ربي يسعد كل من ردت واهتمت وعطتني من وقتها
يارب يرزقكم ويريحكم دنيا واخره ويحفظ لكم اهلكم وكل غالي
ويرزقكم الجنه

دلوعه النفيعي
صدقيني انا احب امي بشكل ماتتصورينه ولااقدر ازعلها برغم كل اللي تسويه
انا ماازعل واحيان ازعل زوجي عشانها رضاها عندي بالدنيا صدقيني بكيت قدامها بدل المره الف
وماطلعت مني الاكلمه واحده خلاص ياامي تعبت مااقولك تحن علي بس ترجع تقسى لانها ماتطيق زوجي ابدااا بس ربي يسهلها ان شاءالله ومشكوره من كل قلبي على نصيحتك تاج على اسي والله وربي يرزقك من فضله

لا تشكي لي ابكي لك والله انا بزودي تغيرت علاقتي بامي ميه وثمانين درجه اللي بينا صار زي اللي انا اعرف وش بداخلها وهي تعرف وش اللي بداخلي تعبت اقسم بالله ونفسيتي زفتت المشكله اني مالي الا الله ثم اهم بس وش اسوي حياتي منقهره من ها العيشه والله اشياء كثيره تتعبني وانا اتحمل واصبر وافضفض بالبكي دايم والله تعبت والله تعبت حامل وبعيالي وزوجي ماقصر وياهم وقف وقفة الولد مع اهله وماش والله اشوف الدنيا غاليه عليهم وبزود بعد افكر الحين وش الوحده راحتها الا ببيت زوجها والله انه العز لو يذلك والاهل بصراحه خلاص خلك واصله معهم وبري بوالديك وبس اكثر من كذا خلاص اللي مستقره ببيتها افضل كثير من اللي جالسه عند اهلها ليش عشان ايش عشان والله الزوج مسافر برا يدرس وش ها الحاله ياربي والله نفسيتي زفت من اشياء كثيره في حياتي اشينها موقف اهلي وامي الله يهديها تشيل في قلبها ماتنسى بسهوله
وتفهم غلط بعض الحيان غير مشاكل العيال والله اني بهم وانتي بهم يوازي همي لا تكونين كبش فدا للضروف خلك قويه وسوي اللي تبينه وامك فهميها هذا زوجي ولا اقدر اخالف رايه ابدن مهوب نافعك الا اهو خاصه اذا كان طيب معك مو العكس
الله يسخر لي ولك قولي امين يارب العالمين

الله يسعدك يارب لكن في نقطة لازم نفهمها انننا كمتزوجات اذا تعارض بر الام مع طاعة الزوج فطاعة الزوج هي الاولى وهذا الشرع,مثلا في حالتك امك تطلب وزوجك مايلبي وهي اشياء ثانوية , طبعا الحق مع زوجك ويجب تدافعي عنه وفهمي امك ان هذا الشي ربي امر فيه," طبعا لازم اسلوبك يكون لبق معاها" اما مسألة اهلك مخلينك الكره اللي يلاعبون فيها زوجك ويبونك تسمين على ابوك قبل ابوه معليش هذا تحدي لزوجك واهله من قبل اهلك انت كوني ذكية واكسبي اهلك وقولي لهم انا مقتنعة ان التسمية من حق زوجي هو اللي يسمي انا ما اقدر اتدخل.

خيال الله يفرجها عليك يالغاليه
ليان نجد كلامك عين العقل وربي يحل العقده من لساني واقدر اتكلم
ربي يسعدكم دنيا واخره