تكفون مين جاها مرض الوسواس وتعالجت تدخل ضروري

اختي
سبق ورديت عليك وذكرت لك كم نقطة لكن انتِ ماعندك استعداد للتغيير
مافي شيء يروح بيوم وليلة
ابدئي خطوة خطوة
الوسواس أساسه الشيطان .. انتش من تكسريه وتدحريه
انتِ تحتاجي لارادة وعزيمة مو ضعف واستسلام
انتِ تقدري تغيري باذن الله
بس قوي نفسك ووكلي امرك للي خلقك
وانا معك بكل خطوة راح أكون بجانبك واشد بايدك
ابدئي لو بخطوة بسيطة
كثفي الجانب الايماني عندك ضروري
عندك أمور كثيرة وطرق
أولها يكون لك صحبة صالحة حتى لو غير متواجدات المنتدى مليئ بالتجمعات باخوات في الله
تابعي برامج ومحاضرت تهتم بهذا الجانب
اجعلي لك ورد
اذا انتِ ماتقدري تمسكي المصحف فهذا معناه ان الشيطان مسيطر عليك والمس
خليك قوية وقولي انا اقدر وراح اعمل واجتهد
معليش حبيبتي حتى لو حسيتي بتعب تحملي
بس انتِ اعزمي النية وابدئي
وحاولي تتابعي مع دكتور نفسي قد يساعدك ولو اني اشوف الجانب الايماني ضعيف
لا تستسلمي يالغالية


عندي سؤال ..
ممكن اعرف متى بدأ معك موضوع وسوسة الالحاد وايش كان السبب ؟ حتى اعرف سبب المشكلة من أساسها


اسال الله لك التوفيق وانشراح الصدر

اول شي شككراً على ردك وأنا سبق وشكرت اللي ردو علي بموضوعي السابق بس أنا أبي اللي مجربين لأنهم حاسين باللي قلته انتي الحين تقولين ماعندك أراده إيمانك ضعيف وش سبب مرضك باين من كلامك انك ماجربتيه واسأل الله انك ماتجربينه لان اللي جربه فاهم كلامي أني ماقدر بجد أنا ماقدر مو مسالة أراده بس كيف أسوي وانا قلبي كله وساوس وشكوك تداهمني ماحس أني أسوي عباده ثانيا الوسواس مو مسالة ضعف ناس كانو متدينين وجاهم وسواس الحاد ثانيا أنا ماكتبت إلا لما حاولت بس الحالة تزيد ماقدر صدقيني ماراح يحس بكلامي إلا اللي مجرب الوسواس وحاس بالمعاناة ومشكورة على مساعدتك وجزاك الله خير مابغى إلا دعواتك والله

وإذا تعرفين ملتقى لهم عطيني الرابط الله يسعدك يمكن نستفيد لأني شفت بس قديم

أنا أصبت بالوسواس في جوانب كثيرة وكلهادينيه
الصلاة والطهارة والصوم القرآن
تعذبت كثير و كنت اسمع بس طنشي و لكن ماكنت اطنش
كنت استرسل مع كل شي لحد مافقدت السيطرة وتشتت حياتي
الحين أحسن لكن ماشفيت نهائيا
صدقيني انهم صادقين التطنيش هذا من العلاج
بعدين ليش ماتبغين تتعالجين نفسيا إذا حولك ناس قالوا لك آثارقويه و مابيفيدك
ماعليك منهم لأن اللي رجله بالنار مو مثل اللي بالما و النارماتحرق الا رجل واطيها
روحي تعالجي و مع الوقت بيتحسن وضعك أنالولقيت احد يوديني من اول مامرضت
كان ماترددت لحظه لكن قعدت لين ماتغلغل الوسواس بكل حياتي و قلبها
تعالجي ياأختي و ادعي بالشفاء و تري الناس وحتى أهالينا اللي هم أقرب الناس لنا
ماحسوا ولا دروا بإش حسينا
دموعك و حرقتك و سهرك و قلقك عشتها ولازلت أعيشها و ابكي لأتفه الأسباب
و لو عندي قدرة اراجع واتعالج ماترددت تعالجي الله خلق الدواء لكل داء
وكلام الناس عن الأمراض النفسيه مابيتغير ناس كثير تعالجت و نفعها العلاج
وعلى فكرة اكتشفت مؤخرا إن العين والحسد لها دخل في مرضي وللأسف للآن مااعندي
همه استمر على الرقيه
يمكن اكون أفدتك و يمكن لا بس أنا مثلك أعيش دوامه ما أعرف كيف اوصفها
و اكتب لك ودمعتي في عيني

شككراً لك على الرد أنا مثلك محد وداني محد صدقني وإلا كان ماتغلغل فيني ، مدري بس اكثرها تسبب ضعف بالجهاز التناسلي يعني تأثر وتبتلين عليها حتى لو تشافيتي كم سنه عشان ما يرجع لك ، طيب وسواس الصلاة الحاد ؟