تكفون علموني وش اسوي مع ها الفاهر

بنات تكفون شورو علي وش اسوي بس ابي اللي ترد ترد بعقلها مو بعواطفها لو بالعاطفه كان قدذبحتها
هذي سلمكم الله زوجت اخو زوجي توها عروس مالها ثلاث اشهر واجتمعت فيها يمكن للحين خمس مرات كل مره الاحظ انها تترز تبي زوجي يشوفها وانا اكبر عقلي واقول يابنت صدفه ماتقصد لين قبل كم يوم خربتها وانا داخله بيت اهل زوجي وهي كانت عندهم الا المره تستقبلني وقبل ماتسلم تطل بالحوش تبي تشوفه قلت يمكن تبي تشوف عيالي معي ولا لا وشوي بعد ماجلسناء والرجال بالمجلس المقابل تقوم تطل عليهم وهالحركه تكررت كذا مره وكنت اقول تنسى ماتقصد الا الطامه الكبرى سلمت عليهم خلاص طالعه ولبست عبايتي ويوم وصلت للحوش دقيت على زوجي اقوله اني طلعت المفروض هي وين تروح تدخل عند زوجها صح ؟؟؟؟
الحبيبه لحقتني للحوش وققفت على الدرج المدخل يوم قرقرع بمفاتيحه وتقرب ويوم قال ياولد هاااه الا الحرمه تجي ترز وجهها جنبي وتوقف على نص رجل ووقتها اخت زوجي الله يسعدها كانت تكلمني بسالفه شافتني ساكته دزتها مع كتفها وسوت نفسها مافهمت قامت دزتها بيدينها الثنتين يعني زوجي الحمدلله والشكر ما يمر الا اللي باخر البيت يدري ياولد ياهيه طريق يعني مالها عذر ابد واللي قاهرني اني ضغطت على نفسي وماحاولت احسسها ان ترززها قاهرني وبنفس الوقت قلت خلها مصير اهل زوجي ينتبهون ويحقرونها بس تكفون قولو لي كيف اصير اتصرف معها
ايه نسيت اقولكم يوم طلعت بالسياره انفجرت على زوجي مرت اخوك ماتستحي تعبت وانا اعذر لها قالي هي وش تبي لاحقتك بالحوش انتي مكلمتني تقولين اني خلاص طلعت وهي عندك ليش قلت والله اني ماكانت عندي جت باسلوب وقاحه حرمه ودعتكم وطلعت علي عبايتي خالصه وجت وراي بشوي اخت زوجي هي وش تبي يعني عارفه ان بما اني طلعت اكيد زوجي بيطلع علموني كيف اتصرف شكلها حالفه الا يشوفها زوجي المشكله الحمدلله مافيه مجال للمقارنه بيني انا وهي انا الحمدلله بشهادة الكل جميله لاتقولون مغروره بالعكس انا وحده ثقتي بنفسي صفر عشان كذا كتبت لكم وش السواه
ايه زوجي يقول ان ارتزت بوجهي ابنزرها بقول بصوت عالي خير ماتسمعون وين غطاويكم يقول عشان تفشل