تكفون ساعدوني ولو بالكلمة الطيبة

السلام عليكم ورحمة الله وبركاته ،، مساء الخير على الجميع ،، أولاً أسأل الله الحي القيوم أن يحرم وجوهكم عن النار وأن يفرج همي وهمومكم ويكشف غمي وغمومكم ،، أقسم بالله العظيم يابنات أني جايه أكتب لكم وعلي هموم كبرر السما ولا لي عوين بعد الله إلا أنتم أنتم خواتي وأنتم أهلي ولا احد بيقدر يساعدني الا انتم وأملي في الله ثم بكم كبيير وانتم إن شاء الله قد هقوتي فيكم ،، تكفووون تكفووون يابنات وربي صابني تبلدد احساس وموت مشاااعر ولاني مع الناس لا اكل ولا اشررب ولا انام مثل الناس ماراح اطول عليكم ،، يابنات أنا حصل لي موقف ويشهد الله علي من فووق سابع سما انه حصل غصب عني واشبهه بالمعجزه ومصدووومه من الوضع اللي انا فيه كل البنات مبسوطين وعايشين مثل الناس وطبيعي الا أنا احس بموت في اي لحظه ،، بناات أنا مفتووحه وانفتحت بشكل اشببه بالمعجزه وسالفتها طويله لكن تكفووون انا ابي الحل من الله ثم من منكم تكفوون لا تخلوني كلاني الهم أكل ونحل حاالي وحالتي الصحية والنفسية في أسوأ حالاتها ،، أنا متملكة من سنتين وكل يوم أأجل الزواج بأعذار تافهه وبيني وبين زوجي تواصل وصاار شااك فيني زوجوني اياه غصبب عني وحاولت اطلب الطلاق وصار يعاند واهلي كلهم معه ضدي ولا أحد معي إلا الله تعبت نفسيتي وصابني توتر حااد ومرض خروج عن الواقع عالجت عند دكتور نفساني وشاف حالتي وانصدم يقول فيك توتر حااد لو صاب احد غييرك ممكن ينتحر ،، والحين حتى زوجي صاار يعاند ويصر على الزواج في اقرب وقت وانا رافضه وصار شاك فيني ويلمح ويراقبني في كل صغييره وكبيره وهو مايدري وش فيني ماخليت ولا مستشفى في حفر الباطن الا جيته ولا احد قدر يساعدني وانا مستعده ادفع اي مبللغ بس اسوي العملية واعيش زي الناس واتزوج واستر نفسي ،، تكفووون يابنات تكفوون ياتاج رااسي سااعدوني لا تخلوني كذا زوواجي قررب والوقت يسرقني وانا ماسويت شيء وعلي ضغط من اهلي على الزواج وانا ماقدر احدد واقول شيء لين اسوي العملية فيه بنات الله يجزاهم خيير دلوني على دكتوره في تبوكك وانا ويين اروح لتبووك ماحد يدري باللي فيني الا الله ثم انتم اهلي ماحد يدري ولا حتى اقرب صديقاتي كل اللي في جيلي تزوجو وعليهم عيال الا انا تكفوون دلووني على احد في الحفر ومضمون ومستعده ادفع اللي تطلبه ،، الله يجزاكم خيير وسامحوني على الإطالة وسامحوني على موضوعي بس وش اسوي مالي إلا الله ثم أنتم