زي ماقالوا البنات اجلسي معها

أختي طبقي الحل الي قالوة الاخوات وقوليلنا وش النتيجه
ليش تعبي اعصابك,,,دق الحديد وهو حامي وكلمه تستحي منها بدها
اجلسي معاها والله يعينك

يمكن احد ناقل لها كلام عنك

الله يفرج همك يارب

اختي انا ساكنه عند اهل زوجي واول كل يوم سهر مع البنات ومع خالتي ام زوجي وعلاقتنا احلا من العسل
بعدين حسيتها تغيرت شوي ما ادري عن السبب انقهرت مثلك
لكن ما سكت كم مرا اقول للبنات خلونا نطلع نتغدا او نتعشا برا ويتعذرون مني
بعدين قلت اسمعوا مو بيكفكم ابيكم بسالفه وماراح تتعذرون بشي كلها ساعه بالكثير ولازم تجون
لو ما جيتو بعتبركم زعلانين استحو المساكين وجو معاي

وصارحتهم قلت انا احبكم مثل خواتي وانتو متغيرين ومن هالكلام ولله وحده منهم بكت وقالت وحنا نحبك
وطلع الموضوع اتفهه من التفاهه زوجي مسولف لهله سالفه انا قايلتها وهم فهموها خطاء
بينت لهم السالفه ونتهى كل شي الحمدلله

بعدها اخذت درس
اني ما اسولف لزوجي عن اهله اي سالفه لانه من حسن نيه مرات تطلع وهم يفهمونها خطاء
والشي الثاني
قد ما اقدر اخلي العلاقه سطحيه مو رسميه في فرق ترا
يعني انزلهم بس مو كل يوم والسوالف تكون سطحيه وعامه
محل برنامج ما اطري ناس ابد ولا اطري سوالف تخصني

اختي انا من راي تكلمين خالتك بسلوب لين وحلوو ولو ماعندك قدره على الحوار
توددي لهم بس لا تصيرين كل يوم تطلعين لهم

وان شاءلله مافي شي وماتدرين وش عذرهم

اقوووول روووقي وخليييييك طبيعيه اذا انتي واااثقه انك ما غلطتي على احد خلااص ياقلبي وين المشكله خليك طبيعيه ولا تشيلين هم ترى الدنيا ماتسوى