تكفون هل اللوز تسبب هالاستفراغ

لاحول ولا قوة الا بالله
اختي طيب وش قالوا الاطباء ؟ ما قرروا له عملية لوز ؟
اذا قرروا له انصحك سويها لانها بدال ما تكون خط دفاع للجسم تتحول لخط هجوم ومو كل انسان يستفيد منها
اذا طفلك يفهم وفوق ال3 سنوات سوي له منقوع كسرة مر مع كمون وملح وليمون
وخليه يتغرغر منها قبل ينام واول ما يصحى وعادي لو يتغرغر بنص اليوم
غرغرة فقط

ولدي عمره اربع سنوات ونص ومقررين له عمليه بس كل مره تتاجل علشان الزكام والحرارة 

الله يشفيه ويرفع عنه

من شده اللوز يستفرغ ياعمري الله يشفيه ويعافيه
انا ولدي كذا ومن شدتها قام يستفرغ لان الصديد ينزل فيستفرغه

اللوز يجي معها استفراغ احيانا بسبب بلع الشخص للصديد وتخلص الجسم منه لأن كله بكتيريا ضارة .. او يتخلص منها عن طريق الاسهال .

وأحيانا يكون سبب الاستفراغ هو الدوخه بسبب التهاب الاذن ايضا اذا كانت اذنه ملتهبه مع الحلق .

الله يشفيه ويخليه لك .. مانقدر نفيدك بحالة ولدك مثل الطبيب لأنه يكشف عليه بنفسه .

بعض الحالات تستدعي جراحه وبعضها لأ تتشافى وتتحسن مع الوقت وكلما كبر الطفل .. لكن بشكل عام اذا ولدك تلتهب عليه اللوز اكثر من 6 مرات بالسنه الافضل يقرر لها ازالة .

الله يسهل عليكم .