تكفون لا تفشلوني .........انتظر ردودكم.......الله يفرجها على كل وحده ترد

السلام عليكم / هذي وحده من زميلاتي تعمل مستخدمه في مدرستنا وهي ظروفها صعبه وتبغى تفتح محل بسوق نسائي محل ملابس اطفال ولادي وبناتي ولا بقى على فتح السوق الا اسبوعين وتبغى تجهز للمحل من ديكور وبضاعه وهي مسكينه ماتعرف شي بالنت ولا لها خبره بها المجال وطلبت مني اساعدها بس للأسف انا ماعندي اي خبره
تكفون وين مكان تجهيز المحلات والديكور بالرياض والا اذا كان احد يبيع اشياء مستعمله للمحلات من تجهيزات دلوني عليه عشان يطيح عنها نص السعر لأن محلها كله ديون
وبعدين وين تحصل بضاعه لمحلها تكون نظيفه وراقيه وبأسعار معقوله بالرياض يعني بضاعه بالجمله 0 الرجاء كتابه اسم المحل والوصف)
واللي عندها أي معلومه ممكن تفيدها لاتبخل عليها والله في عون العبد ماكان العبد في عون أخيه
ساعدوها الله يفرجها عليكم لأنها ظروفها صعبه محتاجه وتبغى احد يساعدها وانا ماعندي خبره بهاالمجال وقلت مالي الا الله ثم بنات حواء النشميات
أنتظر ردودكم