بأدخل في الموضوع على طول أنا بنت باقي ماتزوجت عمري 30 جامعية الحمدلله مو ناقصني لا بشكلي ولا بجسمي شي عشرتي حلوة مع الناس بس مؤمنة أن نصيبي باقي ماجاء خواتي اللي أصغر مني كلهم تزوجوا واتمنى لهم السعادة قبل اسبوع كلمتني وحدة من صديقاتي وطلبت رقم أمي تقول في واحد من جيرانهم أهلها يعرفونه زين قبيلي وملتزم وأخلاق وكل أهل الحي يعرفونه بالطيب وماسبق له الزواج عمره قريب مني وموظف بأرامكو ومايبي زواج الاقارب ....
أنا يوم كلمتني فرحت كثير المهم أعطيتها رقم الوالدة بعد ماشاورتها وهي بعد فرحت ........وبالفعل كلموا أمي ويوم جت تستفسر عن بعض المعلومات طلع إنه من منطقة ماتناسب أهلي مع أن مافيه أي عيب وانا استخرت ومرتاحة له كثير لكن المشكلة في اهلي مادري ليه هالعصبية القبلية مع إنه كان عاجبهم من قبل انا الحين متضايقة حيل ومصدومة من أهلي ليه يوقفوا بطريق سعادتي ليه يحرموني من غريزة فيني وهم شايفيني موصغيرة اخواتي عيالهم حوليهم الله يحفظهم ماابي اكون حساسة كثير بس احس خلاص فرصة وجات لي ليه اردها والله صاكة فيني الدنيا وفيني ضيقة موطبيعية الدين يقول اذا اتاكم من ترضون دينه وخلقه زوجوه واهلي مو هامهم أنا اقدر أثر في امي لكن تقولي وبعدين عيالك اش يطلعون ,,,,,, وهو الرجال مابه اي شي في نسبة اللهم انه من منطقة اهلي مستحقرينها ,,,,,,,,كلامي ملخبط ومو مرتب لكن والله من حر مافيني
احساس الحلم @ahsas_alhlm
عضوة جديدة
يلزم عليك تسجيل الدخول أولًا لكتابة تعليق.
المدرسة الفرنسية
•
والله يرزقك بالرجل صالح ويرزقني ويرزق جميييع بنات المسلمين
كيف عيالك ويش يطلعوا ؟؟؟ سبحان الله .. حبيبتي قولي لامك بعد 30 سنة من الحين عيال اختي وعيال اخوي مارح ينفعوني عيالي هم اللي ينفعوني .. اثري في امك قولي لها انك مانتي صغيرة وقبل كل شي استخيري بس الاستحقار حرام ولا يجوز بعدين قولي لامك ارتاحي يا امي انا مراة ونسلي ينقطع يعني يا حبيبتي ثلاثة اجيال وعيالك وعيال اختك يدوب يصيروا مجرد قرابة من بعيد .. نسل الحريم غير الرجال . استخيري بس بعدين رجل خلوق وموظف بارامكوا روحي اسعدي حياتك بس وعيش بهناء وبدلال . ماشاءالله .
وتذكري اذا ماتزوجته ماكان لك من الاول . يعني انتي قولي لنفسك ولعقلك الباطني لو لي الله بيرزقني فيه والله لو ايش ولو مو لي لو قبيلتك وطوايفك كلهم وافقوا مارح تتزوجينه ولا تتزوجين حتى اذا الله ماكتب لك . غاليتي اذكري الله واستغفري وصلي والحي بدعاء الي عينه ماتنام في ثلث الاخير من الليل . والله يرزقك يارب وحافظي على اذكار الصباح والمساء وكوني على وضوء دائماَ وتصدقي واستغفري قد ماتقدرين وصلى على نبي محمد واللي ربي كتبه لك بتاخذين غصب عن الجميع . اعرفي هالشي .
دعواتك لي .
وتذكري اذا ماتزوجته ماكان لك من الاول . يعني انتي قولي لنفسك ولعقلك الباطني لو لي الله بيرزقني فيه والله لو ايش ولو مو لي لو قبيلتك وطوايفك كلهم وافقوا مارح تتزوجينه ولا تتزوجين حتى اذا الله ماكتب لك . غاليتي اذكري الله واستغفري وصلي والحي بدعاء الي عينه ماتنام في ثلث الاخير من الليل . والله يرزقك يارب وحافظي على اذكار الصباح والمساء وكوني على وضوء دائماَ وتصدقي واستغفري قد ماتقدرين وصلى على نبي محمد واللي ربي كتبه لك بتاخذين غصب عن الجميع . اعرفي هالشي .
دعواتك لي .
الله يعينك صراحه ما الومك بس لحي على امك عشان تأ ثر على ابوك
واصبري والحي بالدعاء واكثري من الاستغفار
الله يهدي اهلك يااااااااااااااارب
واصبري والحي بالدعاء واكثري من الاستغفار
الله يهدي اهلك يااااااااااااااارب
شوفي حبيبتي هذي نتيجة الاستخارة صدقيني مافيه نصيب لااتحطمين ولاتزعلين نفسك
صدقيني ربي ماجل لك الافضل باذن الله الواحد الاحد
وفي النهاية ترى اهلك يبوون لك الافضل
صدقيني ربي ماجل لك الافضل باذن الله الواحد الاحد
وفي النهاية ترى اهلك يبوون لك الافضل
الصفحة الأخيرة