تكفون شيرو علي

حاولي تقنعيه "خلك بعيد حبك يزيد "والله اني فاهمه اللي بداخلك و الله يعينك
اعرف وحده زوجها سكن اخوه معه بنفس العماره ,وهي ماكانت راضيه خايفه من المشاكل و فعلا سنه و كل الاخوين مو طايقين بعض ولا حد يدخل بيت الثاني و الان زوجها شرى بيت و رب ضارة نافعه
لولا الله ثم المشاكل ماكان شرى بيت
واعتقد ان زوجك ابد ماراح يقتنع لكن عليك بالقوي الله
عليك بالدعاء و ثقي من الاجابه و ان رغبتك هي الحياة الهانئة مع زوجك و ثقي بان الله ارحم الراحمين بك
عليك بقيام الليل و الدعاء و الاكثار من الصدقة

اهلا بك , لاتسبقي الاحداث قبل ان تحدث فعلا ولكن اقول :(أسئلي ربك وين الخير ليضعك فيه ) ,

صحيح ان السكن بإستقلاليه يحد من المشكلات , وبما انك حساسه مثل ماتقولين وتتحسي وتزعلي

بسرعه اشيري على زوجك ان كان (اهله مو محتاجين زوجك يكون بوسطهم وبينهم )

انه يتكلم مع امه او والده بطريقه الإقناع ان احسن كل يكون بسكن مستقل ومتقارب بنفس الوقت ,

عشان يكونون براحتهم وتكونوا براحتكم , وان انتهت المشاوره باالموافقه فالحمدلله وان كانت بالرفض

فأنصحك انك تهيئي نفسك بالقبول واخذ المسأله بسهوله وانبساط , ولكن ضعي لنفسك برنامج حبذا

لو تكتبيه بورقه لتذكرك انك تحاولي مستقبلا معاهم ماتدخلي بينهم وبين ولدهم لان لابد الحياة فيها , وانك

ايضا تتحلي عندهم بالصبر والحلم وتعيشي معاهم بنواياك وخلي لشخصيتك مكانه بحيث انهم يفتقدوك

عند غيابك , لان هذي الحياة لابد بالاخير التفرق فلا تتركي ذكريات سيئه عنك , والحمدلله ان الموضوع

بيت وبس والله العافيه هي الاهم يااختي , ووفقك الله وأرساكم على الخير .......

المشكله انه هو بيتكفل بشراء البيت هل عنده امكانيه يسكنج بشقه ؟ وهل انتى ترضين تسكنين بشقه صغيره لين ما تتحسن الاوضاع .اذا هو ما يقدر فلاحول ولا قوه مافي جدامج الا السكن مع اهل الزوج ,ونصيحه انا كنت قبل لا اشتغل حساسه واااايد لكن اكتشفت انى ما اضر حد الا نفسي اذا اضطريتي للسكن معاهم حاولي اتقوين شخصيتج .والله الموفق

جزاكم الله خير

اختي زيتونه الصراحه السكن مع اهل الزوج تسبب مشاكل كثيره
ويقول المثل ابعد عن حبيبك يحبك

اذا قلتي انه زوجك هو راح يتكفل بشرى البيت اشترو عماره صغيره ثلاثه ادوار او فله تنقسم لادوار

بكذا كل واحد فيكم ياخذ راحته وانتي قولي هذا الكلام لزوجك انك تدورين راحته وراحه اهله