حتى انا ايدامي مو بزين مع ان زوجي يممموت بالايدام المشكل وانا دايما يطيح وجهي مايظبط واخواتي يزينونه يطلع يهبل واخذت طريقتهم وماظبطت مادري وين المشكله    اهئ اهئ😢

أنا الحمدلله أضبط الإيدام :icon31:
و بقولك ع طريقتي بالتفصيل و بالملي على قولتك هههههههههه :icon20:
أولاً حبيبتي تفرمي حبتين بصل صغار لازم تكون مفرومه ناعم
و راس ثوم مفروم ناعم لازم راس ثوم كامل لإن الثوم يعطي الإيدام طعم روعه ...
و بعد كذا تطحني حبتين طماطم طحن ناعم :icon18:
و تقطعين الكوسا و الجزر و البطاطس لمكعبات مو كبيره ولا صغيره وسط حلوووو ...
بعد كذا تقطعي شوي بقدونس و شوي كزبره برضو تعطي الإيدام ريحه حلوه ....

نبدأ بالتطبيق .... :icon20:
تحطي بالقدر قطعة زبده صغيره و تضيفين البصل و الثوم و تقلبينهم لحد
ما يذبلو و يصير لونهم ذهبي فاتح .....
بعدها تضيفين الطماطم و تحركينهم مع بعض بعدها تضيفين حبة ماجي فقط
و الماجي نضيفها إذا كان الإيدام بدون لحم أو دجاج .......
و تضيفين ملعقه صغيره حقت الشاي كمون و ذرة فلفل أسود
و عودين قرفه و خمس حبات هيل الهيل بعد يعطي طعم روعه
و تحركينهم و تضيفين صلصة الطماطم معجون الطماطم شي بسيط فقط
لإعطاء لون حلو للإيدام ....
و تحركينهم مع بعض
بعدها تضيفين الخضار الكوسا و الجزر و البطاطس
بعدها تكوني مجهزه ماء مغلي و تصبينه لحد ما يتغطى الخضار تماماً
و تخلينهم يطبخو على نار عاااااليه مع التحريك البسيط مو بقوه
و تخلينها على نار عاليه لمدة نص ساعه و إذا قلت كمية الماء تضيفين حاجه بسيطه
حلاة الإيدام ما تكون مويته كثيره و برضو يكون بقدر صغير بحجم كمية الخضار
ما يكون قدرك كبير أكبر من الكميه كذا ما ينفع و لا يضبط
لازم تهتمين بإختيار القدر المناسب لكمية الخضار ...... :icon18:
بعد ما يطبخ نص ساعه ضيفي البقدونس و الكزبره
و خليهم على نار هاديه نص ساعه ثانيه
و الملح أصحك الملح تحطينه من البدايه خليه أخر شي :30:
و السر لإن الملح إذا أضفتيه من البدايه يطول بأستواء و نضج الخضار
أو اللحم و الدجاج فالأفضل إضافته بالنهايه وهذي الطريقه قالتها لي
أخت زوجي فنانه بالطبخ ماشاء الله عليها ......
بعد ما يطبخ الإيدام ساعه كامله طلعي حبة كوسه و جزر و بطاطس وتذوقيها
إذا نضجت كلها أضيفي الملح بعد كذا ما نضجت لسى خليها تطبخ كمان ربع
ساعه وكفايه كذا يكون أكيد أنتهى و جاهز للتقديم .....

و إذا معه لحمه أو دجاج فأنا أفضل دائماً أسلق اللحمه والدجاج بقدر خاص فيهم
بدون إضافة ملح وعلى نار عاليه لمدة نص ساعه بعدها أضيفها
للبصل والثوم والطماطم و أخليهم عشر دقايق يطبخو مع بعض بعدين
أضيف خضاري و الماء المغلي ونفس الطريقه إلي ذكرتها فوق ....
أتمنى شرحت لك شرح واضح إن شاء الله تعجبك ...

الايدام بالدجاج في قدر الضغط 
اول شى تكشني 2 بصل في قدر الضغط و 5 حبات الطماط في خلاط العصير مع فص ثوم و بعد ما تعصريه تحطي معه حبه ماجي و حبه ورق غار و ليمونه سوداء و خولجان قطعه صغيره و تصبيها ع البصل اذا ذبل 
تتركيه 5 دقايق يتسبك و تضيفي الدجاج و الفاصوليا و الجزر و نص ملي ماء و تخليه يفور شوي 5 دقايق  و تضغطيه بعد م ياشر 10 دقايق 
تضيفي البطاط و الكوسه و البادنجان ان حبيتي و الباميه 
و تزيدي مويه و تضبطي الملح و تضغطيه 7 دقايق 
و بالعافيه 

بسم الله الرحمن الرحيم
اولا-الكشنة
على النار زيت اللي يحمس البصل وانتبهي تكثرين عشان اللحم راح يكون فيه دهن ومعجون الطمام طبعا البصل مقطع
ناعم وتقلبينه لحد مايذبل بعدين حطي فصين ثوم مهروس وقلبيه وحطي 3حبات حبات طماط معصورة ومعجون الطماط وبهار مشكل ورشة ملح وبيالة موياء وقلبيه وخليها تتسبك وخليها على جنب
ثانيا اللحم
حطي اللحم في قدر وصبي عليه موياء بس اللي تغطية وحطيه على النار وخليه يغلي بعدين شيلي الزفرة اللي تتطلع
وحطي كركم مقدارملعقة صغيرة ماتكون مليان وخليه يغلي ربع ساعة وبعدي حطي الكشنة علية
ملاحظة
(اذا اللحم طازج خليه نص ساعة على الناربعدين ضيفي الخضار وخليها نص ساعة اما اذا كان مجمد خليه ساعة بعدين حطي الخضار وخليها نص ساعة ) اتمنى فهمتي الملاحظ
ثالثا الخضار
قطعي البطاطس والجزر والكوسة والفاصوليا وحطيها كلها على اللحم وخليها تغلي وحطي ملح وموياء في في حال احتاج واخر شي حطي الكزبرة الخضرة وخليه ثواني وطفي من عليه
وقدميه وبالعافية





9

الله يجزاكم خير استفدت منكم