تكفون ساعدوني محتاااره تعبت من التفكير

السلام عليكم ورحمة الله وبركاته
بنات بقول لكم قصتي تكفون عطوني حل ما اندم عليه
انا تزوجت قبل سنتين زواجي كان تقليدي و من بعيد لا يعرفني ولا اعرفه تقدم لي ووافق ابوي عليه ولم يستشيرني (ابوي كيذا طبعه مايستشير البنت كل خواتي تزوجو بدون استشاره ) فقط اذا هو يشوفه مناسب او لا ابوي وافق عليه علشان يعرف ابو زوجي و كيذا و زوجي كان متزوج وعنده ٤ اطفال و كانت على ذمته يوم تملكنا بس بعد ما تزوجته ب ٦ شهور طلقها ولا قالو لي انه متزوج وعنده اطفال قالو انه متزوج مطلق بس ماعنده اطفال بعدين عرفت من اخبار الناس المهم تزوجت بعد سنتين طبعاً ( مافيه شوفه شرعيه ولا اطلع معه ولا بيننا مكالمات ) دخل علي و بعدها طلع يدخن وانا ماكنت اعرف انه يدخن و ابوي مايعرف حتى وانا اكره الدخان و ابوي مايحب اللي يدخن و لو انه عارف يمكن ماوافق عليه ابوي المهم بعد شهرين اكتشفت انه مريض نفسي فيه اكتئاب حاد وسكت ولا بينت له اني ادري وكان ياكل العلاج قدامي و يقول هذا للمعيده وكيذا المهم اخذت اسماء الادويه وبحثت عنها لقيت انها كلها من فيئة الامراض النفسية و بعد ٦ شهور حملت منه طبعاً هو فيه شك ويقول لي انتي فيك وفيك وفيك وانتي بتسوين وبتسوين وبتسوين وانتي تفكرين في كيذا وكيذا وكيذا اشياء انا ما افكر فيها بس ممكن بعضها ايه بس خفت احياناً يعرف انا وش كنت اسوي قبل و ايش افكر فيه احيانا المهم طنشت ولا اهتميت قلت له انا مو كيذا ولا سويت هذي الاشياء بعد فتره رحت فتشت جواله لقيت صور ومقاطع و محادثات بختصار ( طلع زاني و خاين )لدرجه انه مدخل اللي ماني قايله غرفت نومي وعلى فراشي لما كنت عند اهلي المهم سكت ماقلت له اي شي ولا شككته في شي واخذت المقاطع والصور و المحادثات وارسلتهم لجوالي و اخفيتهن لو يفتش جوالي مايلقاهم طبعاً انا كنت شاكه فيه من البدايه والحمدلله تقبلت الصدمه لانه مايعني لي شي اقوم في اللي علي و ما اقصر معه حتى بعد ماعرفت الهم هو شكاك وبخيل في الاغراض الشخصية و لو اطلب منه شي يرفع صوته ويهاوشني بس مايضرب يعني ( اكل واشرب وانا ساكته ما اطلب منه شي ابدا ) هذا اللي هو يبي كيذا طبعاً حالتنا الماديه جداً صعبه هو يضيع فلوسه طبعاً هو كان موضف قبل بس بعد ما اخذني تقاعد لانه هو يبي يتقاعد ع اساس التقرير النفسي طبعاً صورت التقرير و اخفيته بجوالي والله يابنات انه مايجي اول الشهر الا الراتب كله رايح ماعنده الا ضمان وحساب المواطن و التقاعد يروح نفقه ل عياله ٤ دخلنا الشهري ٢٥٠٠ تقريبًا طبعا ينقص احيانا الضمان وحساب الموطن مدري ليش وبعد ماولت يجيب اعرض الطفل بس بالقوه يغصب نفسه يشتريهن لاني انا ما ارضع بسبب ضروف واذا قلت له يحلف انه ماراح يشتري بس بعدين يشتري يالله بالقوه يجيب بس حليب و حفايض المستلزمات الثانيه مستحيل الا نادراً جدا الرضاعه تقعد شهور ماغيرتها و يضيع فلوسه على شي تافه ودنيوي و اخر الشهر يتسلف تعبت حتى اغراض البيت اخذهن من البقاله اللي جنبي انا اروح وسلف لين يجي الضمان ويسدد والبقاله صغيره مره مافيه الا الاساسيات بس يعني تنقصني اشياء كثيرررر مايصرف علي ولا على ولده ولا على البيت ( انا محتاره اخلعه من المحكمة ولالا لان كل شي ضده مايقدر ينكر كل شي مثبته عليه ) بس انا اهلي ماديتهم كثيررررررررر صعبه ابوي ناسي امي وناسي عياله منها مايعرفنا الا وقت الحاجه مايصرف على امي ولا شي لان امي موضفه راتبها فقط ٤ الف و عندها ٥ عيال تصرفهم و في قريه نايه ومافيها احد اقرب محل او مستشفى بعد ٤٠ كيلو و البيت صغير جداً ولا ابي احشر نفسي انا وولدي امي لو اجي عندها بنكرف كرف لانها يجيها دايماً ضيوف و شغل وانا مرتاحه ببيتي بس محتاره اكمل معه ولا افصخه هو الصراحه مقصر مره تعبت اذا طلبت منه شي مايجيبه لي ويصرخخخخخخ علي كثير بس يبغاني زي الجدار ولدي الان عمره ٨ شهور و يحتاج حليب وحفايض اذا عنده يجيبهن لي بس اذا رحت ل اهلي مستحيل يصرف ريال واحد على ولده وانا عند اهلي حتى المستشفى مايوديني ابداً الا اذا شافني بموت يقول مافيك الا العافيه و ولده حتى التطعيم اقول له يوديني بطعمه ماوداني الا مره فقط اول ماجبته والان اقول له يقول مافيه الا العافيه حنا يوم صغار ما طعمنا محتاااااره هل افصخه ولا اجلس اهلي ماديتهم صعبه مرررره وانا عنده مايصرف طبعاً اهلي ماعندهم اي خبر ولا قلت لهم عن اي شي اتمنى تعطوني حل مناسب