر وانا اصلا اهلي على قد حالهم يعني لو جلست عمري كله معلقه ما يقدروا يدفعوا ولا ريال الحين ابغى استشاره قانونيه يعني من حقه اعطيه كل هذا عشان حريته مع اني انا ما طلبت خلع وناس قالوا لي روحي محكمه وقولي انك تبغي مسكن شرعي لك زي زوجته تانيه ولو هو رفض منتي ملزمه بش ابغى اعرف صح ولا وكمان هو كان متعرف على وحده اخدت منه اكتر من عشرين الف وبعد ما سابها كان يقذف فيها برسايل وهي اشتكت عليه في مباحت وهو تنازل عن فلوسه مقابل انها تتنازل عن حقها يعني ممكن محكمه تاخد هذا موضوع في عين اعتبار ارجوكم ساعوني اذا في وحده تعرف محامي تسالي وتقولي راي قضاء فيه وانا خايفه اروح محكمه ويطالبوني بشي وانا ما قدر عليه