تكفون ساعدوني وساعدو اختي ما أقدر أتحمل اكثر من كذا :(

أنا بهالمواقف ما عندي أي أسلوب فإسمحولي بدخل فالموضوع على طول ..
أختي الله يهديها ويصلح حالها تكلم شباب وترسلهم رسايل وكل يوم أراقب رسايلها بدون ماتدري (ماتشوفني) بس ما أقدر اسوي شي ؟!
والله تعبت نفسيتي ولا أنام ولا أكل زين منها كل ما شفتها ضيقت صدري زياده !!
مره أرسلت مشكلتي بشات قناة مجد للأطفال عقب ماتعبت نفسيا ً ..
فنصحتني وحده إني أكلمها فالموضوع وفعلا ً
يوم كنا لحالنا فالبيت سألتها عن الي تكلمهم وإني أعرف كل شي عنها لدرجة إنها
( كانت تخبي جوال لها فالدبدوب حقها قمت خذت الجوال وغرقته مويه (خربته) ويوم سألتني وين دبدوبها قلتلها إني غسلت كل ألعاب أختي الصغيره وقلت خليني أغسل حقك معهم << أستعبط عليها !! )
والله تعبت حتى إني صارحتها وقلت لها عن جوالها إن أنا اللي خربته وكنت عارفه وين تحطه ..
المصيبه ردها والله تنهبلون أنا إنصعقت من جرأتها ؟؟
قالت لي أنا كبيره وأعرف وش أسوي ؟؟ بحل الموضوع بأقرب وقت وإهي كانت جالسه ع الابتوب وإحنا نتناقش ؟؟ وواضح تقوله لي تستهبل علي ولابين عليها إنها خافت ابد ؟؟
بعد المناقشه بأيام رجعت أكثر من أول تكلم وترسل أشياء أستحي منها ؟؟
المشكله ان اختي اللي أكبر مني قلتلها الموضوع وإهي الله يهون عليها فالشهر التاسع وما كانت رايقه أنا كنت بصبر وبعلمها لما تولد بس قلت خلاص ماعاد أقدر أتحمل :44: مدري وش أسوي معها,أختي الكبيره قالت : بالطقاق اللي يطقها دام أمها مدلعتها وش تستنا منها حتى لو تطلع مع شباب ما علي منها ؟؟
المشكله أختي نرفزني كلامها بس عذرتها عشانها حامل وتعبانه وتنتظر الولاده مب رايقه لها ؟؟
<< أنا عارفه إن أختي الصغيره تدري إني أراقبها ولاهمها الموضوع ؟؟
ألحين وش أسوي ؟؟
أبي حل تكفوووووووووووووووووووووووووووووووووووووون :icon33:
اعلم امي والا لا ؟
أمي مره تدلعها وتحبها , و أبوي صعبه أقوله وبعدين أكيد هو واثق فبناته :44:
والا اسوي اللي أفكر فيه أخذ جوالاتها منها وأرتاح ؟؟؟؟؟؟؟؟؟
تكفون شورو علي وش السواة ؟؟ !!
علما بأن أختي الصغيره اللي تكلم عمرها 22 وعندها جوالين والثالث اللي خربته !!
و أنا عمري 24 تكفون أبي حل ؟؟

والله يجزاكم خير يارب
ابي حل بأقرب فرصه ويسعدني أسمع إقتراحاتكم ؟؟