تكفون ساعدوووووووووووووووني ولا قريب بنجن

السلام عليكم
انا اعاني من مشكله وكل ماجاينها تزييد و تزييييييييد مهما شرحتلكم ما بتصدقون
مشكلتي في الذاكره انسى كثثثثثثثثثثثثثثثثثثثثثييييير حتى انا مو مصدقه انا طول عمري اعاني اني نسايه بس ابدا مو لهل الدرجه
قبل كنت انسى صليت ولا لأ توضيت ولا لأ ... اوكي هذا يصير مع كل حد
الحين بقولكم امثله على الي يصير معاي
- مثلا انا اتكلم مع بنت خالتي و اقولها تعالي زورينا و اكون صدق اتمنى انها تيجي ( يعني مركزه فالكلام مو سرحانه او اي شي ) و مثلا قالت خلاص بكرا بجيكم الساعه 4 العصر اوكي .... يمكن بعد نص ساعه لو حد قالي :ها بتجي ولا لأ ؟ برد : ماعرف انا قلتلها تجي بس نسيت هي قالت بتجي ولا لأ !!! والله و اخس بعد بس ابدا مو متذكره شي
و اكره شي عندي لما حد يقولي كذابه لو ما اتذكر والله صدق ما اكون متذكره ... تصدقون مره زميلتي معاي سنه كامله و بعد العطله راسي كان بينفجر حتى تذكرت اسمها مع انها تجلس جنبي و كل يوم كنت اكلمها
انا دايما لما احاول اطبخ ولا شي احرق ايدي بالغلط فمره قريت مقال عن الحروق و احسن طريقه ما تخلي اثر ..... الخ
يمكن قريته 5مرات قلت هذا مهم بالنسبه لي و الحين ابدااااااااا ما اتذكر شو كان مكتوب
يعني اتذكر في شي عن نحنط ماي لكن نحط ولا لأ؟؟؟
مدري والله اعرف هالامثله سخيفه
بس ابدا مو قادره اتذكر شي ثاني
احيانا تصيرلي مواقف بسسب هالشي تخليني اروح الحمام و اظل ابكككككككككككككككي
احيانا احلم بشي و اعرف انه حلم لانه مستحيل يكون حقيقه و بعد افكر انه صار حقيقه
بنات اعرف الحين اني اقول اشياء مالها معنى بس والله تعبت و الحين احاول اتذكر مواقف حتى تحسون بمشكلتي احس بدووووووووووووووووووخه فظيعه

انا عندي مشاكل فحياتي و طول الوقت متوتره وهالشي اثر فحياتي كثثثييير وحتى الدكتور عطاني حبوب بسبب الامراض الي صابتني و هالحبوب بظل اخذها طووووول عمري ( عمري 19 سنه)

تقدرون تقولون هالموضوع للفضفضه + ممكن تقولولي كيف اقوي ذاكرتي فالاشياء العاديه و المواقف اليوميه