تكفون لا تتخللون عني وربي تعبانه

السلام عليكم

بصراحه ما ادري يمكن تقولو مشكلتك تافهه بس والله ازمتني والله اني اكتب وانا ابكي بموت من الهم

شوفوا اش صارلي انا معلمه في مرحله ابتدائي مع ان مدرستي بعيده عني بس عمري ما طلبت نقل جالسه فيها لاني مرتاحه بجدولي والحمد لله

بس اليوم صارلي شي هزني ودمر نفسيتي

انا من اول ما جيت ها المدرسه وانا شايله اشغال مو لي يعني معلمه واساعد الاداريات باعمال اداريه وانا مبسوطه مو متضايقه لاني احب العمل وما احب اجلس كثير بغرفه المعلمات احب اشغل نفسي علشان ما تكثر الغيبه
المهم السنه هذي رحمتني المديره وقالت خلاص ما بعطيك 22 حصه زي العاده انتي تتعبين اكثر وحده بعطيك 10 حصص وتشيلين عمل اداري معها انبسطت وقلت خلاص ان شاء الله انهم حسو فيني وبتنفرج

وبدا االاسبوع الاول وتعبت تعب معى تسليم الكتب ومع الاسبوع التمهيدي حق سنه اولى ومع ذلك مبسوطه والله لو اقلكم اني من الساعه 7 وانا واقفه على رجل لحد الساعه 12 والله ما اجلس ورتبت الشغل ونظمته علشان ارتاح

وانصدم اليوم تجيني المديره بخبر وربي طيحني لان عندي السكر ودخت عليهم
تدرون بعد تعبيي وتنظيمي للعمل قالتلي فيه منهج متوقف وهو تخصصك وما نقدر نعطي الا انتي لان ما فيه احد وافق فراح نشيل منك العمل ونسنده لوحده ثانيه وانتي تاخذين 24 حصه و3 مناهج مختلفه ورياده فصل والثانيه بتاخذ كل شي جاهز ومجهز المهم رفضت وقلتلهم كل سنه كذا تمرمطوني بالجدول وانا ساكته لكن المره هذي ماني بساكته وثرت طحت ارتفع علي السكر المهم جلست لين الرابعه ويوم هديت جتني المديره وقالت ما فيه الا هذا الشيء وهذا الموجهه اللي قالته وسلمتلي المنهج وانا اول مره ادرسه وبيصير عندي 3 موجهات يحضرونلي والله اني منهاره الله لا يسامحهم

اخواتي تكفون لاتنسوني ادعولي ما يصبح صباحه الا وينفرج همي

تكفون ادعولي ادعولي لا تنسوني وربي محتاجتكم