تكفون علموني

والله جيتي ع الجرح
انا مثلك ودي اربي عيالي كذا لكن للاسف اخذو كوووول تصرفات اهل ابوهم كلن متقفل بغرفته وكلن ياكل لحاله
وكلن له عالمه الخاص ونجلس ع السفره انا وابوهم نتقابل ونصايح تعالوا اكلوا ولاحياة لمن تنادي ويمكن يمكن لما ينقطع النت شوي نشوفهم يجو يجلسو معنا
بالصاله وانا ماحب كذا وماحبهم يطفو النور ويقفلو وهم صاحين ابي اطبق سياسة الباب المفتوح ههههههه بس عجزت فيهم واذا عملت دراما خليجيه جوني جلسو شوي قالو وش تبين بس كذا نطالع ببعض? !!
ابي اريح بغرفتي وقام عليه العوض ومنه العوض
يبدو ان الموضوع فيه وراثه! !

اقري كثير في كتب التربية واسمعي لمدربين ومصلحين عن التربية

على حسب كل عمر يعني
مثلا اعودهم يساعدون بعض يرتبون مع بعض اغراض وادوات يستعملونهن مع بعض الا الشخصيه واذا ليش حتى ماينتقل امراض وكذا
الكبير يلبس الصغير والصغير يساعد الكبير الااكل مع بعض العقاب مع بعض المشتريات مع بعض عدم المقارنه شوف فلاان اخوك او اختك احسن منك وكذا
الكبار ينتبهون للصغار مايطيحون ووو قولي فلاان - ة انتبه -ي الااخوك ليطيح مسوليتك اذا جلستوا مع بعض تقولين لهم بحب ابغاكم تحبون بعض ولا احد يزعل من الثاني ولازم تخافون على بعض
اذا كبتوا تساعدون مع بعض والااخ منفعه وكذا اذا احد زعل الثاني يراضيه بكلمه او هديه لو ريال
واشيئاء اخرى وافتحي قوقل عن مواضيع زي كذا وبعد اذا انتي حبيتيهم وعاملتيهم باادب واحترام ومساواه راح يتعلمون منك انتي وابوهم ماتتمشكلون قدامهم وتحترمون بعض وتحبون بعض والااخلاق ووتطبقينها وهم بيتعودون على كذا
ومع هذا كله وقبلها الدعااااااااااااااااااااااء لهم بالصلاح والهدايه وغيره