تكفون عطوووووووني حل بسررررررررررعه

السلام عليكم

شوفو سالفتي واعطوني حل واللي بتلقالي حل بدعيلها

انا قبل كم اسبوع رحت السوق مع امي واخواتي وعجبني فستان وحجزته عنده وقلت له برجع آخذه

رجعت بعد كم يوم انا وزوجي عشان آخذه ويوم شافه زوجي ماجازله وقال عادي مره وطاح من عيني

وقلت خلاص بختار واحد ثاني ولقيت ثاني وعجبني واخذته لغغرفة القياس وقسته وطلع مضبوط

وطبعآ هو يعدله ويستره فقلت له لا باخذه للبيت واقوسه زين ويمكن ارجعه قال براحتكم

وسبحان الله كني حاسه اني برجعه رجعته مره ثانيه واخترت واحد ثاني وقلت خلاص بآخذه ورحت قسته صار ضيق

رجعت قال صاحب المحل خلاص بعطيك اكبر برقمين الاول كان 14 قال خلاص 16 اكيد بيصير مضبوط

وطبعآ زوجي ماصدق قال خلاص لاتقوسينه اكيد مضبوط لانه مايحب القياس في الاسواق وبالحسره خلاني اقوس

المهم قلت له خلاص ركب له اكمام عشان مااقعد كل شوي ابدل في هالفساتين

قال خلاص تعالو بعد خمس ايام

وصلنا للزبده رحنا جبناه ويوم جيت فرحانه بقوسه طلع ضيق مره ماطاع يتسكر السحاب :44:

جتني صدمه وجيت اسككره بالغصب وانقطع السحاب:icon33:

ياااااربي وش اسوي الحين هو عدله وركب له اكمام يعني ماينفع ارجعه وش السوااااات

زوجي قال فيه حل واحد لازم تنحفين عشان يجي مقاسك :(

تكفون عطوني حل ؟؟؟

زواج اخوي باقي عليه 25 يووووم:(