تكفون ساعدوني وزني مره كثير ابي حال؟ ؟؟؟

انصحك برجيم النقاط

اشربي اعشاب ( قشر القهوه ~ قشر رمان ~ قرفه~ زنجبيل ~ شاي آخضر ~ كمون ~ شمر ~) كلها مطحونه الشاي الاخضر عادي مو لازم مطحون 
 تآخذي ترمس شاي وتحطين من كل عشبه ملعقه صغيره وتسكبين عليها مويه حارره وتقطعين شريحتين ليمون .. وتشربينها بكل وقت حتى قبل النووم وانتي على سريرك .. واحذفي وجبة العشا 
وادععععي لي💓 

يا اخواتي فكرة انقاص الوزن عن طريق رجيم هي ابشع واسوأ خطوه تتخذينها في حق نفسك

المسألة ليست مسالة تجويع -ريجم -دايت ... المسأله تبدأ من العقل من الفكر من المخ

يجب اولا الاقتناع التام أن انقاص الوزن او حتى المحافظه على الوزن او الصحه الجيده بشكل عام .. يوجب علينا ان تبع النظاااااااااام في الحياه ككل ...


عدم انتظام النوم مثلا احد اسباب لخبطة الجسم وعدم القدره على اتباع اي نظام في الحياه .. معناتها ادويتك لو كنت تاخذين ادويه مثلا متلخبطه ...هرموناتك متلخبطه.. معناته كمان بالضروره اكلك متلخبط معناته نفسيتك متلخبطه ...


العامل الثاني قناعاتك ... اذا انت كنت تقولي لنفسك كيف راح ينزل هذا الوزن معقوله انحف مستحيل اكيد راح اتبع نظام لمده وبعدين اتركه زي كل المرات اللي راحت ... وهكذا .كل الكلام المحبط والسلبي حاصرتي فيه دماغك واحبطتيه واتصورتي اشياء محبطه ... !!!!!!!!!!

اذا .. الخطوه الثانيه الصور اللي تحطيها لنفسك و في مخيلتك ضروري جدا تكون صور جميله .. وبدلي الاحباط بالامل ... شوفي صور الناس قبل وبعد كيف كانوا ووين صاروا ..مافي شي مستحيل ابدا ابدا ابدا


ثالثا ... عودا على بدأ .. الغي شي اسمه دايت ... مافي شي اسمه دايت ينحفني ... هذا كلام خرابيط ..يعني بالمنطق هل طول حياتي اسوي دايت ورجيم؟!!
..طيب اذا سويته اسبوع او اسبوعين وبعدين كرهته وانطلقت الى الاكل بجنون وش الفايده ...
.
نستنتج ان الدايت عباره شي فاشل ... للاعتبار الاول ..ولهذا الاعتبار ايضا ..انه مو معقول افاجئ نفسي ومعدتي وجسمي بقلة الطعام وتغير الاصناف واباغته بتضييق النطاق ..بينما سنين مرت وانا اكل بشكل كبير

معناته لازم التدرج في التقليل في الاكل بحيث دماغي مايشعر باللي يصير فيصبح انقاص الوزن شي اسهل واسرع ..لان الدماغ بيفرز اوامر للجسم بتخزين الدهون في حال حس ان الاكل مو كافي او ماهو كثير زي اول

والسبب الاخر اني انا نفسيا ما اشعر ان في شي متغير علي او ناقصني ... ومراعاة النفسيه شي مهمه للاستمرار نحو حياه غذائيه صحيه وصحيحه

بشكل عملي .( اول اسبوع كلي نفسسسسسسسس اكلك نفسسسسسسسسسه لاتغيرينه بس سوي خطوه وحده الغي واحذفي جزء من الاكل .. اذا كنت تاكلين صحن فيه 30 ملعقة رز احذفي فقط 10 ملاعق او حتى خمسه مو مشكله كنت تاكلين نص دجاجه خليها ربع كنت تاكلينه اسكريم كلي نص الاسكريم كنت تاكلين رغيف على الفططور كلي رغيف الا ربع كنت تاكلين بيضتان مقليه خليها اثنين مسلوقه او وحده مقليه بزيت قليل ...استمري على هي القياس اسبوع او اسبوعين بعدين نقصي اكثر بدل ماتحذفي عشره ملاعقر رز نقصي كمان خمسه ملاعق بدل ما تاكلي نص اسكريم كلي ربعه وهكذا الين تخلصي شهر كامل او حتى اذا حسيتي انه يلزمك في كل مرحله اكثر من اسبوع ..عادي اهم شي الاستمرار ..ووضوح الهدف بالنسبه لك ...

ثاني خطوه عمليه ... الريااااااااااااااااااااااضه ...لا تحطي في بالك قصة انقاص الوزن او حتى الصحه الجيده او ثبات الوزن اذا كان وزنك مثالي مثلا .. انه ممكن تخفيف الاكل وتنظيمه راح ينفع بدون رياضه ... لالالا

الرياضه شي مهم جدا ...اذا قلتي لي ركبي تألمني او وزني كبير جدا اخاف على مفاصلي ... فاستريحي مافي عذر من الرياضه

وعلى فكره فيه رياضه خاصه بالجالسين والنايمين كمان .. لااااااااااااااااازم تمارسي الرياضه باستمرار وبانتظام وباصرار

..من شروط الرياضه الصحيحه اللي تنحف واللي تحافظ على الصحه
هي التعرق وسرعة نبضات القلب والتنفس القوي ...

اذا شعرت بالثلاثه الامور معناته انت فعلا قمت برياضه مو تريقه ..

اما اذا كان وزنك يسمح بالمشي او الرياضه الخفيفه فما قدامك الا انك تتبعي نظام رياضي بالتدرررررج .. لانه مو معقول تفاجئي نفسك برياضه عنيفه او لمده طويله صدقيني اذا سوتي شي صعب من البدايه ماراح تواصلين .. لكن اتدرجي في قضية الرياضه خصوصا المشي السريع ورياضة الخمسه ميل ...

الرياضه مهمه حتى للاصحاء هي اللي تخلصك من السموم هي اللي تضخ الدم والاكسجين الى كافة اعضاء جسمك

وجهك يوصله الدم .........شعرك يوصله الدم ..كل عضو راح يطرح اللي فيه من سموم وياخذ الاكسجين .. راح تنتعشين راح تحسين بالنشاط والصحه والراحه النفسيه ..

ثالث خطوه عمليه شرب المااااااااااااااااء 8 اكواب في اليوم او ثمان قوارير صحه صغيره 0.33مللتر .. اول شي ينزل على معدتك قارورتين الى ثلاثه قوارير مااااااااااء ..شيء عجيب شي غريب شي ما اقدر اوصفه حتى اهل السكر اللي في بيتي مدحوه خفض لهم السكر كثير

رابع شي الاعشاب مهمه تريح الاعصاب وتخمد الجوع الكاذب

خامس شي الصبر وما ادراك ما الصبر ....( الصبر ) صفه مو عشبه .. اقصد اصبري .. وخذي وقتك وانت تحاولي تغيير حياتك تماما الى الافضل .. يعني انت اول ماتبدأي بالتغيير معناته انت حاطه في بالك انك تتغيري الى الافضل الى الابد - مو الى اجل قريب -

خلاص قولي حياتي راح اغيرها كلها نومي اكلي شربي اهتماماتي فكري ثقافتي طريقة حياتي الغلط راح اعدلها بالتدريج الي ان اصبح في افضل صوره .


انا شفت الاجانب في برامجهم ياخذوا فتره طويييييييله سنين (من سنه الى سنيتين الى ثلاثه )لتحقيق هدف انقاص الوزن والتغييير الى الافضل في كل مناحي الحياه ... يعني وحده هدفها تنحف ماشفت خبير تغذيه او دكتوره او ايا كان تقولها اتبعي الدايت الفلاني لااااااااا ابدا ...هذا بس عندنا احنا المتراجعين علميا والمخذولين نفسيا ... هم عندهم تجيهم وحده تشتكي من السمنه يبدون باقناعها ..يغيرون افكارها .. يساعدونها يحفزونها ... يعطونها ابسط الطرق واسهلها ودايما طريقة التدرج في اي شي يستخدمونها خصوصا انقاص الوزن مايستعجلوا فيه ابدا ... لازم تنقصي وزنك بهداوه لانك في النهايه مطلوب منك تظلي على نمطك الغذائي الصحي الجديد طول حياتك ومطلوب منك تظلي محافظه على صحتك للابد ... على عكس دكاترتنا وثاقفتنا المنتشره للاسف بينا .. عندنا ثقافة عندي عزومه لاااا زم انحف ..عندي منافسه لاززم انحف ...دايما اهدافنا قصيرة المدى عشين كذا نعاني ونقعد سنين نحاول ونحاول ونفشل ...

غيروا طريقتكم في الحياه غيروا افكاركم غيروا ثقافتكم ... هذا اللي احنا نسويه هو الجنون بعينه تعريف الجنون عند الصينين هو ان تفعل نفس الشيء وتتوقع نتائج مختلفه ...قال الله تعالى : ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ﴾

الله ينحفك من غير شر
وانا اوافق رأي الاخت حوراء2006 كلامها صحيح 100%

الله يجزاكم الجنه
ويسعدكم ويحقق لك واحد امانيته يارب