تكفون فديتكم ياهل الخير

تكفون فديتكم ياهل الخير .. فديتكم ياللي بقى عندكم ذرات عقل تستطيعون بها حل الامور وفك الغاز القصص المؤلمة .
اخووي بعد قلبي من عرفنا بعض على هالدنيا وماعشنا يوم واحد وأيا بعض ,, مشتتين لان الرابط بيني وبينه أمي الله يطوول بعمرها .. حبيباتي فديتكم لاتتجاهلون موضوعي ارجوكم ردودا لو بحل بسيط يمكن هالحل يحل مشكلة من 20 سنة . أمي الله يهداها ويخليها لنا ويطول بعمرها . مااستقرت من عرفتها .. تزوجت اكثير .. وماعندها الا 3 انا واخوي اللي اصغر مني بسنة وشوي الله يخليه لي حبيبي ويكون بعوونه واخوي النونو . اهي شتتنا . الله يسامحها . وتزوجت ومافكرت فينا ربيت انا وايا ابوي . اما اخوي ربا وايا ابووه ومات ابوه واهو صغير وتولت تربيته (خالته= زوجة ابوه) اتعذب كثير .
اهو يفكر كثير و يبي يضم امي ببيت ويستقل .. امي توها اتفكر فيه من اول مستقله بروجها حتى عني وانا اسلوبي واياها رزين . اخوي اسلوبه لطيف لكن ساعات يفقد صوابه وتضيق به الدنيا . انا حالتي مثل حالة اخوي لكن ابوي وخواني مب مقصرين واياي .. اهو الحين يعتبر مسؤل عن بيتين بيت اخوانه وابوه .. وامي واخوي النونو . اهو تقطع قلبه على امي ويكابر يضني مااعرف او ماعرفت حتى من نبرات صووته .. مشاكله بالبيت اللي ربى فيه سببت له عقد من الكل .. حتى مني ورب الكون . مايكلم ولايرد على جوالات .. بس يبي شيء واحد يبي امي وبس .. وامي تبيه لكن امي قاسية اشوي حتى علي . يالله اشقد مشتاقه له .. ياحلو صوته ولطافة اسلووبه .. يابنات لاتلومني عن جد حاسده نفسي على هالاخ بس باين انه مجرووح حيل وحساااس . فكرت اكثير لكن ماادري اشلون اساعده او يساعد نفسه .. وماابي اتدخل وافقده رجولته .. اهو يتحسس من كل هالامور . لكن مابيده شيء اهو توه دخل الجامعة وطموح ويبي يكمل دراسته .. انا عن نفسي مب راضية ابيه يتوظف ويفتح بيت لامي ويهنا واياه ويمكن اعيش واياهم لو ماتزوجت قريب . او اكمل ببيت ابوي انا مرتاحه .. بس اهووو وربي حارمني صوته .
تعقد من امي .. لمن قرر مره يزورها قالت له لا انا راح اجي لمك بالرياض . قال اجل القاك بالرياض قالت لاشغلتي سريعة . قالي هالسالفة واهوو جدا متاثر . مشتاق الها ويبي يبر فيها بس مب عارف يوصلها . واهي تتقلب ومزاجيه ونفسيتها مو اوكي دائما .. لكنها اتحبه واهوو بدا يشك لدرجه انه يسالني اسئلة غريبة .. صحيح ماعاش واياه لكن مثل حنانه ماشفت يبي يبر امي وامي مشغوله عنه .. بالاخير امي تطلقت وعاشت وايا خالتي . واهي من ساعتها تكلمه تبيه يفتح بيت .. واهو وضعه المادي محدود واهله مايتركونه يفكر بهالامور .
فديتكن يابنااااااااااااات الله يخليكم لعيون ترجيكم وربي شتااااات وحالة صعبة . اهووو متعب روحه كثير حتى بدراسته ومن فترة طويلة ماعاد يكلم امي .

الله لايحرمكم من بعض ويجمعكم باللي تحبوووون . ابي حل لو واحد بس .