تكفون علموني وشو قاعد يصير في حياتي

السلام عليكم ورحمة الله وبركاتة
أخوواتي اليوم انا جايه اكتب وانا مهلكة جسدياً وروحياً , حتى ان رغبتي بالبكاء والصراخ أصبحت تلازمني طول يومي
أنا من تزوجت وحياتي كلها مشاكل , اول شي زوجي تغير علي بأول زواجنا , تنسرق سيارته مرتين ونحصلها , فجأه
يصير ماعندنا فلوس معنى احنا يعتبر لنا ماديه زينه واحنا اثنين , زوجي يصير عنده مشاكل بالأنجاب فجأه زوجي
طبيعي من كل النواحي بس يقولون له مافيك حتى خلايا ام كلها ميته يعني مافي انجاب طيب السبب يادكتور
ماندري العلم عند الله , احلامي كلها مزعجة ثعابين قطط قرود , إلى أن صرت أسمع احد يطق باب غرفتي
او احد يشمخ الباب واقوم مفزوعة مااألاقي أحد أصحي زوجي اقوله سمعت يقولي ماسمعت , تخيلوا صرت مااقدر
انام في غرفتي اجي من الدوام العصر واظل صاحية لين الليل عشان اقول بعدها اتعب وانام تخيلوا اروح
اقرا اذكاري وانام بعدها بوقت قليل اصحى وافتح عيوني كأني شبعانه نوم , واتقلب ومايجيني نوم نهائياً
صرت ادخل المطبخ اسمع احد يطق السقف للمطبخ على حسب خطواتي والمكان اللي اروح له في المطباخ
لين اطلع يروح الصوت ... صرت احس صدري يحرقني وصار الالم ينزل لبطني , واحس اني اتقطع من داخل بطني
رحمي احس فيه حركة مو وقت الدورة ... وصلت في يوم من الايام من الدوام رحت بريح شوي حطيت سورة البقرة
بغرفتي صرت ابكيي بقوة ودقيت على زوجي اقوله خلاص ماابيك ابي نتطلق ودني بيت اهلي وبنفس الوقت انا بداخلي
ابيه واحبه ومابي اعيش بدونه وراضيه بكل شي معاه , رحت لأمي تقرا عليي وهي تعرف بالقراءة وذات دين ولكنها مو يعني
مثل الشيوخ قرات علي ونمت نوم عميق وصار يزداد نفسي وصوت نفسي وعيوني تدمع حتى لما صارت تقرا أيات السحر
صررررت أصررررخ وأصررررخ وأصرررخ وانييين وكل هذا كان يطلع مو مني ولما خلصت قراءه كبت الماي اللي كانت تقرا فيه
على وجهي وهنا صحييت واقولها انا احس اني موجوده بالحياة وصار وجهي وجسمي كله متنفخ واحمررر ... وبعدها صرت
ابي زوجي جمبي بس في شي داخلي يعورني لما يكون معاي او اكلمه والحين انا في بيت اهلي وامس طلعت مع زوجي
نتمشى وقلت بروح بيتي اخذ لي ملابس بس ولما دخلت البيت رجع كل شي فيني يؤلمني رجعت ضيقتي وخنقتي حاولت
احط كل شي وبسرعه اطلع حتى وانا اكتب الحين مخنوقه واحس بنفس الالام لما اتكلم عن اللي احس فييه ...
كنت احلم دايماً بأخت زوجي معنى هي بينها وبين زوجي مشاكل واخذت حقها بمحاكم وانجلد زوجي واخوه وهم ماكانوا غلطانين
وكانت تقول للناس انا ماخلصت باقي ابي اخذ حقي ...
ومن تزوجت وانا احلم فيها ودايما تجيني بدون مااطريها لان مالي علاقه فيها ابد
جاتني مره بالحلم تقولي ليش انا انتي الوحيدة اللي احاول اوصل لها ومااقدر اوصلج ؟؟
هذا اول ماتزوجت طبعاا انا ساكنه بشقه فوق بيتهم .. انا ماأذيتهم ولما ابوهم مرض
جبته عندي فوق ولين صار احسن نزلناه وهي ماتكلم ابوها حتى وقلت لكم سالفتهم قبل
اللي حصل اخر شي قبل ماتبين علي هذه العلامات واتعب كذا بنت اختي راكبة الدرج وهي نازله
من الدرج مع اختها وقت المغرب سلمت على بنت اختي الصغيره وتقولها سلمي على خالتك وزوجها
تخيلوا هي ماتكلمنا ولا تكلم زوجي ... وهذا الكلام صار الاربعاء والخميس انا انقلب حاليييييييييييييييييييي
والحين تعبااااااااااااااااانة جداً وماني عارفة وشو قاعد يصير فيني وبنفس الوقت مابي اظن ظن السوء
بس الكل بالعائله يعرف انها تسوي سحور وغير احلامي فيهاااا وغير لما قالت حق بنت اختي توصل سلام
واليوم الثاني انا اتعب كييييف ؟؟؟؟؟؟؟؟؟؟
ومن اسبوعين حلمت فيها(( تقولي سوي لي اكل حق صديقاتي زي كباب كذا شي قلت لها انا مااعرف اسويه
بس بسوي لج مكرونه ورحت ادور المكونات بالمطبخ مالقيت صلصة حمراء اتوقع ناسيه وشو بس كانت
المكونات غير كاملة للمكرونه ورحت لها قلت لها مالقيت وماسويت وسألتها ليش تسوين بزوجي كذا ؟؟
قالت لي بحقد وعصبية وهي رافعه حاجبها وتحرك يدها وتقولي شفتي كل اللي صار اول يوم تزوجتي الى
اليوم وهذا كله مني انا وهي تأشر على نفسها وركبت من الدرج وراحت فوق ))) وهذا اخر حلم حلمت فيها ..
***خالتي حلمت من فترة وقالت لأمي اني مغيرة غرفتي وصرت انام بالغرفة الثانيه بنفس شقتي وسألتني
انو لايكون نايمة هناك عشان في عمل معمول لك بغرفتك هذي (هي نفسها الغرفه اللي ننام فيها واسمع
فيها اصوات الباب والطق والخدش فيه)
***زوجة ولد عم زوجي حلمانه انها شافت زوجي بالشارع جاي مع اخته من بره بالسيياره ووقامت سألته كيف انت مع اختك
من متى قام زوجي وهو منكسر وحرك يده وقالها شسوي مو بإيدي (طبعا هذي اخته نفسها اللي احلم فيها انا)


طبعا بيت اهلي انام احسن بس جسمي تعبان وصدري مكتوم ومخنوقه وقاعده اقرا سورة الفاتحة والمعوذات بالماي
واشربها قبل النوم وبعد النوم وبعد العصرر ؟؟ احس فيي عيوني زي الضباب وماعندي توازن اجي افصخ الجزمة مثلا الله يكرمكم
امسك الجدار احس بطيح فيني شعور داخلي يحررقني اني اترك زوجي احس شي يعورني وكأن يقولي ان اتركيه غصب هو السبب
وانا وياه تزوجنا عن حب وانا احببه ومابي اتررركه وبيتي سويته مثل مااحب من كل النواحي اثاث وديكورات حتى دورات المياه
اخترت كل شي فيها بنفسها وتصميم الشقة كامله تغيرت لما جينا نتزوج انا وزوجي يعني احب بيتي مرره حتى ماودي اطلع منه
ودايما اكون مرتاحة فيه بس الحين صرررت مابي اقعد بهالبيت ولا زوجي وبنفس الوقت مابيه يتركني بس احس اعضاءي تحترق
من دخل بطني صدري رحمي كل شي يحترق فيني داخلياً الم غررريب مااقدر اوصفه
ياناس تعبانة شوروا علي شسوي ....؟؟؟؟؟
وش اللي قاعد يصير في حيااتي
تكفون ادعوا لي ., ونسيت اقولكم بعد ان زوجي يبحث عن راقي كويس
وان شاءلله ان لقى بيجيبونه يقرا علي .. واهلي مانعيني ماروح بيتي خلاص