تكفون عزيزاتى نبى حل صادق وامين فى الخلاطات ال000000

السلام عليكم

مرحا اختي شوفي انا كتبلج وانا الحين صائمه عشان تتاكدين من كلامي

اول شي الله يرحمة وجعله من المغفور لهم باذن الله والفائزين بالجنه
النفسيه تلعب دور كبير جدا جدا جدا يعني مهما سويتي بلاوي وانتي
تعبانه ما بينفع عشان جيه انصحج بالتالي وخلال اسبوعين بتحسين بالفرق
وان شاء الله اساعدج الي اقدر عليه
1_ التغذيه الجيده والبعيده عن الحلويات والبيبسي والمعلبات بمعنى
# لازم تشربين 8 اكواب ماء يوميا # كوبين حليب واحد الصبح وواحد فليل # عصير العصر # هذا بالنسبه للسوائل
# لازم تشوفيلج حبوب فيتامين يناسبن جسمج وافضل زيارة الطبيب تراهن يجلب الشخص 180 د
#كلي 7 تمرات على الريق وبعده شربي الحليب وباذن الله هذا بيساعدح في نضارة الوجه وتسمينه بس بحدود .
# كثري كثري كثري كثري من الفواااااااااكه والخضااااااار مثل البروكلي والجزر والكوس اي شي المهم خضار .
# لا تنسييييييييييين السلطه مهمه جدا جدا جدا .
# ابتعدي عن اكل المطاعم حاولي تطبخين اكلج بايدج دخلي قسم الاغذيه وختاريالمفيد لج فطور غداء عشى .
# حاولي تاكلين فرااااوله قد ما تقدرين وتفاااااااااااح روووووعه للبشره .
اذا اتبعتي هذا الشي لفتره قصيره صدقيني ما بتعرفين بشرج وحتى التساقط بيخف بس اهتمي الغذاء
_____________________________
بعدين اختاريلج زيت خفيف حق شعرج ويناسه يعني اذا ضعيف ويتساقط ما يصير نحط عليه زيوت قويه مثل دابر وغيرها اما اذا قوي ممكن تستخدمين الزيوت الويه .
واستخدميه يوم هيه يومين لا او يوم هيه يوم لا حسب طبيعة شعرج ونسييييييييييييه
_____________________________
الجسم
1_ هاتي سكراب للجسم الي هوه STIVESالي بالمشمش في اي جمعيه او سوبر ماركت واستخدميه اول اسبوع
يوم هيه يوم لا وبعدين الاسبوع الثاني يوم هيه يومين لا والثالث يوم هيه 3 لا لين تصيرين تستخدمينه مرتين في الاسبوع ممكن تستخدمينه على جسم نااااشف بس لا تكررينها اكثر من مره في الاسبوع يكون جسمج ناشف وتاخذين من السكراب وتحطينه على السيقان وتفركين لين تحسين بجسمج امتصه وتم الحبيبات بس ولين تخلصين الجسم بعدين تيبين ليف نااااااااااعمه واشدد على نااااااعمه وتحطينها في الماء وتفركين بشوي بشوي بشكل دائري لين تخلصين الجسم وبعدين غسليه بماء وصابون دوووووف لانها ترطب البشره .
او تستخدمينه بعد ما ترطبين الجسم بالماء تحطين القليل على جسمج وتفركين وتغسلينه وتغسلين بعده بصاون .
انتي اختاري بس الناشف لا تسوينه غير مره في الاسبوع من الحين اقولج .

2_ وبعدين هاتي مرطب الجسم بعد الحمام على طوووووووووووول ووزعيه على الجسم بالكامل وافضل زيت
#_ زيت خروع فنجان
#_ زيت سمسم 4 فنجان
#_ زيت لوز حلو 1 كوب
وتخلطينهن زيييييييييييييين وتخلينهن في زجاجه وبعد الحمام على طوووووول حطيهن في الجسم واذا تريدين البياض حطي ذره من الكركم ( مال الجسم مش مال العطار )

3_ سوي حمام مغربي مره في الاسبوع .
___________________________

اما بشرت الويه روحي وخذيلج التالي ملك تونك كريم مغذي لليل كريم مرطب للنهار واقي من الشمس مرطب للشفايف
كريم للعيون رغوه للوجه .

للنهار

واستخدميهن بشكل يومي
ملك + مساج خفيف لدقايق
مسحه بالتونر
وبعدين غسل الويه بالرغه
وضع الكريم المرطب للنهار لما ينشف حطي الواقي ( اذا فيج حبوب يكون بدال كريم المرطب مال الحبوب )
وحطي على شفايفج مرطب وخليه على طوووول في ايدج .
__________________

واستخدميهن بشكل يومي
ملك + مساج خفيف لدقايق
مسحه بالتونر
وبعدين غسل الويه بالرغه
تكحلي باثمد لان كثر البكاء يسقط الرموش وان شاء الله الاثمد يرجعهن لج لانه الرسول اللهم صلي وسلم عليه نصح فيه
وضع الكريم المغذي للوجه + كريم العيون + مرطب الشفايف .( واحلام سعيده )
_______________________________

وباذن الله اذا استخدمتي كل الي اقولج عليه شهر بس شهر وبتتغيرين واااااااااااايد
بتقوليلي ما حطيتيلي مسكات طبيعيه ولا شي ابصراحه لاني ماره بفس الظروف الي مرتي فيها
واعرف ان الشخص ما فيه على الخلطات ويمل بسبب حزنه والاشيء الجاهزه اسهله
وبعدين التعب الي في ويهج يباله اشيء مركززززززززه عشان جيه افضلج الجدول الي كتبتلج اياه
لا تكلفين على نفسج اكثر من ما هيه فيه والله ياري يصبرج وينزع ليج الصبر والسلوااان
واصلن البشره ما بتتقبل الطبيعي الحين 100% لازم تساعدينها بالكريمات واختاري افضلها لا تسترخصين البشره
وااااااااااااااااايد مهمه وانصحج في سيشيدو ممتازه لانها تقريبا طبيعيه وهيه يابانيه ولج حريت الاختيار
واتمنى تدعيلي بالثباااااااااااااااااااااااااااااات والستر وان الله يحقق الي اريده
والسلام عليكم .