حالة غريييييييييييييبة
يمكن من جد تحتاجين طبيب نفسي ومو عيب

لاحول ولاقوة الا بالله

الله يشفيك

اللهم استودعناك هالاطفال المساكين الطف بهم يارب واشفي امهم

شوفي ياقلبي في طبيبات نفسانيات ,,,روحي بدون زوجك

ولاتشيلين هم مافيه داء الاا وله دواء الحمدلله

بس انتي افعلي بالسبب وتعالجي واقري على نفسك كثير القران فيه شفاء ايضا

الله يشفيك ويكشف عنك ياااااااااااارب وعنا وعن كل مسلم يااااااااااااااارب

قسم بالله انى قريت موضوووعك عشر مرااات هجزت استوووعب
وقلت لزوجى بقق عيونة ويقووول اعوووذ بالله اعوووذ بالله وش هالحرمة والله لو هى عنجى طلاقهااا ابرك ...

فا انتبهى بتخسرين عيالك وزوووجك


انا بصرااحة ما اقتنع بشي اسمه دكتووور نفسي اقتنع انك تصكييين النت وتروووحين تقرين لك قرااان وتصلين ركعتين وتنامين :mad:

وكل ماحسيتى بهالشي صلى وارجعى صلى لحد ماتروح منك هالحالة


هالاسلووووب اتبعة بحالة كانت تجينى من شهر احس سكاكين تدخل بعيووونى اصاابعى تتقطع
اسهم تدخل بنهوووودى
والله انى ما انااام بالليل بس اصيح بهذلت الرجااال معى
مع ان الحمد لله ماعندى مشاااكل بس غريبة الحالة اللى تجينى ...


ومن تمسكت بسالفة الركعتين كل ماجااات الحالة والحمد للله راح منها 90 %

وصرت اسلى نفسي اتسلى بأى شي ثانى عشان ما افكر ..


الحمد لله ربي رزقنا بالصحة والعاقية والازواااج الصالحين ماله داعى مشاكل زى هذى تخرب حياتنا ..

قكري دايم بعقلك يصلح مشكلة تافهه مثل هاذى تخسرك اشياااء واجد

وعلى قولة وحدة من البنات هما عندك 2 اذبحي واحد عشان تستانسين ...

بس صدق حطى حرتك بزوووجك يمكن يطيح اللى براسك

السلام عليكم و رحمة الله و بركاته ..

حبيبتي أسألك بالله إنك ما تزعلي من كلامي و تعتبريه نصيحة من أخت خايفة عليكي :39:

إنتي إنسانة عندك إضطراب نفسي أو قد يكون إضطراب عقلي و محتاجة علاج نفسي
و بأسرع فرصة لازم تروحي لدكتور أو دكتورة نفسانية ثقة و تقولي لهم كل شي بتسويه
و إحساسك لمن بتسوي دا الشي و ما تخبي عليهم أي حاجة عشان يقدرو يعالجوكي صح ..
لأنك أم و مسؤولة و أولادك هدولا أمانة في رقبتك ربنا حيسألك عنهم يوم القيامة
و بتصرفاتك هادي بتآذي أطفالك قبل نفسك و أولادك الآن في خطر منك إنتي !!
سيبك من الناس و كلام الناس و موقفك منهم إذا واحد من أولادك - لا قدر الله - أختنق
أو أنكسرت عظام قفصه الصدري من وزنك إللي ضاغط عليها و خرقت رئته و مات بين يدك
و إنتي جالسة فوق صدره بتسوي حركتك هادي و مبسوطة و بتضحكي عليه :eek:
إنتي أيش موقفك من نفسك ؟!
تقدري تعيشي بهادا الذنب ؟!
ولا حتخلفي غيره عشان تسوي فيه نفس الشي و تنبسطي و تضحكي ؟!
إنتي قد وقفتك قدام الله عز و جل لمن يسألك " بأي ذنب قتلت " :icon33:
:confused:
حتى لو ما مات ممكن تسير له أضرار جسدية كتيرة نتيجة إنقطاع الأكسجين
عن مخه و قلبه و رئته و دمه و أعضاؤه و ممكن يدخل في غيبوبة - لا قدر الله -
و مضاعفاتها مررررة كبييييرة و روحي أسألي الدكاترة عن أضرار إنقطاع الأكسجين
عن جسم الإنسان و بالذات على مخه و قلبه ( بالذات الطفل الصغير ) ؟!
إنتي بس أجلسي مع نفسك و أتخيلي إنه دا الشي سار - لا قدر الله - أيش حيكون إحساسك ؟!
عشان كدة لازم لازم لازم لازم ما تسكتي على نفسك و وضعك و تتعالجي بسرعة !!

و أيا كان سبب و تفسير دا الشي إللي إنتي بتسويه إنتي الآن ما يهمك غير شي واحد
و هو إنه إنتي عندك خلل و إضطراب نفسي و لازم يتعالج في أسرع وقت !!

و البنات كفو و وفو و شرحو لك الوضع بالتفصيل و وضحو لك العلاج ..
>>
و أقل شي أقل شي روحي أنسدحي عالأرض و خلي أقرب الناس لكي و مصدر الأمان
بالنسبة لك و إللي المفروض إنه يحميكي و يحافظ عليكي و يبعد عنك الأذى مين ما كان
أبوكي ولا أمك ولا جوزك يحط فوقك كنبة كبيرة أو طاولة تقيلة أو غسالة أو بوتجاز أو أي شي
وزنه أضعاف أضعاف أضعاف أضعاف وزنك و شوفي أيش حيكون إحساسك و إنتي مخنوقة
و تحسي نفسك بتنازعي و حتموتي و مانتي قادرة تبعديها عنك >>
أو خلي أحد أقوى منك يخنقك بكل قوته ألين تفرفري في يده و يزرق لونك و يقرب يغمى عليكي أو تموتي >>
و المفروض من الإنسان إللي يحميكي بدل ما يحميكي و يبعد عنك الأذى و الضرر
هو إللي بيسوي فيكي كدة و جالس يضحك عليكي و فرحان بخنقتك و كتمتك و إنقطاع الأكسجين عنك
و بتصرفه هادا بيدمر خلايا مخك و خلايا جسمك و بيآذي مخك و قلبك و رئتك و أعضائك كلها
و فوقها هو بيزرع في قلبك و عقلك الخوف و الهلع و الإضطراب لأنه وظيفته بدل ما تكون توفير الأمن و الأمان
أنقلبت و سارت الفجعة و الرعب و محاولة القتل :mad:

إنتي مانتي عارفة أيش كمية الضرر الجسدي و النفسي و العقلي و العاطفي إللي بتسببيه لهم :44:
و الله وحده يعلم قد أيش هم يخافو منك دحين و الله أعلم أيش يفكرو عنك :44:

خافي الله فيهم و في نفسك يا بنت الحلال :icon33:
و أستغفري ربنا عن إللي سويتيه فيهم و أستغفري بنية إنه ربنا يشفيكي من دا المرض إللي بتسويه ..
و صلي و أقرأي قرآن و أدعي لنفسك و لهم كتير و حصني نفسك و حصنيهم دايما
و أستعيذي بالله من الشيطان الرجيم دايما و بالذات كل ما فكرتي في دا الشي ..
و لا عاد تسوي فيهم كدة تاني ..
حتى لو تاخدي بنفسك أول خطوة في العلاج و تحلفي بالله عالمصحف و تعاهدي الله عز و جل
إنك ما عاد تسوي كدة تاني أبــــدا !!
حتى لو تروحي تجيبي عمرة و تستغفري ربنا جل و علا و تحلفي و تعاهديه في وسط الحرم
إنك ما عاد تعيديها أبــــــــــدا ..
عشان تقدري تتحكمي في نفسك و ما تعيديها تاني لأنه مو كل مرة تسلم الجرة !!

و روحي لأولادك أحضنيهم و طبطبي عليهم و طمنيهم و أستسمحيهم و أعتذري منهم
و أوعديهم إنه إنتي ما عاد حتسوي فيهم كدة ولا حتخوفيهم و لا حتعوريهم تاني عشان يتطمنو و يرتاحو
حتى لو كانو أطفال بس هم يفهمو و يحسو بكل شي و الله أعلم هم أيش بيفكرو عنك نتيجة تصرفك
دا معاهم ؟!؟!

ما أقول غير الله يهديكي و يصلحك و يشفيكي من ما أبتلاكي به و أطفالك الله يحفظهم
و يحرسهم بعينه التي لا تنام و يحميهم منك و من إللي بتسويه فيهم ألين ما تتعافي بقدرته جل و علا :icon33:

و معليش بالله عليكي سامحيني و لا تزعلي من كلامي لكن والله ما قصدت غير النصح
و إن أصبت فمن الله و إن أخطأت فمن نفسي :26:


تحياتي ..
جــــداويــــــــة