تكفون ساعوني بسررررررررعه

والله يا أختي ما اعرف ايش اقولك, أنت تحملتي كل االي سواه من جرح لمشاعرك و اهانه لأنوثتك 16 سنه و الحين يخونك و على علاقه بواحده, والله لو اني مكانك ما صبرت يوم عليه لانه ما يستاهل

الله يكفيك شرها وشر غيرها
بس أنا من وجهة نظري إن مواجهتها ماراح تجيب نتيجة
يعني بتقطع علاقتها فيه لأنك كلمتي!!!!!!!!!
ولا بيأنبها ضميرها!!!!!!!!!
شوفيلك طريقة ثانية غير مواجهتها لأنها يمكن تسبب لك مشاكل مع زوجك
وماراح تجيب نتيجة إلا إذا ماكانت تعرف إنه متزوج في هذي الحالة كلميها
وإنتي أعرف بظروفك أولا وأخيرا بس هذا رايي

انك تكلميها مئشوف انو ينفعك بالعكس يجوز تنجرحي اكثر الله حلل الطلاق لظروف زوجك مايستاهلك لازم يعرف انك عارفة بخيانتة اقصم بالله و الله لايبتلينا لو كنت مكانك كنت تركتو ما يستاهل كذا انسان نتهاوش عليه انا و حدة ثانية و انت ادرى بوضعك... الله يكون بعونك :(

السلام عليكم ورحمة الله اختي العزيزة انصحج تغيرين اسلوبج ويا ريلج وتشوفين شو الشي اللي خلاه يتعرف عوحدة ثانية المهم ممكن ما يكون التقصير منج بس الوضع الحالي للانفتاح اللي صاير يخلي الشباب يتوجهون للتغيير والحرمة العاقلة هي اللي تتجاهل الخيانة وتلتزم فبيتها وعيالها وهو يوم بيشوف حرمته مو مقصرة اكيد ضميره بيانبه وبيرجع بيته تاكدي تجاهلج للعلاقة حفاظا على بيتج هدا هو التصرف الصحيح وتاكدي ما بني عالغلط دائما غلط وتاكدي ان ريلج ما له غيرج انتي حتى لو كان اسلوبه جاف لان البعض ما يحب يعترف باخطائه ونصيحتي الصبر ولا تتصلين بها ولا تفاتحينه هو فالموضوع لو كلمتيه ممكن يكون رده جارح وانتي ما تتحملين لدلك افضل انتج لاتعطين للموضوع اهمية وهو يوم بيشوفج ساكتة بيستغرب وبيخاف من ردة الفعل وبيحاول يلغي الموضوع كله لان انتي مو اول ولا اخر وحدة والله يوفقج ويثبت استقرارج ان شاء الله

هلا الغالية ..

أختي الله يصبرج .. ويأجرج في مصابج ..

أختي .. دوم احتسبي الأجر من رب العالميــــــن .. وحاولي ما تقصرين معاه ..

وانج توفرين له كل سبل الراحة .. وخبرج الرياييل يحبون سوالف الدلع ..

وكل ما ذكرتي بانه يخونج مع وحده غيرج .. استغفري ربج .. وشوفي عيالج هم كل حياتج ..

ودوم ذكريه بأنه هو حياتج .. وانتي وعيالج محتاجينه كل دقيقة وثانية ..

والغالية .. لو واجهتيها .. عزج الله - شي بنات شوارع .. ما يخافون ربهم ..

بدل ما تنسحب بتزيد .. فيعني الكلام معاهم خسارة ..

خلي أملج بالله وحده .. وحطي في بالج بانه محد بيبعد زوجج عن هالأشكال الا الله سبحانه وتعالى ..

سويله حركات رومانسية .. يمكن تأثر فيه ..

مثلآ : اكتبيله رسالة ... ووقعي عليها .. وخلي عيالج - الله يحفظهم لج - يوقعون ولا يبصمون عليها ..

اعزميه على عشا ... ولا سفرة .. بعيد عن الروتين اليومي ..

ذكريه بذكريات حلوة ..

ولا تذكرينه بأنه يخونج .. خليه ينسى ..

يقولون الزوج اذا كل شوي طريتي الخيانة .. يذكر .. ويقول خلاص هي تدري .. ما يحتاي حتى اخاف منها .. ولا اخاف انها تدري بأني اخونها ..

ولا تصيحين أختي .. ولا اتعبين نفسج .. وديري بالج على صحتج .. وهي أهم شي ..
محد بيفيدج غير صحتج ..

وحاولي بين فترة وفترة تغيير اللوووووووووك .. لا تحرمين نفسج من شي ..

غيري لون شعرج ولا قصة شعرج .. اهتمي بجسمج .. بلبسج ..
ترى الرياييل يحبون هالسوالف .. حتى لو يكلفهم ..

حاولي تعيشين حياتج .. حتى لو في داخلج قهر منه .. وانسي انه يخونج ولا تفكرين في هالشي ..

ترى في النهاية محد بيستفيد اذا زدتي همج ..

ولا تنسين تدعين بعد كل صلاة .. وفي أوقات الاجابة .. واكثري من الدعاء اليوم الجمعة ..

كل يوم ادعي لنفسي ولأخواتي المسلمات ..

(( ربي ارحمني يا أرحم الراحمين .. اللهم سخر لي زوجي .. وسخر جميع أزواج المسلمين لزوجاتهم المسلمات .. اللهم اجعله لي الزوج الصالح .. وارزقني منه الذرية الصالحة .. اللهم ارزقني من حيث احتسب ومن حيث لا احتسب ... اللهم فرج هم كل مسلم ومسلمة .. انك قادر على كل شي ))

والله يشرح لج صدرج أختي الكريمة .. ويبعد عنج وساوس الشيطان ..

تحياتي لج ..