اولا: مستغربه من ستايل المنتدى بنات وش رأيكم انتم مثلي المنتدى صار ستايله ملخبط مو زي اول
ثانيا :حبيت استشيركم بحكم خبرتكم بأمور الحياة فأرجوا منكم النصيحه
اختي عمرها 28سنه موظفه بالجامعه عندها ماجستير وعلى مرتبه عاليه
تقدم لخطبتها شخص عمره 34سنه مطلق واختى بكر
موظف بوزارة الداخليه عنده ثانوي وبعدها اخذ دبلوم
طلق زوجته الأولى بعد زواجه منها بشهرين فقط ثم جلس ماتزوج 3سنوات
بسبب موت ابوه وظروف حصلت لهم اخرت تفكيره بالزواج وسبب طلاقه يقول كانت تطلع بدون اذني للأسواق وغيره
اختي محتاره مرررره هل توافق او لا
خصوصا ان فيه كثير من جماعتنا خطبوها وكانت ترفض وهم شباب لسى ما تزوجوا وبالنهايه وافقت على شخص وخطبها سنه ثم قال لأخوي الله يعطي بنتكم النصيب الطيب بدون سبب بعد مده اكتشفنا ان السبب وهو انه كان يكلم بنت وتعلق فيها واللهم له الحمد ان اختي ما ارتبطت بشخص له علاقات وهذي رحمة من ربي
اختي اللحين محتاره تقول اوافق او لا لأنها كانت تبي شخص يقهر كل العالم بمواصفاته مو يقولون الناس صامت صامت ثم افطرت على مطلق والله هذا خوفها
تبي رأئكم بالله عليكم اعتبروا نفسكم مكانها وقولوا رأيكم
وكل وحده متزوجه شخص كان مطلق بدون اعيال تقول تجربتها
خليه تستخير ولا ناخذ من كلام الناس ترى العمر يركض