باقلك وايش صار معي بالضبط

كنت نفاس ودخلت غرفتي بالصدفه وشفته يخبي الجوال وعصفت بي الدنيا عصصصصصصصصصصصف

وما نمت واضرب اخماس باسداس

عطيت اختي الرقم ودقت عليها وكانت تسولف مع اختي واختي الثاني فاتحه السبيكر وكنت اسمعهم

قسم بالله اني طحت من طوووووووولي ما صدقت

وسكت الين جاء مره من برى البيت ودق جواله وهو كان ياخذ دش

اخذ ولدي جواله وفك الخط وكنت اسمعها تكلمه اخذت الجوال وكلمتها وقفلت بوجهي


انتظرت الين نامو عيالي وانا على نار موقده

وبدا حوار بيننا ساخن جدا وعلى قولتك مشاعر مختلطه

الومه وعاتبه واهدده وهو في البدايه انكر بس انا نشرت غسيله

بالاخر اعتذر مني وحلف انها تطفل منه

وراح اليوم الثاني وجاب لي هديه عطر واسورة ذهب ويمين الله باقي زي ماهي

مع ان الموضوع طاف عليه سنه و4 اشهرر

رجع كل شيء بيتي واستقرار بعد سنه

لكن انااااااااا تعبت كثير خاصه اني ما علمت احد

واشك فيه كثير وثقتي انعدمت فيه


اتنمى شيء واحد بس ان انسى لحظه دخولي الغرفه وهو يخبي الجوال مني

عسى الله يفرج همك وعليك بالاستغفار والصلاه اخر الليل

ودعي لنفسك ان الله يربط على قلبك

حبيبتي انا سجلت بالمنتدى عشان بس ارد على مشكلتك واعرضلك ولغيرك تجربتي:
انا كان زوجي يعشقني كان ينهار ويبكي لمل لزعل لو اصحيه اخر الليل واقول له جيب لي كذا يقوم ويجيبه وهو يضحك وكان وكان وكان اشياء ماكنت اتخيل رجال يسويها لزوجته كنت عايشه بروايه رومانسيه كلها عشق في عشق.
وخانني عيشني سنتين اهمال وشك مايجي البيت عايشه بوحده انا وطفلي ما اطلع ولا اروح ولا يشتري لي ولا يصرف على يجي البيت يشكي لي من مشاكله بالدوام ويقول لي همزيني ظهري يوجعني.كل يوم وانا ادلك بظهره لحد ما ينام .ما يجي البيت الا عشان ينام .مايطالع بوجهي يخليني انام جنبه ع السرير ولا كاني موجوده.يتشيك ويتعطر و يسرح شعره ويطلع.يمسك يدي بالسياره ويشغل موسيقى. والفرحه والسعاده ماليه عيونه واقول له : انا ماني شايفه نفسي بعيونك.
اااااه لما اتذكر.
كنت كل دقيقه بحياتي افكر فيه لدرجة اني الحين فهمت اني اشركت بربي لما عشقته كل ذاك العشق كنت الهج بكل كلام العشق والحب فيه وبروعته ورومانسيته.وليش هو مهملني وبعيد عني.
وفي يوم ....رن التلفون والاستاذ نايم تجرأة لاول مره بحياتي ورديت النغمه عود ا(اجمل احساس بالكون انك تعشق بجنون ودا حالي معاك) وترد على مغربيه الوووووووووههههههههههه
انهبلت انجنيت اقتحمت الغرفه ورميت التلفون بوجهه :وصرخت قوم رد من هذي. تلخبط مسوي نعسان مين مين؟؟
طبعا ميردون الحيوانات يخلونك ميته منهاره زي القتيله . مادري اش اقول بختصر
طرخت طلقني تشابك بالايدي اصرخ اضربه اتفل بوجهه .... وتحت الحاحي يطلقني ووجهه كل فشيله وعار وخزي وجهه طايح بالارض .
فاقد العفه.
صارت احداث وتم الاصلاح بيننا على يد اخوي الله لايحرمني منه لان ابوي متوفي
هو كان عند دوره برا وسافر ثاني يوم بعد الصلح.
مريت بمرحلة انهيار واصلت بمستشار اجتماعي :قلي اسالي نفسك اش قصرتي فيه؟ هذا الى كنت ما اوقعه هو يخونني و ... وحضرت المستشار : يقول: ااااااخ يقول يمكن لبسك يمكن ما تهتمين بنفسك كيف غرفة النوم اش فيه تحت السرير
انا :ماكان مصدق اني رضيت فيه,كان الكل بعيلته حتى الاطفال ماينزلزن عيونهم من وجهي .اغير لبسي اكثر من مره باليوم.
الجنس حدث ولا حرج مبدعه بشهادته.
بحثت بالنت عن دعم نفسي كل المنتديات العربيه تلوم المرأه انها هي السبب وان لازم يكون ناقصه شي بالبيت.
كرهتهم حسيت انهم اغبياء .بحثت بالمنتديات الانجليزيه ولقيت موقع يوفر ايميلات كلها دعم نفسي للاشخاص الى تعرضو للخيانه.
رفعت روحي المعنويه فهمتني ان الرجل لايخون لانه لايحصل على مايشبعه بل لانه
يحب ان يشم رائحه العطر على جسد امرأه اخري يريد ان يسمع احبك من صوت غير صوتك ,يريد الاعجاب من عيون اخري غير عينيك . انت يو ار تايكن فور قرانتيدtaken forgranted يعني مفروغ منك .خلاص بالقفص .خلاص تحبينه. لانه دنجوان رائع . وسيم مع انه يجيب العله بس الحب اعمى. وطبعا البنت العفيفه مثلنا زوجها اول رجال بحياتها اكيد بتحبه.
مريت بمراحل انكار وعدم تصديق ,كره وحقد ودعيت دعيت دعيت عليه لحد ماقلت بس فقدت عشره كيلو من وزني بسبت الهم والغم .دعيت ان ربي يحرق قلبه زي ما حرق قلبي . ذلني حسسني اني ما ني انثى .
واكتشفت انها ماهي الوحيده هو قال لي .يقطع مئات الكيلومترات عشان يقابل بنات الحرام ويطلعهم بس: والله ماقربتهم ولا لمستهم:على مين؟ على مين انا ما عدت الغبيه الى كنت تعرفها.
ماعاد يهمني الحين لو لحسهم من روسهم لرجليهم لانه كفو بنات الحرام لان الطيور على اشكالها تقه لانه فاقد الشرف والعفه
الحين مرت اربع سنوات من اكتشفت خيانته وانا ماني قادره انسى وموضوعك حرقني عيشني الذكريات من جديد . طبعا هو خلال هذي السنين حاول يعوضني وينسيني وما يطلع من البيت . بس ما اثق فيه وطلع كلامي بمحله . ذيل الكلب اعوج
الكلاب يحبو الحريم
تدرين حسيت اني لازم انتقم منه بنفس الى سواه في وخنته تعرفت على رجال بالنت ومضيت شهور اتكلم معاهم. ومليت لاني عفيفه ما اقدر اكمل انا ماني كذ واهلى وشرف اخوي مايستاهل
بطلت وتركت النت .رجعت لاطغالى الى فقدوني ومادري عنهم لاني غرقانة بالذل .
اش استفدت من الخيانه مايدري عشان ينذل وتطيح كرامته. ندمت وحسيت اني قذره وحقير ه وكان هذا اول ذنب ارتكبته بحياتي
ذولا الخونه ما يستاهلون يتزوجون بنات الناس الشرفا ما يليقلهم الابنات الحرام وبنات الشوارع شوفو لايش وصلني مستحيييل مستحيل يصدق احد من اهلى حتى لو شافوني مستحيل يصدقون اني اكلم رجال بالشات .انا واخواتي بنظر جميع شباب ورجال عيلتنا طاهرات.انا قلت له انا خنتك ما صدق قعد يضحك .
الله يغفر لي الله قال ( الزاني لاينكح الا زانيه او مشركه..) الله قال كذا.
كم هوشه ومناقره وذكريات اليمه حصلت كم مره نتطلق ونرجع لبعض لاني احبه واحب اطفالي لانهم حياتي وكل شي لي.
الحين ما باقي لنا اي طلقه .
امضيت فتره اراقب جواله وايميلاته ومره خبى عني ان له ايميل وسرقت ايميله .
بعدين ملييييت
قلت بستين دهيه.
يقول يحبني بيضيع لو تركته؟؟
فهمت ان الى حصل لي كان لاني حبيته اكثر من ربي.
انا الحين احب ربي هو بيجيبه لي هو بيخليه يعشقني وما يقدر يعيش من دوني هو الى بيطيحه عند رجلي.
الاستغفار وذكر الله والبقره
ابدأي صفحه جديده بحياتك زي ما سويت انا لاتخليه كل حياتك خليه جزء منها ثقفي نفسك حبيها لانك جميله وانثى . انتي طاهره ورائعه انتي فوقه واكبر منه
هو الان صغير جدا امامك وامام نفسه لا يغرك الصوره الى هو راسمها انا بحثت ومازلت ابحث عن اسباب الخيانه بالمواقع الاجنبيه لمدة اربع سنوات انا عندي ذخيره من المعلومات .اسالي الى تبغيه وانا معاك
في يوم راح تستعيدي قونك وصلابتك وتقومي قويه واثقه من نفسك وراح تحسي انك شريفه وانك انثى .
انتى واضح انك حكيمه ربيه واقعدي فتره عند اهلك ماراح يسرقوه منك بيمل منهم لانهم غبيات رخيصات وكثير من الاحيان قبيحات اساليني انا انا هنا لادعمك
انا الان قويه واشعر بانوثتي وجمالي.
هو اكيد متاثر من تجارب اصدقاءه عديمين العفه.

ياختي خلية يجي يتفاهم معاكي في بيت اهلك انت وهو وبس وقولي له اذا تبغاني ارجع معاك هذا كتاب الله تحلف وتعاهدني بالله ماعاد تعيده ولا تخونني وحلفية بصحتة وعافيتة والله راح يخاف هذا راي وان شاء الله يكون لكي حل

حبيبتي انا مش مع انه يكلمها قدامك لان خلاص الموضوع مفروض انه انتهى وليه تعورين قلبك تسمعينه وهو يكلمها يعني تبين يتمادى بخيانته لك قدامك خلاص اللي صار صار ولا هي مهمه التفاصيل بالعكس هو اعتذر و ان شاء الله انه تاب ووله تعب القلب و ليه تحرجين نفسك قبله يعني وش الفايده انتهى ارجعي بيتك و انتبهي علميه انه تحت المجهر هذي صفحه و انطوت لا تفتحين على نفسك باب ولا تنزفين الجرح يعني هو شاريك اهم شي الحين يغير جواله طول مانتي بعيده عنه معناته تعطينه فرصه انه يتكلم معاها قلنا لك يابنت الحلال ارجعي بيتك برضاوه الرضاوه مش معناته انه خانك بهديه لا هي جبر خاطر ونوع من عزتك ياغاليه تذكري الايام الحلوه و تذكري انك قصرتي في يوم و عذرك بيتك جنتك لا تخلين غيرك يتهنى فيها و لا تنسين ترى كثر الزعل يولد الجفا و زي ماقالت وحده من الخوات عززي ثقتك بنفسك و ارضي ربك و ربي بيسخره لك غصب عنه بس انتي هدي الامور خان تاب اعتذر انتهى ماراح اخرب بيتي ولا كلشوي اذكره ان شاء الله انتي عاقله وفاهمه و في النهايه انتي ادرى مننا بوضعك و الانسان ضعيف و ربي يغفر الذنب الله يصلحه لك يارب غصب عنه و حميك و يحميه من عيال الحرام
يارب ان يوفقك و يريح بالك يارب

انتبهي تقولين له كلمها قدامي وهاوشها احس ابد ما لها داعي واذا انتي مصره انك تبين تبردين قلبك كلميها قدامه وهزئيها احسن لان زوجك اذا يحبك بجد اكيد انه ماكلمها بعدك وحس بغلطته بعدين انا معك انك ما تطلبين رضاوه لان بكذا يتهاون بيقول بس كل ما زعلت راضيتها وانتهى الا مر بعدين اذا رجعتي له خلك رسميه بس مو قويه ومتنرفزه تصدقين انه ماينرفز ازواجنا الا عصبيتنا ما نعرف نمسك اعصابنا ونكتم على اتفه الا سباب اتمنى امسك اعصابي بس ما اقدر انا اعرف لك وحده طول وقتها تضحك وتكركر ومطنشه تشوفين زوجها طاير بها ومراعي خاطرها ؛خلاص توكلي على ربك وادعي انه يساعدك بعدين كلميه وتنا قشي معه في التلفون او برى في مطعم اهم شي اذا رحتي البيت لا تجيبين طاري للموضوع حاولي تطلعين انتي واياه تقضوا للبيت اغراض او اي شي زوري اهله سافري والله يسخره لك وادعي ربي يسخر لي زوجي