تكفون قولولي انا غبيه وهبلا ولا هو متنح ومايحس!!!!!!!!!

السلام عليكم ورحمة الله

شلونكم حبوبات وش اخباركم بصراحه بادخل في الموضوع بسرعه وانا احس اني بانطققققققق

المهم السالفه ومافيها كان زوجي مسافر كم يوم بصراحه كانت فرصه اني استغل

هاليومين لتجديد الاجواء بينا ووصل بحفظ الله ورعايته وكنت مجهزتله احلى وجبه واحلى

كيكه بدون اي مبالغه والله وكنت كاتبه عليها الحمدلله على السلامه هذا غير

لبسي وماكياجي ماراح اشرح كثير لكن اعتقد ان اغلبكم يعرف هالحركات

ماانكر انه وصل كان مشتاق وكان يكلمني عن المدينه اللي راح لها ويقولي عن الحلات اللي زاروها

وبعض المعالم السياحيه اللي زارها مع العلم انها كانت مهمة عمل بس استانس

وجاب معاه هديه لي ولعيالي000000

المهم طلبت منه سفريه حلوه لنا كتعويض وكان طلبي مدينه قريبه حيل منا

رد علي يقول كل شي في وقته حلوا طيب شلون قال زي ماقلتلك اذا لقينا فرصه مافي اشكال

الحين هو ماقال لا بس المفروض يقول ابشروا اوديكم اعوضكم اسويلكم من هالكلام اللي يحسسني اني

مهمه عنده طلبت طلب ثاني طيب خلنا نطلع شوي الحين لنا اسبوع محكورين في البيت

لانه كان مسافر قال لا مافيني حيل والوقت متاخر طبعا مافيه حيل لنا لكن للاستراحه فيه حيل

لبس وطلع لاصحابه في نفس اليوم اللي وصل فيه واحنا منطقين في البيت لاروحه ولاجيه مع العلم

ان بكره اجازه له بالله وش اسوي مع هالزوج الغير مبالي وربي انقهرت

ادري ماصار شي كبير بس هذا يبين اهميتنا عنده صح جاوبوني تكفون ولاتطنشون

واسفه عالاطاله