السلام عليكم ورحمة الله وبركاته
والله مادري كيف ابداء موضوعي بس والله مالجأت لكم الا لاني معتبره نفسي
منكم وفيكم وانا اتابع كل مواضيعكم بس كزائره لاني ماكنت القى لي الوقت للانضمام اليكم
انا عندي مشكله اتمنى انكم تقدمون لي النصائح لاني والله اعتبركم لي اخوااات والله يشهد علي
انا متزوجه من سنه تقريباعمري 24سنه وزوجي عمره 29 سنه
انا متزوجه واحد يقرب لي وانا مالي اي علاقه فيه لاانا ولااهلي لانه كان مسافر
يعني مااعرفه ولاهو يعرفني
بس فترة الملكه حسيت اني بديت اتعلق فيه واهتم فيه وكنا مانقدر يمر يوم الاوكلمنا بعض مثلنا مثل غيرنا
من المملكين...
بعد قرابة الشهر من ملكتنا لاحظت انه يدقق بامور انا ماافهم قصده فيها
يعني وين كنتي ومن وين جيتي ابيك تقولين لي كل شي يصير معاك لواي شي تافه ابي اكون على اطلاع فيه
وانا طبيعتي انسانه واضحه يعني كتاب مفتووووح وكنت من اروح مشوار مااروح الا وهو راضي واحيانا يطلع
روحي على مايوافق واقول يابنت عادي كل المتزوجين كذا وكانوا الي يقربون لي يقول بكره راح يمل ويتغير
كان اي وقت يبي يكلمني يلقاني موجوده له واسمع له ولويدق ومارد يثوور ويعصب وكان يقول ماابيك تكلمين اي احد
غيري حتى لواخوانك خلاص جوالك لي لدرجة انه قال بلغي رقمك واطلع لك رقم جديد مااحد يعرفه غيري!!!
وانا كنت ارفض وكان يتحجج ويقول ايه انتي مستحيل تستغنين عن الجوال روحك فيه مع انه مايعني لي بس اتمسك فيه
علشان اقدر اتواصل مع اهلي وقرايبي وصديقاتي خصوصا اني سافرت بعيد عن اهلي :44:
وبعدها بسبع شهور تزوجنا..ومراسبوعين على زواجنا وهم احلى اسبوعين بس من بعد هالاسبوعين بدت الخلافات
صار يتحكم بكل شي بحجة الغيره..يعني غطي عيونك ..يدك لاااحد يشوفها...صوتك لاينسمع باي مكان عاام
نظرك يكون قدام يعني حتى وانا بالسوق مااقدر اناظر للملابس من على يميني ويساري بحجة انو
لوناظرتي وكان فيه رجال بيفتكر انك تناظرين فيه!!!
حتى بالمستشفيات لاااتعامل مع الاستقبال النسائي لاهو الي يتعامل
س كل هذا بعد ايش بعد ماحبيته وبجنوووووون اعشقه بشكل ماتتخيلون واغار عليه
بس هو يفسر غيرتي على انها شك تعبت تعبت من افكاره واحكامه الخطا علي
صار حتى يشك يعني لدرجة انه يقول بفترة الملكه انا لو اي احد يمزح معاي ويقول زوجتك تسوي العيب قال بصدقه
وبعد ماتهاوشت معاه وقلت انت شكاك وتنظر لي اني انسانه سيئه وانت تعرف تربيتي كيف كانت وكان كلامه هذا
يضايقني لاني متربيه ببيت محاااااافظ وانا معروفه بين قرايبي وصديقاتي بخوفي من الله والتزامي
بس بعد العشره قال لو احد مزح معاي وقالها ببحث عن الموضوع علشان اكتشف حقيقة كذبه وهذا الكلام يضايقني
حيييييييييييييييييييييييييل المفروض انه يقول لا هذي قريبتي وزوجتي وحبيبتي وهذي انسانه تخاف الله
احيانا احس اني انا السبب بكل الي يصيرلي لاني كنت اسامحه واعديها بدافع الحب والغيره
الحين بعد مامر على زواجنا سنه وشهرين ماتغير شي حتى الكلام لاطلع من لساني يعتبره ذنب
ومن فتره تناقشت انا وهو على الحب وقلت له انت ماصرت تعاملني بحب مثل قبل صار مايهمك لوتشوفني حزينه عادي
عندك..يعني تخيلوا لويصير بينا اي شي مايتنازل انه يبداء بالصلح يجلس مايكلمني بالاسبوع والله اني انام وانا ابكي
واتوجع ولايهتم ينام ولايفكرفيني اقوم بكل واجباته واهتم في اكله ولبسه ولايقول شكرا
يدخل يشوفني مريضه يسال وش فيك اقول تعبانه يقول سلامتك وخلاص مستحيل اشوفه بعدها
واخرها امس جلست اعاتبه واقول انت تعاملني بقسوووه ولاتحس فيني ولاتفكر انك تحن قال انا اسوي كذا علشان
تحسين بخطأك اي خطأ واعاملك كذا لاني احبك!!!!!
على طول انا الغلط وعلى طول انا المقصره
قلت له طيب حتى لوكنا متصافيين وكنت بعيده عنك ماتدق وتقولي اشتقت لك ولاتحسسني بشوقك
قال ماقدر اقولها بالغصب خليها تطلع مني لاتطلبيها قلت له متى بتطلع منك
قال انتي املكيني وبس وانا ماخليت شي الا وسويته من حب واهتمام حتى مع اهله وكل شي قلت له طيب انا ماقصر معاك
قال انا ماقلت انك مقصره بس اذا طلبت منك تسوين شي ماتسوينه على طول لازم تستفسرين وتكثرين الاسئله
وهذا عيبك يعني يبي مثلا لويقول لي قومي نامي وانا اقوله مافيني نوم يشوفها عصيان
لوقال قومي اكلي واقوله شبعانه يشوفها عصيان
يعني تخيلوا كل الي اسويه معاه مابين بعينه علشان شغل مثل كذا
موقهررررررررررررر
شي يذبح يعني انا الحين ماملكت الانسان الي احبه واعشقه علشان مااكلت ولاماشربت مومبدأ ابد والله ظلم
والله بديت احس بتبلد بالمشاعر من كثر الهموم
ليته يحس بحبي وتعبي والله لدرجة اني اقولها له اقول انا تعبت وابي ارتاح انا احبك وابي حياه حلوووه
ماطلبت مال قارون ولاطلبت يعيشني بقصر ولاطلبت الذهب والالماس
طلبت الاهتمام والعطف والحب ياناس تشوفونها كثيره
قولولي يمكن اكون انا الغلط وهو الصح
تكفون تعبت وش تنصحوني فيه وش اسوي
مظلومه بدنيته @mthlomh_bdnyth
عضوة جديدة
يلزم عليك تسجيل الدخول أولًا لكتابة تعليق.
يا اختي مادري وش اقولك غير الله يهديه ويسخره لك
وهم كذا الازواج مايبين معاهم شي دايما الغلط من الزوجه
بس برايي تعاملينه مثل مايعاملك
خليه يحس باللي انتي تحسين فيه بس ابتعدي عن الشك والغيره لانها هي اللي تهدم البيوت
بس طنشي واذا زعل لاتردين عليه طنشيه مثل مايطنشك
والله يسخره لك ويهديه يارب
وهم كذا الازواج مايبين معاهم شي دايما الغلط من الزوجه
بس برايي تعاملينه مثل مايعاملك
خليه يحس باللي انتي تحسين فيه بس ابتعدي عن الشك والغيره لانها هي اللي تهدم البيوت
بس طنشي واذا زعل لاتردين عليه طنشيه مثل مايطنشك
والله يسخره لك ويهديه يارب
امين يارب الله يسمع منك والله يجزاك كل خير
انااقدر اسوي كل شي يبيه س اخاف يفكرهذي ضعف بالشخصيه
واخاف انه يتعود لانه الكل يقولي انتي اذا عودتيه راح ياخذها عاده وبكره ان عارضتي شي
راح يشوفها جريمه
وبنسبه لحبي له هو يعرف اني اعشقه وانه حبي الوحيد
مشكوره يالغاليه
الله يسعدك يارب
انااقدر اسوي كل شي يبيه س اخاف يفكرهذي ضعف بالشخصيه
واخاف انه يتعود لانه الكل يقولي انتي اذا عودتيه راح ياخذها عاده وبكره ان عارضتي شي
راح يشوفها جريمه
وبنسبه لحبي له هو يعرف اني اعشقه وانه حبي الوحيد
مشكوره يالغاليه
الله يسعدك يارب
يا اختي مادري وش اقولك غير الله يهديه ويسخره لك وهم كذا الازواج مايبين معاهم شي دايما الغلط من الزوجه بس برايي تعاملينه مثل مايعاملك خليه يحس باللي انتي تحسين فيه بس ابتعدي عن الشك والغيره لانها هي اللي تهدم البيوت بس طنشي واذا زعل لاتردين عليه طنشيه مثل مايطنشك والله يسخره لك ويهديه ياربيا اختي مادري وش اقولك غير الله يهديه ويسخره لك وهم كذا الازواج مايبين معاهم شي دايما الغلط من...
انا سويتها معاه التطنيش وجابت نتيجه بانه تنازل وناقش يس
تدرين وش قال قال انتي ماتحترميني ولاتفكرين برضاي
يااختي هو فاهم احترام الزوج اكبر من العباده
اللهم امين الله يسمع منك يالغلا
تدرين وش قال قال انتي ماتحترميني ولاتفكرين برضاي
يااختي هو فاهم احترام الزوج اكبر من العباده
اللهم امين الله يسمع منك يالغلا
الصفحة الأخيرة
خلاص جربي كل شي يبيه زينيه وشوفي نهايته معه,, يمكن يحسبك تعاندينه,,, وبعدين احس ان بعض الرجال ما يعبرون عن عواطفهم ولا يعرفون ,, يعني انتي دلعيه بالكلام اللي انتي تبين تسمعينه منه وصدقيني هو بيحاول يقول لك نفس الكلام وكل فتره دلعيه بكلام غير ,, بتتعبين بالبدايه ,,بس صدقيني بترتاحين بعدين,, ومسألة الغيره لازم تتحسسينه انه هو حبك الوحيد وانك مستحيل تفكرين بغيره